រាជធានីភ្នំពេញ ៖ ក្នុងជំនួបពិភាក្សាការងារទ្វេរភាគីជាមួយប្រធានស្តីពីធនាគារអភិវឌ្ឍន៍អាស៊ីហៅកាត់ថា ADB លោករដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈបានបញ្ជាក់ថា ធនាគារអភិវឌ្ឍន៍អាស៊ី អេឌីប៊ី (ADB) នឹងរៀបចំឲ្យមានគម្រោងមួយទៀតហៅថា…
រាជធានីភ្នំពេញ ៖ ក្នុងជំនួបពិភាក្សាការងារទ្វេរភាគីជាមួយប្រធានស្តីពីធនាគារអភិវឌ្ឍន៍អាស៊ីហៅកាត់ថា ADB លោករដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈបានបញ្ជាក់ថា ធនាគារអភិវឌ្ឍន៍អាស៊ី អេឌីប៊ី (ADB) នឹងរៀបចំឲ្យមានគម្រោងមួយទៀតហៅថា អភិវឌ្ឍជំនាញសម្រាប់ការប្រកួតប្រជែងចន្លោះឆ្នាំ២០១៩ ដល់ឆ្នាំ ២០២៤ ដែលគម្រោងនេះត្រូវប្រើ ថវិកាប្រមាណ៦០លានដុល្លារអាមេរិក ។
ក្រុមអ្នកសារព័ត៌មាននៅក្រោយជំនួបពិភាក្សាការងារកាលពីព្រឹកថ្ងៃទី២០ ខែមីនា ឆ្នាំ២០១៨រវាងលោក ជេន ហានស៊ិន (Jan Hansen) ប្រធានស្តីទីនៃធនាគារអភិវឌ្ឍន៍អាស៊ីប្រចាំកម្ពុជា និងមន្ត្រីជាន់ខ្ពស់ក្រសួងការងារ និងបណ្តុះបណ្តាលនៅទីស្តីការក្រសួងលោកអ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈបានជម្រាប់ថា ជំនួបមួយនេះធ្វើឡើងក្នុងគោលបំណង ដើម្បីពិនិត្យការអនុវត្តគម្រោងដែលបាននិងកំពុងដំណើរការពិភាក្សាលើកម្មវិធីដែលបានដាក់ស្នើព្រមទាំងគម្រោងអភិវឌ្ឍពាក់ព័ន្ធ នឹងក្រសួងការងារសម្រាប់ ឆ្នាំ២០១៩-២០២១ និងតម្រូវការជំនួយបច្ចេកទេសនានាផងដែរ ។
លោករដ្ឋមន្ត្រីបានបញ្ជាក់ថា «ជំនួបថ្ងៃនេះនឹងជំរុញបន្ថែមទៀតនូវប្រសិទ្ធិភាពការអនុវត្តន៍គោលនយោបាយជាតិស្តីពីការអប់រំបណ្តុះបណ្តាលបច្ចេកទេសវិជ្ជា ជីវៈ និងគម្រោងដែលនៅសល់រយៈពេលរហូតដល់ឆ្នាំ២០២១ ។ ដោយឡែកទាក់ទងគម្រោងអភិវឌ្ឍជំនាញសម្រាប់ការប្រកួតប្រជែងធនាគារអភិវឌ្ឍន៍អាស៊ីកំពុងរៀបចំធ្វើយ៉ាងណានឹងបង្កើនគម្រោងនេះ សម្រាប់បរិបទថ្មីនៃការអភិវឌ្ឍន៍គោលនយោបាយជាតិស្តីពីការពិពិធកម្មឧស្សាហកម្ម និងគោលនយោបាយស្តីពីការអប់រំបណ្តុះបណ្តាល វិជ្ជាជីវៈ» ។
លោកអ៊ិត សំហេងបានបន្ថែមទៀតថា តាមរយៈគម្រោងភាពជាដៃគូនេះនឹងបង្កើតឲ្យកាន់តែជិតស្និទ្ធបន្ថែមទៀតរវាងក្រសួងស្ថាប័នពាក់ព័ន្ធរវាងក្រសួង និងដៃគូអភិវឌ្ឍជាពិសេសជាមួយ ផ្នែកឯកជន ដើម្បីទាក់ទាញនៅធនធានក៏ដូចជា បច្ចេកទេសឲ្យបានកាន់តែច្រើនសម្រាប់ជំរុញការអភិវឌ្ឍធនធានមនុស្ស និងមានអត្ថប្រយោជន៍សំខាន់ៗ សម្រាប់ប្រទេសជាតិ និងប្រជាពលរដ្ឋ យុវជន យុវនារី ដែលពីនេះទៅមុខនៅក្នុងពេលសមារណកម្ម សហគមសេដ្ឋកិច្ច នៅក្នុងអាស៊ាន និងសាកលភាវូបនីយកម្ម តម្រូវការពលកម្មដែលមានកម្រិតជំនាញកាន់តែច្រើនឡើងចាំបាច់ណាស់ ការអភិវឌ្ឍសមត្ថភាព ជំនាញវិជ្ជាជីវៈឲ្យកម្លាំងពលកម្ម ដែលឆ្លើយតបទៅនឹងអ្វីដែលជាទិសដៅសម្រាប់ការអភិវឌ្ឍន៍ ។
បើតាមការបញ្ជាក់របស់ធនាគារអភិវឌ្ឍអាស៊ីប្រចាំកម្ពុជាបានឲ្យដឹងថា ដំណើរការនៃការអនុវត្តគម្រោងអប់រំបណ្តុះបណ្តាលវិជ្ជាជីវៈមានសមាសធាតុពីរទី១-កម្ចីសម្រាប់សកម្មភាពការងារគោលនយោបាយដែលមានថវិកាចំនួន៧លានដុល្លារអាមេរិកពីធនាគារអភិវឌ្ឍន៍អាស៊ី និងទី២- កម្ចីសម្រាប់សកម្មភាពការងារគម្រោងចំនួន៣៨លានដុល្លារ ក្នុងនោះ២៣លានដុល្លារបានមកពីប្រភពធនាគារអភិវឌ្ឍន៍អាស៊ី (ADB) និងទឹកប្រាក់១៥លានដុល្លារមកពីទីភ្នាក់ងារបារាំង ដើម្បីការអភិវឌ្ឍ (AFD) ៕
ចែករំលែកព័តមាននេះ