យោងទៅតាមសេចក្តីរាយការណ៍របស់សារព័ត៌មាន Daily Mirror បានឲ្យដឹងថា មួយថ្ងៃញ៉ាំផ្លែប៉ោមមួយផ្លែ គឺមិនអាចឲ្យមានការខូចខាតដែលបង្កឡើងដោយការញ៉ាំប្រៃច្រើនពេកនោះទេ ។ ការញ៉ាំអាហារមានជាតិប្រៃខ្ពស់ នឹងបង្កើនសម្ពាធឈាម ដែលវានឹងធ្វើឲ្យប្រឈមកាន់តែខ្ពស់…
យោងទៅតាមសេចក្តីរាយការណ៍របស់សារព័ត៌មាន Daily Mirror បានឲ្យដឹងថា មួយថ្ងៃញ៉ាំផ្លែប៉ោមមួយផ្លែ គឺមិនអាចឲ្យមានការខូចខាតដែលបង្កឡើងដោយការញ៉ាំប្រៃច្រើនពេកនោះទេ ។ ការញ៉ាំអាហារមានជាតិប្រៃខ្ពស់ នឹងបង្កើនសម្ពាធឈាម ដែលវានឹងធ្វើឲ្យប្រឈមកាន់តែខ្ពស់ នឹងជំងឺធ្ងន់ដូចជា ជំងឺបេះដូង និងដាច់សរសៃឈាមខួរក្បាលជាដើម ។
ក្នុងការសិក្សាថ្មីនេះ អ្នកស្រាវជ្រាវចង់ដឹងថា តើការប្រឈមមុខមានជាប់ទាក់ទងនឹងរបបអាហារមានជាតិប្រៃខ្ពស់នោះ ត្រូវបានរងឥទ្ធិពលដោយជាតិរ៉ែ និងវីតាមីន ផ្សេងៗទៀត ដែលអ្នកទទួលបានពីការញ៉ាំអាហារផ្តល់សុខភាពល្អដូចជា បន្លែ និងផ្លែឈើច្រើន ឬអត់ ។
អ្នកស្រាវជ្រាវបានពិនិត្យទៅលើទិន្នន័យបានមកពីការសិក្សា INTERMAP ដែលជាការសិក្សាបែបអន្តរជាតិមួយមានមនុស្សចូលរួមប្រមាណ៤៦៨០នាក់ ដែលធ្វើឡើងនៅឆ្នាំ ១៩៩៦ដល់១៩៩៩ ។ ពួកគេអាចបញ្ជាក់បានថា មានសេចក្តីថ្លែងមួយដែលថា ការទាក់ទងមួយរវាងអ្នកដែលញ៉ាំជាតិប្រៃច្រើន និងការលើសសម្ពាធឈាម ។ ប៉ុន្តែពួកគេក៏បានរកឃើញទៀតថា ការទាក់ទងនេះមិនរងការប៉ះពាល់ដោយអ្វីផ្សេងដែលពួកគេបានញ៉ាំឡើយដូចជា ខ្លាញ់ Saturated Fat អាហារសម្បូរជាតិសរសៃ វីតាមីន និងជាតិរ៉ែជាដើម។ រឿងនេះមិនមែនមានន័យថា វាមិនមានបញ្ជាក់ថា ការញ៉ាំអាហារផ្តល់សុខភាពឡើយបើសិនជាអ្នកចង់ញ៉ាំអាហារមានជាតិប្រៃច្រើនហើយនោះ ។ ខណៈពេលដែលអ្នកប្រហែលជាមិនអាចលុបចោលនូវឥទ្ធិពលនៃជាតិប្រៃទេនោះ ការញ៉ាំអាហារដែលផ្តល់សុខភាពបន្ថែមនឹងជួយផ្តល់ប្រយោជន៍ដល់សុខភាពដែរដូចជា បន្ថយការប្រឈមនឹងជំងឺរយៈពេលយូរ ផ្សេងៗទៀតបានយ៉ាងល្អ ។
ប៉ុន្តែយកល្អគួតែកាត់បន្ថយការញ៉ាំប្រៃឲ្យបានច្រើនផង ។ អ្នកស្រាវជ្រាវសង្ឃឹមថា ការសិក្សានេះនឹងទាញការយកចិត្តទុកដាក់កាន់តែច្រើន ចំពោះតម្រូវការបន្ថយចំនួនជាតិប្រៃក្នុងរបបអាហារ ។ មនុស្សធំមិនគួរណាញ៉ាំជាតិប្រៃច្រើនជាង៦ក្រាមក្នុងមួយថ្ងៃទេ ឬស្មើនឹងមួយស្លាបព្រាកាហ្វេ ។ សម្រាប ់ក្មេងៗ និងទារកគួរតែញ៉ាំតិចជាងនេះទៀត ៕
ចែករំលែកព័តមាននេះ