រាជធានីភ្នំពេញ ៖ ក្រុមអតីតបក្សប្រឆាំងដែលតែងតែចង់មកចរចាជាមួយគណបក្សកាន់អំណាច ដើម្បីដោះស្រាយបញ្ហាតែពេលនេះហួសពេល ហើយដោយសារគណបក្សកាន់ប្រកាសបិទផ្លូវចរចាហើយ ។ ការបិទផ្លូវចរចារបស់គណបក្សកាន់អំណាចត្រូវបានអ្នកនាំពាក្យគណបក្សនេះអះអាងថា គឺជាការខាតបង់យ៉ាងខ្លាំងរបស់ពួកឧទ្ទាមក្រៅច្បាប់ រូមលោកសម រង្ស៊ី…
រាជធានីភ្នំពេញ ៖ ក្រុមអតីតបក្សប្រឆាំងដែលតែងតែចង់មកចរចាជាមួយគណបក្សកាន់អំណាច ដើម្បីដោះស្រាយបញ្ហាតែពេលនេះហួសពេល ហើយដោយសារគណបក្សកាន់ប្រកាសបិទផ្លូវចរចាហើយ ។
ការបិទផ្លូវចរចារបស់គណបក្សកាន់អំណាចត្រូវបានអ្នកនាំពាក្យគណបក្សនេះអះអាងថា គឺជាការខាតបង់យ៉ាងខ្លាំងរបស់ពួកឧទ្ទាមក្រៅច្បាប់ រូមលោកសម រង្ស៊ី ដែលកំពុងរស់នៅក្រៅប្រទេស ។
លោកសុខ ឥសាន បានបញ្ជាក់ឲ្យដឹងនៅថ្ងៃទី២២ ខែមីនានេះ យ៉ាងដូច្នេះ ថា «រឿងចរចាតាមវប្បធម៌សន្ទនា គឺគណបក្សប្រជាជនកម្ពុជា និងប្រមុខរាជរដ្ឋាភិបាលកម្ពុជា ជាអ្នកព្យាយាម ដើម្បីដោះស្រាយបញ្ហាជាប់គាំង នយោបាយដែលបង្កឡើងដោយអតីតបក្សប្រឆាំង ប៉ុន្តែដល់ពេលទឹកដល់ច្រមុះទៅហើយ អ្វីៗត្រូវអស់ពីខ្លួនទៅហើយ អស់ទាំងជីវិតនយោបាយ អស់ទាំងផ្លូវដើរ បែរជាងាកមកចង់សុំចរចា ដើម្បីឲ្យមានដង្ហើមឡើងវិញ ក្រោយដែលបានដើរទៅលុតក្រាបបរទេសឲ្យជួយ មិនបានការមួយជុំផែនដីទៅហើយ ។ ដូច្នេះការបិទផ្លូវចរចាជាមួយពួ កឧទ្ទាមក្រៅច្បាប់ គឺជាការត្រឹមត្រូវ » ។
លោកបន្តថា ពួកឧទ្ទាមក្រៅច្បាប់គ្មានតម្លៃអ្វីទាល់តែសោះ ចង់លូនមកសុំចរចាជាមួយគណបក្សប្រជាជនកម្ពុជា និងរាជរដ្ឋាភិបាលកម្ពុជានោះទេ ។ ការបិទផ្លូវចរចានេះមិនមែនជាការខាតបង់ប្រយោជន៍ជាតិនោះទេតែ គឺជាការខាតបង់របស់ពួកឧទ្ទាមក្រៅច្បាប់តែប៉ុណ្ណោះ ដើម្បីឲ្យសមមុខពួកនេះ ដែលតែងតែឃុបឃិតជាមួយបរទេសបំផ្លាញជាតិឯង ។
ការលើកឡើងរបស់អ្នកនាំពាក្យគណបក្សកាន់អំណាច បន្ទាប់ពីលោកសម រង្ស៊ី អតីតប្រធានគណបក្សសង្គ្រោះជាតិដែលកំពុងរស់នៅក្រៅប្រទេសបានស្នើដល់សម្តេចតេជោ មុនពេលសម្តេចចូលរួមកិច្ចប្រជុំកំពូល អាស៊ាន អូស្ត្រាលីកន្លងមកថា ចប់ជួបចរចាតែលោក សម រង្ស៊ី មិនមកជួបដូចអ្វីដែលលើកឡើងនេះ ផ្ទុយទៅវិញ បែរជាមានសកម្មជនគាំទ្រខ្លួនធ្វើបាតុកម្មទៅវិញ ។
យ៉ាងណាក្តីលោកសុខឥសានបានលើកឡើងថា លោកសម រង្ស៊ី ធ្វើនយោបាយស្ទើរភ្លើង ។ ដែលពាក្យចាស់បុរាណខ្មែរតែងពោលថា បើស្ទើរភ្លើងទេ កុំចង់សាកវានឹងអត់បានការមិនមានប្រសិទ្ធភាព និងមិនបានផល ។ បើធ្វើនយោបាយស្ទើរភ្លើងនោះនឹងនាំឲ្យខាតប្រយោជន៍ធំដល់គណបក្សដល់ខ្លួនឯង និង ដល់ប្រទេសជាតិ ។
លោកបានអះអាងថា លោកសម រង្ស៊ីបាននយោបាយរហូតដល់អស់ជីវិតនយោបាយ អស់តួនាទីពីក្នុងបក្សអស់ការគាំទ្រ អស់ទីបង្អែក អស់ផ្លូវដើរ និងត្រូវបិទផ្លូវខ្លូនឯង ។ ឧទាហរណ៍ជាក់ស្តែង បើកផ្លូវវប្បធម៌សន្ទនាហើយ តែបានបំផ្លាញវប្បធម៌សន្ទនា បើកផ្លូវឲ្យមានទំនាក់ទំនងឡើងវិញ តែបានបិទផ្លូវទំនាក់ទំនងដោយខ្លួនឯង ។ ការលើកឡើងរបស់អ្នកនាំពាក្យខាងលើនេះ ស្របពេលដែលលោកសម រង្ស៊ី បានសរសេលើបណ្តាញសង្គមថា ក្រុមហ៊ុនបញ្ជាទិញ ព្រមានសម្តេចតេជោ ហ៊ុន សែន ពីនយោបាយគាបសង្កត់របស់គាត់ ។
លោកបានសរសេរទៀតថា សមាគមតំណាងឲ្យក្រុមហ៊ុនអន្តរជាតិធំៗជាងគេបំផុត ដែលជាអ្នកបញ្ជាទិញសម្លៀកបំពាក់ផលិតនៅប្រទេសកម្ពុជាទើបតែបានសរសេរលិខិតមួយច្បាប់ទៅលោក ហ៊ុន សែន ដែលមានខ្លឹមសារដូចតទៅ ៖ « យើងចង់សម្តែងពីកង្វល់កាន់តែខ្លាំងឡើងរបស់យើងទាក់ទងទៅនឹងព្រឹត្តិការណ៍ថ្មីៗ ដែលមិនត្រឹមតែប៉ះពាល់ដល់សិទ្ធិរបស់កម្មករប៉ុណ្ណោះទេ តែបាននាំមកផងដែរ នូវបរិយាកាសមួយដែល ធ្វើឲ្យការការពារសិទ្ធិមនុស្សស្រុតចុះ ។
ដូច្នេះយើងស្នើឲ្យរដ្ឋាភិបាលរបស់លោកធានាការគោរពសិទ្ធិមនុស្ស និងសេរីភាពជាមូលដ្ឋានព្រមទាំងផ្តល់ការការពារពេញលេញចំពោះអ្នកការពារសិទ្ធិមនុស្សទាំងអស់ នៅក្នុងប្រទេសរបស់លោក ។ សេរីភាពនយោបាយ នីតិរដ្ឋ និងការគោរពសិទ្ធិពលរដ្ឋ និងសិទ្ធិការងារដូចមានចែងក្នុងសន្ធិសញ្ញាអន្តរជាតិ គឺជាការចាំបាច់សម្រាប់ពាណិជ្ជកម្មអន្តរជាតិ និងធុរកិច្ចប្រកបដោយស្មារតីទទួលខុសត្រូវ» ៕
ចែករំលែកព័តមាននេះ