រាជធានីភ្នំពេញ ៖ រថយន្តក្រឡុកស៊ីម៉ងត៍របស់ក្រុមហ៊ុន TPI មួយគ្រឿង ដោយសារតែអ្នកបើកបរខ្វះការប្រុងប្រយ័ត្ន បានជ្រុលទៅទៅកៀរបង្គោលភ្លើង និងដើមក្រខុបមួយដើម តែមិនបង្កឲ្យមានគ្រោះថ្នាក់ដល់មនុស្សនោះទេ ហេតុការណ៍នេះដែរ…
រាជធានីភ្នំពេញ ៖ រថយន្តក្រឡុកស៊ីម៉ងត៍របស់ក្រុមហ៊ុន TPI មួយគ្រឿង ដោយសារតែអ្នកបើកបរខ្វះការប្រុងប្រយ័ត្ន បានជ្រុលទៅទៅកៀរបង្គោលភ្លើង និងដើមក្រខុបមួយដើម តែមិនបង្កឲ្យមានគ្រោះថ្នាក់ដល់មនុស្សនោះទេ ហេតុការណ៍នេះដែរ បានកើតឡើងនៅវេលាម៉ោង១០យប់ ថ្ងៃទី២០ ខែមីនា ឆ្នាំ២០១៨ ផ្លូវមុនីវង្សកែងនឹងផ្លូវ៤៣៦ សង្កាត់បឹងត្របែក ខណ្ឌចំការមន ។
តាមប្រភព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេបានឃើញបុរស២នាក់ រួមទាំងអ្នកបើកបរ គឺបានរថយន្តក្រឡុកបេតុរបស់ក្រុមហ៊ុន TPI ម៉ាក HOWO បានធ្វើដំណើរតាមផ្លូវមុនីវង្ស ក្នុងទិសដៅពីជើងទៅត្បូង ខណៈមកដល់ចំណុចកើតហេតុ អ្នកបើកបររថយន្ត បានបួងចង្កូតបតស្តាំឡើងទៅផ្លូវ៤៣៦ តែដោយសារតែអ្នកបើកបរខ្វះការប្រុងប្រយ័ត្ន បានធ្វើរថយន្តជ្រុលទៅកៀរបង្គោលភ្លើងបេតុង និងដើមក្រខុប ដែលនៅទន្ទឹមគ្នា បណ្ដាលឲ្យដួលរលំទ្រេតដល់ដី តែសំណាងល្អមិនមានគ្រោះថ្នាក់ដល់មនុស្ស ដោយឡែករថយន្តវិញរងការខូចខាតតិចតួចតែប៉ុណ្ណោះ ។
ក្រោយពេលកើតហេតុ សមត្ថកិច្ចមូលដ្ឋាន និងជំនាញបានចុះទៅកន្លែងកើតហេតុ រួចហើយឃាត់ខ្លួនអ្នកបើកបរ ព្រមទាំងរថយន្តប្រគល់ទៅឲ្យខាងជំនាញ់ក្រុង មកទៅរក្សាទុកនៅការរិយាល័យចរាចរណ៍ជើងគោករាជធានីភ្នំពេញ ៕
ចែករំលែកព័តមាននេះ