តាមប្រភពព័ត៌មាន Independent បានឲ្យដឹងថា កីឡាករបាល់ទាត់ដែលមនុស្សភាគច្រើនគិតថា ខ្លាំងដាច់គេនោះ បានប្រាប់ជាថ្មីម្តងទៀតថា នឹងចូលនិវត្តន៍ពីក្រុមជម្រើសជាតិអាហ្សង់ទីន ប្រសិនបើមិនឈ្នះ World Cup នៅឆ្នាំនេះ ។
ជាថ្មីម្តងទៀតហើយ Lionel Messi ប្រាប់ថា ខ្លួននឹងព្យួរស្បែកជើងប្រសិនបើអាហ្សង់ទីននៅតែមិនឈ្នះ World Cup ។ អស់រយៈពេលច្រើនឆ្នាំហើយ ក្រុមជម្រើសជាតិប្រទេសនេះមិនបានឈ្នះការប្រកួតបាល់ទាត់ពិភពលោក (តាំងពីឆ្នាំ១៩៨៦) ។
Messi បាននិយាយប្រាប់សារព័ត៌មាន La Cornisa ថា «យើងមានអារម្មណ៍ថា ប្រសិនបើមិនឈ្នះពាននៅ World Cup ប្រទេសរុស្ស៊ីខាងមុខនេះទេផ្លូវតែមួយគត់គឺត្រូវចាកចេញពីក្រុមជម្រើសជាតិ ។ ខ្ញុំប៉ងចង់ឈ្នះពាន World Cup នៅរុស្ស៊ី» ។
គួរបញ្ជាក់ផងដែរថា Messi ធ្លាប់ដើរចេញពីក្រុមជម្រើសជាតិម្តងហើយកាលពីឆ្នាំ២០១៦ បន្ទាប់ពីអាហ្សង់ទីនចាញ់ឈីលីក្នុងការប្រកួតវគ្គផ្តាច់ព្រ័ត្រ Copa America ។ តែក្រោយមកក៏សម្រេចចិត្តចូលជួយក្រុមវិញឲ្យបានជាប់ចូលប្រកួត World Cup ឆ្នាំ២០១៨ ៕
ចែករំលែកព័តមាននេះ