ភ្លើងឆេះព្រៃរាលដាលឆេះផ្ទះ១ខ្នង ដែលម្ចាស់ទុកចោលជាង១០ឆ្នាំហើយ
- កំពង់ធំ
ខេត្តកំពង់ធំ ៖ កាលពីវេលាម៉ោង ១១ និង១៥នាទីព្រឹក ថ្ងៃច័ន្ទ ៣កើត ខែចេត្រ ឆ្នាំរកា នព្វស័ក…
ខេត្តកំពង់ធំ ៖ កាលពីវេលាម៉ោង ១១ និង១៥នាទីព្រឹក ថ្ងៃច័ន្ទ ៣កើត ខែចេត្រ ឆ្នាំរកា នព្វស័ក…
ខេត្តកំពង់ធំ ៖ កាលពីវេលាម៉ោង ១១ និង១៥នាទីព្រឹក ថ្ងៃច័ន្ទ ៣កើត ខែចេត្រ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី១៩ ខែមីនា ឆ្នាំ២០១៨ នៅចំណុចខាងកើតផ្នែករដ្ឋបាលព្រៃកំពង់ថ្ម ជាប់របងសាលាបឋមសិក្សាស្ទឹងជីនិត ស្ថិតក្នុងភូមិត្រស់ ឃុំបល្ល័ង្ក ស្រុកបារាយណ៍ ខេត្តកំពង់ធំ។ មានផ្ទះមួយខ្នងត្រូវបានឆាបឆេះ ក្រោយពីមានការឆេះរាល ដាលពីអ្នកដុតព្រៃបណ្តាលឲ្យឆេះផ្ទះខាងលើនេះ។ តាមប្រភពពត័មានពីសមត្ថកិច្ចបានឲ្យដឹងថា ភ្លើងឆេះព្រៃរាលឆេះផ្ទះ ដែលទុកចោលគ្មានម្ចាស់នៅជាច្រើនឆ្នាំមកហើយ មានទំហំ៤ម៉ែត្រ គុណនឹង៤,៥ម៉ែត្រ ធ្វើពីឈើប្រក់ក្បឿង ដែលមានម្ចាស់ឈ្មោះ សឿន ភេទប្រុស អាយុប្រហែល៦៧ឆ្នាំ បច្ចុប្បន្នគាត់បានទៅរស់នៅឯភូមិត្នោតជុំ ឃុំត្នោតជុំ ស្រុកបារាយណ៍។
លោកវរសេនីយ៍ត្រី សន តាល់ អធិការរងស្រុកបារាយណ៍បានឲ្យដឹងថា ករណីភ្លើងឆេះព្រៃនេះ យើងពុំបានដឹងច្បាស់ទេថា ភ្លើងឆេះព្រៃដោយសារក្មេងយកឃ្មុំ ឬក៏មានអ្នកលួចដុតនោះឡើយ ពីព្រោះផ្ទះដែល ឆេះនោះម្ចាស់គាត់បានទុកចោលរយៈពេលជាង១០ឆ្នាំហើយ ពុំមានមនុស្សរស់នៅទេ ហើយក៏ពុំមានអ្នកណាមកប្ដឹងដែរ តែទោះជាយ៉ាងនេះក្តីសមត្ថកិច្ចនៅតែស្រាវជ្រាវរកជនដែលបង្ក ដើម្បីយកមកផ្តន្ទាទោសចំពោះមុខច្បាប់។ គួរបញ្ជាក់ផងដែរថា ក្នុងករណីឆេះផ្ទះនេះដែរ ពិតសំណាងហើយដែលមិនបណ្តាលឲ្យឆេះរាលដាលដល់ផ្ទះ ប្រជាពលរដ្ឋដែលនៅជិតៗនោះ៕
ចែករំលែកព័តមាននេះ