ខេត្តបាត់ដំបង៖ បុរសម្នាក់បានចង.កសម្លាប់ខ្លួន កាលពីម៉ោង០៥ និង៤០នាទីព្រឹកថ្ងៃទី២១ មីនា នេះ នៅលើដើមស្វាយខាងក្រោយផ្ទះរបស់ខ្លួន ស្ថិតក្នុងភូមិទួលជ្រៃ ឃុំសំពៅលូន ស្រុកសំពៅលូន…
ខេត្តបាត់ដំបង៖ បុរសម្នាក់បានចង.កសម្លាប់ខ្លួន កាលពីម៉ោង០៥ និង៤០នាទីព្រឹកថ្ងៃទី២១ មីនា នេះ នៅលើដើមស្វាយខាងក្រោយផ្ទះរបស់ខ្លួន ស្ថិតក្នុងភូមិទួលជ្រៃ ឃុំសំពៅលូន ស្រុកសំពៅលូន ដែលសាច់ញាតិអះអាងថា ព្រោះតែតូចចិត្តនឹងប្រពន្ធមិនព្រមជួបជុំគ្នាវិញ ។
សមត្ថកិច្ចបានឱ្យដឹងថា ជនរងគ្រោះខាងលើឈ្មោះ ហៀង សឿង អាយុ២៦ឆ្នាំ រស់នៅភូមិទួលជ្រៃ ឃំុសំពៅលូន ស្រុកសំពៅលូន ។ បុរសនេះ បានប្រើខ្សែអង្រឹងចង.កជាប់នឹងមែកស្វាយខាងក្រោយផ្ទះ កំពស់ផុតពីដីប្រហែលកន្លះម៉ែត្រ បណ្តាលឱ្យស្លាប់តែម្តង ។ មន្ត្រីដដែលបានបញ្ជាក់ថា ជនរងគ្រោះទំនងមានបញ្ហាក្នុងគ្រូសារ ដែលបានចែកផ្លូវគ្នាជាមួយប្រពន្ធកាលពីពេលកន្លងមក ទើបឈានដល់ការធ្វើអត្តឃាតខ្លួនឯងបែបនេះ។
បើតាមការបំភ្លឺពីក្រុមគ្រួសារបានប្រាប់សមត្ថកិច្ចថា ជនរងគ្រោះនិងប្រពន្ធបានលែងលះគ្នា ប៉ុន្តែមួយរយៈចុងក្រោយនេះ គេឃើញស្វាមីបានព្យាយាមចរចាជាមួយប្រពន្ធ ដើម្បីបានជួបជាគ្នាវិញ ។ ប៉ុន្តែប្រពន្ធបានបដិសេធទៅនឹងបំណងរបស់ប្ដី។ ដោយសារការព្យាយាមសម្របសម្រូបជាមួយប្រពន្ធវិញ មិនបានសម្រេចហើយ ទើបបុរសជាប្ដីតូចចិត្តក៏ចងកសម្លាប់ខ្លួនតែម្តងទៅ ដើម្បីបញ្ចប់បញ្ហា។
ចែករំលែកព័តមាននេះ