រាជធានីភ្នំពេញ ៖ តំណាងអចិន្ត្រៃយ៍កម្ពុជាប្រចាំមន្ទីរអង្គការសហប្រជាជាតិ និងអង្គការអន្តរជាតិនានា ទីក្រុងហ្សឺណែវ បានលោក ណី សំអុល ថ្លែងការណ៍ប្រឆាំងមិនគាំទ្ររបស់កិច្ចប្រជុំរបស់ក្រុមប្រឹក្សាសិទ្ធិមនុស្សនៃអង្គការសហប្រជាជាតិលើកទី៣៧ នៃក្រុមប្រឹក្សាសិទ្ធិមនុស្សកាលពេលថ្មីៗ កន្លងមកនេះ ។
ក្នុងសេចក្តីថ្លែងការណ៍លោកណី សំអុល បានលើកឡើងនៅថ្ងៃទី២១ មីនា ឆ្នាំ២០១៨ បានធ្វើខុសនឹងរបៀបវារៈ និងបានព្រមានមិនឱ្យក្រុមប្រឹក្សាសិទ្ធិមនុស្សនៃអង្គការសហប្រជាជាតិរៀបចំកិច្ចប្រជុំណាមួយវាយប្រហារលើប្រទេសកម្ពុជានៅមុនកិច្ចប្រជុំទៀងទាត់ក្នុងខែមិថុនា ដែលកំណត់ដោយច្បាប់ឡើយ ។ កម្ពុជាចាត់ទុកថា ការ រៀបចំសកម្មភាពនេះ គឹរំលោភបំពានសេចក្តីសម្រេចចិត្តរបស់ក្រុមប្រឹក្សាសន្តិសុខ ដែលអនុម័តកាលពីឆ្នាំមុន ។
លោក ណី សំអុល ឯកអគ្គរាជទូតតំណាងអចិន្ត្រៃយ៍កម្ពុជាប្រចាំមន្ទីរអង្គការសហប្រជាជាតិ និងអង្គការអន្តរជាតិនានាទីក្រុងហ្សឺណែវ ឆ្លើយតបទៅនឹងសេចក្តីថ្លែងការណ៍រួមប្រឆាំងនឹងកម្ពុជា ដែលថ្លែងដោយណូវែលហ្សេទ្បង់ នាសម័យប្រជុំលើកទី៣៧ នៃក្រុមប្រឹក្សាសិទ្ធិមនុស្សទីក្រុងហ្សឺណែវបានបញ្ជាក់យ៉ាងដូច្នេះ «គណៈប្រតិភូយើងខ្ញុំ សូមប្រឆាំងដាច់អហង្ការរាល់កិច្ចប៉ុនប៉ងខុសបែបបទ ក្នុងការរៀបចំឱ្យមានការពិភាក្សាអន្តរកិច្ចប្រជុំពាក់ព័ន្ធនឹងប្រ ទេសកម្ពុជា នៅមុនកិច្ចប្រជុំទៀងទាត់ក្នុងខែមិថុនា ដែលសកម្មភាពនេះ វារំលោភបំពានសេចក្តីសម្រេចចិត្តលេខ ៣៦/៣២ ដែលត្រូវបានអនុម័តកាលពីឆ្នាំមុន» ។
តំណាងកម្ពុជាបានចាត់ទុកថា ការលើកយករបៀបវារៈខុសការគ្រោងទុកពាក់ព័ន្ធនឹងកម្ពុជា នៅក្នុងសម័យប្រជុំលើកទី៣៧ នៃក្រុមប្រឹក្សាសិទ្ធិមនុស្សទីក្រុងហ្សឺណែវកាលពីម្សិលមិញ គឺជារឿងចម្លែកបំផុត និងមិនធ្លាប់មានពីមុនមក ។ ថ្លែងការណ៍បានបន្ថែមទៀតថា ក្រុមប្រឹក្សាសន្តិសុខកំពុងត្រូវបានគេប្រើប្រាស់ជារូបភាពនយោបាយយ៉ាងធ្ងន់ធ្ងរ ។
តំណាងកម្ពុជាបានបញ្ជាក់ទៀតថា ដោយសារតែប្រទេសកម្ពុជាមានការបោះឆ្នោតនៅខែកក្កដា ឆ្នាំនេះ ហើយក៏ព្រោះ តែពួកគេចង់ឱ្យមានការផ្លាស់ប្តូររបបពួកគេមានបេក្ខជនដែលពួកគេបានសន្មត់ជាមុន ដើម្បីថា ជាអ្នកឈ្នះ នេះគ្រាន់តែជាការរៀបរាប់ខ្លះៗប៉ុណ្ណោះ ។
លោកសង្កត់ធ្ងន់ថា«ហេតុដូច្នេះហើយ កម្ពុជាសូមធ្វើការច្រានចោលទាំងស្រុងនូវសេចក្តីថ្លែងការណ៍ ដែលមានចរិកនយោបាយបែបនេះ ដែលបង្កប់ទៅដោយបំណងអាក្រក់ ដើម្បីរារាំងកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ក្នុងការថែរក្សាការពារច្បាប់ និងសណ្តាប់ធ្នាប់ និងក្នុងការលើកកម្ពស់សន្តិភាព ស្ថិរភាព និងការអភិវឌ្ឍសម្រាប់ប្រជាពលរដ្ឋរបស់ ខ្លួន» ។ លោកបន្ថែមថា កម្ពុជាមិនមែនរដ្ឋចំណុះនៃភាពអាណានិគមរបស់ក្រុមបរទេសណាមួយនោះឡើយ ត្បិតកម្ពុជាមានសិទ្ធិគ្រប់គ្រាន់ក្នុងកិច្ចធានា និងរក្សានូវភាពស្របច្បាប់របស់ខ្លួន ។
សូមជម្រាបថា កាលពីកន្លងមកនេះណូវែលសេឡង់ធ្វើសេចក្តីថ្លែងការណ៍តំណាងឱ្យក្រុមប្រទេសចំនួន ៤៥បានសម្តែងការព្រួយបារម្មណ៍ចំពោះដំណើរការបោះឆ្នោតនៅកម្ពុជាឆ្នាំ២០១៨ ខាងមុខនេះដោយសារ តែមានការចាប់ខ្លួន លោកកឹម សុខាប្រធានគណបក្សសង្គ្រោះជាតិ គ្មានគណបក្សប្រឆាំងចូលរួមប្រកួតប្រជែង ។
ច្បាប់ស្តីពីសហជីពពាណិជ្ជកម្ម ក្រមព្រហ្មទណ្ឌកម្ពុជា និងការកែប្រែថ្មីៗទៅរដ្ឋធម្មនុញ្ញ ។ បរិយាកាសនយោបាយត្រូវតែជាផ្នែកមួយដែលគណបក្សប្រឆាំងសង្គមស៊ីវិល និងប្រព័ន្ធផ្សព្វផ្សាយអាចបំពេញមុខងាររបស់ពួកគេដោយគ្មានការភ័យខ្លាចការគំរាមកំហែង ឬការដាក់កំហិតតាមអំពើចិត្ត ៕
ចែករំលែកព័តមាននេះ