រាជធានីភ្នំពេញ ៖ អតីតអ្នកនាំពាក្យគណបក្សសង្គ្រោះជាតិលោកយ៉ែម បុញ្ញាឬទ្ធិ បានស្នើដល់អ្នកច្បាប់ និងអ្នកនយោបាយផ្តល់សិទ្ធិសេរីភាព និងកាយសម្បទានជូន លោក កឹម សុខា អតីតប្រធានគណបក្ស សង្គ្រោះជាតិ ដែលកំពុងជាប់ពន្ធនាគារវិញ ។
លោក យ៉ែម បុញ្ញាឬទ្ធិ ដែលកំពុងរស់នៅក្រៅប្រទេសបានសរសេរលើបណ្តាញសង្គមកាលពីថ្ងៃទី២១ ខែមីនា ថា បន្តគោលការណ៍គោរពសិទ្ធិមនុស្សដែលប្រជាពលរដ្ឋខ្មែរទទួលបានពីការបណ្តុះបណ្តាលអប់រំការផ្សព្វផ្សាយបានមធ្យមល្មមធ្វើឱ្យការចូលរួមក្នុងការទាមទារសិទ្ធិសេរីភាព ដែលមានការគាំពារដោយរដ្ឋធម្មនុញ្ញបានជំរុញឱ្យពន្លឺសិ ទ្ធិសេរីភាព និងការចង់បានយុត្តិធម៌សង្គមកាន់តែខ្លាំងក្លា ឡើងពីសំណាក់ប្រជាជាតិយើង ។
លោកបន្តថា គោលការណ៍គោរពសិទ្ធិមនុស្សឈានដល់គោលការណ៍លទ្ធិប្រជាធិបតេយ្យ ដែលប្រជាពលរដ្ឋខ្មែរចង់បានឱ្យមានការអនុវត្តន៍បានពេញលេញយោងតាមកិច្ចព្រមព្រៀងសន្តិភាពទីក្រុងប៉ារីស ២៣ តុលា ១៩៩១ ដែលជំរុញឱ្យខ្មែរគ្រប់ភាគី ដែលមាននិន្នាការនយោបាយផ្សេងគ្នា រួបរួមគ្នាផ្សះផ្សាជាតិថែរក្សាសន្តិភាព ដើម្បីអភិវឌ្ឍជាតិមាតុភូមិ ។
លោកបញ្ជាក់ថា «លោក កឹម សុខា ប្រធានគណៈកម្មការសិទ្ធិមនុស្សព្រឹទ្ធសភា នៅអំឡុងឆ្នាំ២០០០ ដោយប្រកាន់ខ្ជាប់តាមគោលការណ៍អហិង្សាការគោរពសិទ្ធិមនុស្ស ជាមូលដ្ឋាន ។ ដូច្នេះការឃុំខ្លួនរបស់គាត់ពេលនេះដែលមានរយៈពេលលើសពី៦ខែ ទៅហើយ មិនមានអ្វីជាសម្អាងក្នុងការដាក់បន្ទុកដែលទាំងអ្នកច្បាប់ ទាំងអ្នកនយោបាយ យល់យ៉ាងច្បាស់ថា គាត់គ្មានកំហុស ហើយត្រូវតែផ្តល់សិទ្ធិសេរីភាព និង នីតិសម្បទាពេញលេញជូនគាត់វិញ» ។
សូមជម្រាបថា ទោះបីជាមានការស្នើសុំយ៉ាងក្តីសម្តេចតេជោ ហ៊ុនសែន នាយករដ្ឋមន្ត្រីកាលពេលថ្មីកន្លងមកនេះ បានបញ្ជាក់យ៉ាងច្បាស់ថា មិនមានការលើកលែកទោស ដល់អតីតប្រធានគណបក្សសង្គ្រោះជាតិ និងសមាជនគណបក្សនោះទេ ព្រោះដោយសារ ទង្វើររបស់លោកសម រង្ស៊ី ។
សម្តេចក៏បានបន្តថា អ្នកដែលជាប់ពន្ធនាគារទុកឲ្យដល់ការកំណត់របស់ច្បាប់ ដែលអ្នក ខ្លះអាចឈានដល់អាណត្តិនាយករដ្ឋមន្ត្រីថ្មីមកកាន់ដំណែងក៏មិនទាន់រួចខ្លួនពីពន្ធ នាគារផងដែរ ។ ចំណែកសម្តេចនៅកាន់អំណាចជា នាយករដ្ឋមន្ត្រីតែ១០ឆ្នាំ ឬ២អាណត្តិទៀតប៉ុណ្ណោះ ៕
ចែករំលែកព័តមាននេះ