រាជធានីភ្នំពេញ ៖ លោកសម រង្ស៊ី អតីតប្រធានគណបក្សសង្គ្រោះជាតិត្រូវបានអយ្យការអមសាលាដំបូងរាជធានីភ្នំពេញកោះឲ្យចូលបំភ្លឺនៅថ្ងៃទី៧ ខែឧសភា ឆ្នាំ២០១៨ខាងមុខ វេលាម៉ោង៩និង០០ព្រឹក ដើម្បីបំភ្លឺដំណើររឿងពីការចុះកិច្ចព្រមព្រៀងជាមួយឈ្មោះ កុក…
រាជធានីភ្នំពេញ ៖ លោកសម រង្ស៊ី អតីតប្រធានគណបក្សសង្គ្រោះជាតិត្រូវបានអយ្យការអមសាលាដំបូងរាជធានីភ្នំពេញកោះឲ្យចូលបំភ្លឺនៅថ្ងៃទី៧ ខែឧសភា ឆ្នាំ២០១៨ខាងមុខ វេលាម៉ោង៩និង០០ព្រឹក ដើម្បីបំភ្លឺដំណើររឿងពីការចុះកិច្ចព្រមព្រៀងជាមួយឈ្មោះ កុក ស នៅថ្ងៃទី១៤ ខែមេសា ឆ្នាំ២០១៣ និងកាត់ទឹកដី៤ខេត្ត ឲ្យជនជាតិដើមដេហ្គា(ម៉ុងតាញ៉ា)គ្រងគ្រង ។
យោងតាមដីកាចុះហត្ថលេខាដោយលោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ« អញ្ជើញលោកសម រង្ស៊ី ជាជនសង្ស័យទីលំនៅសព្វថ្ងៃផ្ទះលេខ៥៧៦ ផ្លូវជាតិលេខ២ ភូមិព្រែកតាគង់២ សង្កាត់ចាក់អង្រែលើ ខណ្ឌមានជ័យរាជធានីភ្នំពេញ» ។
លោកព្រះរាជអាជ្ញារងបានបញ្ជាក់ថា ៖ សាម៉ីខ្លួនត្រូវអញ្ជើញមកតាមដីកានេះឲ្យទាន់ពេលវេលា និងយកលិខិតនានាផ្សេងៗដែលទាក់ទងនឹងរឿងខាងលើផងប្រសិនបើមាន ។ ទោះបីយ៉ាងណាពេលនេះ លោកសម រង្ស៊ី កំពុងស្ថិតក្រៅប្រទេសមិនកំណត់ថា ពេលណាចូលមកកម្ពុជាវិញនោះទេ ។
គួរបញ្ជាក់ថា ៖ កាលពីថ្មីនេះនាយកដ្ឋានប្រឆាំងបទល្មើសភេវរកម្ម និងឧក្រិដ្ឋកម្មឆ្លងដែននៃក្រសួងមហាផ្ទៃបានដាក់លិខិតចូលទៅអយ្យការអមសាលាដំបូងរាជធានីភ្នំពេញ បន្ទាប់ពីមានវីដេអូឃ្លីបបង្ហាញពីសកម្មភាពរបស់លោក សម រង្ស៊ី និងលោក កុក ស ត្រូវបានគេបង្ហោះតាមបង្ហាញទំនាក់ទំនងសង្គមកាលពីថ្ងៃទី៦ ខែមីនានេះ៕
ចែករំលែកព័តមាននេះ