កម្មវិធី Google Play Instant ត្រូវបានដាក់ឲ្យដំណើរការកាលពីឆ្នាំមុន ដែលជាកម្មវិធីមួយសម្រាប់ឲ្យក្រុមហ៊ុនទូរស័ព្ទអនុញ្ញាតឲ្យអ្នកប្រើប្រាស់សាកល្បងមុនពេល Download ចូលទូរស័ព្ទរបស់ពួកគេ ។ មានន័យថា…
កម្មវិធី Google Play Instant ត្រូវបានដាក់ឲ្យដំណើរការកាលពីឆ្នាំមុន ដែលជាកម្មវិធីមួយសម្រាប់ឲ្យក្រុមហ៊ុនទូរស័ព្ទអនុញ្ញាតឲ្យអ្នកប្រើប្រាស់សាកល្បងមុនពេល Download ចូលទូរស័ព្ទរបស់ពួកគេ ។ មានន័យថា អ្នកប្រើប្រាស់គ្រាន់តែចុចលើកម្មវិធីនោះ វានឹងដំណើរការឲ្យពួកគេលេងបានដោយងាយស្រួល ។ បន្ទាប់មក កម្មវិធីទាំងនោះ នឹងត្រូវលុបចេញដោយខ្លួនឯងពេលដែលអ្នកប្រើប្រាស់ចាកចេញ ។ ប៉ុន្តែពេលនេះ Google ពង្រីកសេវាកម្មនេះសម្រាប់ហ្គេមផងដែរ ធ្វើឲ្យអ្នកប្រើប្រាស់អាចសាកល្បងលេងហ្គេមមុនពេលទាញវា ។
ដើម្បីធ្វើដូច្នេះ អ្នកប្រើប្រាស់គ្រាន់តែចូលទៅកាន់កម្មវិធី Google Play Games និងចុចលើ Arcade ហើយជ្រើសរើសពាក្យថា Play លើហ្គេមដែលពួកគេចង់សាកល្បងលេងជាការស្រេច ។ អ្នកក៏អាចមើលឃើញព័ត៌មាន និងវីដេអូ YouTube ទាក់ទិននឹងហ្គេមនេះដែរ ។ វិធីមួយទៀត គឺគ្រាន់តែចូលទៅកាន់កម្មវិធី Google Play និងចុចលើពាក្យថា Try Now ប៉ុន្តែអ្នកមិនអាចសាកល្បងលេងហ្គេមបានទាំងអស់ទេ ។ ក្នុងពេលបច្ចុប្បន្ន ហ្គេមដែលមានក្នុងសេវាកម្មនេះមានតែ Clash Royale, Words With Friends 2, Panda Pop និងហ្គេមមួយចំនួនទៀតប៉ុណ្ណោះ ។
ចែករំលែកព័តមាននេះ