ការសិក្សា៖ អ្នកប្រើ Android ស្មោះស្ម័គ្រជាងអ្នកប្រើ iOS
អ្នកគាំទ្រ Apple ជាអ្នកដែលស្មោះស្ម័គ្រនឹងយីហោទូរស័ព្ទយ៉ាងខ្លាំង ប៉ុន្តែការសិក្សាក្នុងពេលថ្មីៗនេះដោយស្ថាប័ន Consumer Intelligence Research Partners (CIRP) បានបង្ហាញថា…
អ្នកគាំទ្រ Apple ជាអ្នកដែលស្មោះស្ម័គ្រនឹងយីហោទូរស័ព្ទយ៉ាងខ្លាំង ប៉ុន្តែការសិក្សាក្នុងពេលថ្មីៗនេះដោយស្ថាប័ន Consumer Intelligence Research Partners (CIRP) បានបង្ហាញថា…
អ្នកគាំទ្រ Apple ជាអ្នកដែលស្មោះស្ម័គ្រនឹងយីហោទូរស័ព្ទយ៉ាងខ្លាំង ប៉ុន្តែការសិក្សាក្នុងពេលថ្មីៗនេះដោយស្ថាប័ន Consumer Intelligence Research Partners (CIRP) បានបង្ហាញថា អ្នកគាំទ្រ Android បែរជាមានភាពស្មោះស្ម័គ្រច្រើនជាងវិញ ។
ការសិក្សានេះបានឲ្យដឹងថា ភាពស្មោះ ស្ម័គ្រចំពោះ Android បានកើនឡើងតាំងពីឆ្នាំ ២០១៦មកម្ល៉េះ ហើយពេលនេះកំពុងស្ថិតក្នុងកម្រិតខ្ពស់ជាងគេក្នុងប្រវត្តិសាស្ត្រទៀតផង ។ ក្នុងពេលបច្ចុប្បន្ននេះ អត្រាភាពស្មោះស្ម័គ្រនៃអ្នកប្រើប្រាស់ Android ស្មើប្រមាណ៩១% ខណៈអត្រានេះស្មើតែ៨៦%ប៉ុណ្ណោះសម្រាប់ iOS របស់ Apple ។ ដើម្បីវាស់វែងលើភាពស្មោះត្រង់នេះ CIRP មើលទៅលើអត្រាអតិថិជនដែលបន្តប្រើប្រាស់ទូរស័ព្ទមានប្រព័ន្ធដំណើរការដដែល បន្ទាប់ពីផ្លាស់ប្តូរទូរស័ព្ទ ។
លោក Mike Levin មកពីស្ថាប័ន CIRP បានប្រាប់ថា ព្រោះតែពេលនេះមានប្រព័ន្ធដំណើរការទូរស័ព្ទតែពីរ អតិថិជនពេលនេះជ្រើសមួយរៀនប្រើវា វិនិយោគលើកម្មវិធីទូរស័ព្ទ និងការស្តុកឯកសារ ហើយបន្តប្រើប្រាស់វាបន្តទៀត ។
លោកថា ៖« ពេលនេះ Apple និង Google ត្រូវតែស្វែងរកវិធីក្នុងការលក់ផលិតផល និងសេវាកម្មដល់អតិថិជនដែលស្មោះស្ម័គ្រទាំងនេះ » ។ ដោយហេតុដូច្នេះហើយទើប Google និង Apple ប្រៀបដូចជាវិនិយោគបន្ថែមឡើងលើសេវាកម្មមួយចំនួនដូចជា កម្មវិធីទូរស័ព្ទ, បទចម្រៀង និងការស្តុកឯកសារ ។
ជាមួយគ្នានេះ បើទោះជាអត្រានៃភាពស្មោះស្ម័គ្រមានទាបជាង Android ក្តី ប្រាក់ចំណូលពីសេវាកម្មរបស់ Apple ក្នុងខែវិច្ឆិកា ឆ្នាំមុន បានកើនដល់កម្រិតខ្ពស់ជាងគេទៀតផង ។ វាបង្ហាញថា ក្រុមហ៊ុនកំពុងតែរកប្រាក់ចំណូលជាច្រើនពីអតិថិជនស្មោះស្ម័គ្រទាំងនោះ ។
មូលហេតុដែល Android មើលឃើញអតិថិជនខ្លួនមានភាពស្មោះស្ម័គ្រជាង Apple គឺអាចមកពីទូរស័ព្ទដែលប្រើប្រាស់ Android ជាប្រព័ន្ធដំណើរការផ្តល់ជម្រើសច្រើនជាង Apple។ កត្តាមួយទៀតគួរឲ្យកត់សម្គាល់គឺ បើទោះជាការសិក្សាបានបង្ហាញថា Android មានអត្រានេះខ្ពស់ជាង iOS ពិតមែន ប៉ុន្តែចំនួនអ្នកប្រើប្រាស់ Android ដែលផ្លាស់ទៅប្រើ iOS មានច្រើនជាងការផ្លាស់ពី iOS មកកាន់ Android ទៅវិញ ។
លោក Levin បានប្រាប់ថា ៖« ពួកយើងដឹងថា Android មានអ្នកប្រើប្រាស់ច្រើនជាងiOS ហើយព្រោះតែចំនួនច្រើនជាងនេះ វាធ្វើឲ្យចំនួនអ្នកប្រើប្រាស់ដែលប្តូរពីប្រើ Android ទៅកាន់ iOS ក៏ច្រើនជាងចំនួនអ្នកដែលប្តូរពី iOS មក Android ដែរ » ៕
ចែករំលែកព័តមាននេះ