ខេត្តកំពត ៖ នៅរសៀលថ្ងៃទី២០ ខែមីនា ឆ្នាំ២០១៨ ក្រុមការងាររបស់រដ្ឋបាលខេត្តកំពតបានបើកវេទិកាសាធារណៈ ដើម្បីស្តាប់សំណូមពរពីប្រជាពលរដ្ឋជាច្រើនរយគ្រួសារ រស់នៅភូមិព្រៃពាយ ឃុំត្រពាំងភ្លាំង ស្រុកឈូក ខេត្តកំពត ។ កម្មវិធីនេះបានធ្វើឡើងនៅក្នុងបរិវេណវត្តឬស្សីមួយគុម្ព(ហៅវត្តថ្មី) ស្ថិតនៅភូមិព្រៃពាយ ឃុំត្រពាំងភ្លាំងស្រុកឈូក ខេត្តកំពត ដោយមានការអញ្ជើញចូលរួមជាអធិបតីលោក ជឹង ផល្លា អភិបាលរងខេត្តតំណាងដ៏ខ្ពង់ខ្ពស់លោក ជាវ តាយ អភិបាលនៃគណអភិបាលខេត្តកំពត ។ កម្មវិធីបើកវេទិកាសាធារណៈនៅពេលនេះក៏មានវត្តមានថ្នាក់ដឹកនាំស្រុក មេឃុំ មេភូមិ មន្ត្រីជំនាញ សុរិយោដីខេត្ត ស្រុក និងប្រជាពលរដ្ឋបានចូលរួមយ៉ាងច្រើនកុះករផងដែរ ។
ខ្លឹមសារដែលត្រូវដាក់ក្នុងវេទិកាសាធារណៈដើម្បីដោះស្រាយជូនប្រជាពលរដ្ឋនាពេលនេះដែលថ្លែងដោយលោក ជឹង ផល្លា អភិបាលរងខេត្តកំពត និងជាតំណាងលោក ជាវ តាយ អភិបាលនៃគណៈអភិបាលខេត្តកំពតមានបីចំណុចដូចខាងក្រោម ៖
ចំណុចទី១-ដោះស្រាយសំណូមពរបញ្ហាដីកម្មសិទ្ឋរបស់ប្រជាពលរដ្ឋចំនួន១០៣គ្រួសារដែលរស់នៅព្រៃពាយ ឃុំត្រពាំងភ្លាំង ស្រុកឈូក ខេត្តកំពត ។
ចំណុចទី២-ដោះស្រាយដីកម្មសិទ្ឋជូនប្រជាពលរដ្ឋចំនួន១៨៩គ្រួសារ ដែលមិនទាន់មានប្លង់កម្មសិទ្ឋនៅក្នុងតំបន់ខាងលើដែរ ។
ចំណុចទី៣-ដោះស្រាយជូនប្រជាពលរដ្ឋចំនួន១០១គ្រួសារ ដីសម្បទានសង្គមកិច្ចដែលរដ្ឋប្រគល់ជូនបងប្អូន ៕
ចែករំលែកព័តមាននេះ