ខេត្តស្វាយរៀង ៖ មានអគ្គីភ័យឆាបឆេះផ្ទះល្វែងចំនួន០២ល្វែងគឺផ្ទះពេទ្យធ្មេញស្វាយរៀង និងផ្ទះលក់ភេសជ្ជៈ និងគ្រឿងបន្លាស់តាបប៊ីយ៉ា កាលពីវេលាម៉ោង៩និង២០នាទីព្រឹក ថ្ងៃទី២០ ខែមីនា ឆ្នាំ២០១៨ នៅផ្លូវលេខ២០៩…
ខេត្តស្វាយរៀង ៖ មានអគ្គីភ័យឆាបឆេះផ្ទះល្វែងចំនួន០២ល្វែងគឺផ្ទះពេទ្យធ្មេញស្វាយរៀង និងផ្ទះលក់ភេសជ្ជៈ និងគ្រឿងបន្លាស់តាបប៊ីយ៉ា កាលពីវេលាម៉ោង៩និង២០នាទីព្រឹក ថ្ងៃទី២០ ខែមីនា ឆ្នាំ២០១៨ នៅផ្លូវលេខ២០៩ ផ្ទះលេខ៧ និងផ្ទះលេខ៨ ស្ថិតនៅភូមិវាលយន្ត សង្កាត់ស្វាយរង ក្រុងស្វាយរៀង ។
បើតាមសមត្ថកិច្ចនគបាលក្រុងស្វាយរៀងបានឲ្យដឹងថា មូលហេតុនាំឲ្យមានអគ្គីភ័យនេះកើតឡើងដោយសារទុស្សេខ្សែភ្លើងនៅផ្ទះរបស់ឈ្មោះ ស្រី យិន ភេទស្រី អាយុ៣៨ឆ្នាំ នៅផ្ទះលេខ០៧ គឺទុស្សេខ្សែភ្លើងនៅក្នុងពីដានផ្ទះខាងមុខក៏បណ្តាលឲ្យឆ្លងចរន្តអគ្គីសនីទៅឆេះផ្ទះពេទ្យធ្មេញមួយទៀតតែម្តង ។
ក្រោយមកសមត្ថកិច្ចបានប្រើប្រាស់រថយន្តពន្លត់អគ្គីភ័យអស់ចំនួន៤គ្រឿងគឺរថយន្តស្នងការដ្ឋាននគបាលខេត្ត២គ្រឿងរថយន្តកងរាជអាវុធហត្ថខេត្តចំនួន២គ្រឿងប្រើប្រាស់ទឹកអស់៨គ្រឿងទើបគ្រប់គ្រងបាននៅវេលាម៉ោង១០និង៣០នាទីព្រឹក ក៏ប៉ុន្តែពុំទាន់ដឹងថា ខូចខាតទ្រព្យសម្បត្តិអស់ប៉ុន្មាននៅឡើយទេ ៕
ចែករំលែកព័តមាននេះ