AFPផ្សាយថា ភ្ញៀវទេសចរចំនួន៣នាក់ ជាជនជាតិអាល្លឺម៉ង់ អាយុ២១ឆ្នាំ ជនជាតិស្វ៊ីសអាយុ២៤ឆ្នាំ និងហូឡង់អាយុ២៦ឆ្នាំត្រូវបណ្ដេញចេញពីតីតាំងទេសចរណ៍ដ៏ល្បី«Machu Picchu» ក្រោយពីដោះអាវថតបង្ហាញកំប៉េះគូទនៅកណ្ដាលបរិវេណទីតាំងអារ្យធម៌របស់ប៉េរូ ។ លោកMartin Flores…
AFPផ្សាយថា ភ្ញៀវទេសចរចំនួន៣នាក់ ជាជនជាតិអាល្លឺម៉ង់ អាយុ២១ឆ្នាំ ជនជាតិស្វ៊ីសអាយុ២៤ឆ្នាំ និងហូឡង់អាយុ២៦ឆ្នាំត្រូវបណ្ដេញចេញពីតីតាំងទេសចរណ៍ដ៏ល្បី«Machu Picchu» ក្រោយពីដោះអាវថតបង្ហាញកំប៉េះគូទនៅកណ្ដាលបរិវេណទីតាំងអារ្យធម៌របស់ប៉េរូ ។
លោកMartin Flores ប៉ូលិសប៉េរូកាលពីពេល ថ្មីៗកន្លងមកបានបញ្ជាក់ប្រាប់AFPថា «ភ្ញៀវទេសចរទាំង៣នាក់បានស្រាតខោបង្ហាញកំប៉េះគូទ និងថតរូប យើងមិនអនុញ្ញាតមកកម្សាន្តប្រតិបត្តិបែបនេះទេ ហើយភ្ញៀវទេសចរទាំង៣នាក់ត្រូវបណ្ដេញចេញតាមច្បាប់ ប៉ុន្តែក៏គ្មានការឃុំខ្លួនដែរ» ។
ជនជាតិប៉េរូចាត់ទុកថាការស្រាតនៅបរិវេណ «Machu Picchu» គឺជាការមិនផ្ដល់កិត្តិយសដល់ក្រុងបុរាណដែលបានសាងសង់នៅលើកំពូលភ្នំ «Andes» ក្នុងសតវត្សទី១៥ ស្ថិតនៅឆ្ងាយពីក្រុងគូស្កូដែលធ្លាប់ជារដ្ឋធានីនៃអាណាចក្រអ៊ីនខា«Inca» ប្រហែល៧៤គីឡូម៉ែត្រ បច្ចុប្បន្នជាទីតាំងទេសចរណ៍មានភ្ញៀវទៅទស្សនាក្នុងមួយឆ្នាំប្រហែល១លាននាក់ ។
អង្គការសិក្សាស្រាវជ្រាវពីវិទ្យាសាស្ត្រ និងវប្បធម៌នៃអង្គការសហប្រជាជាតិ(យូណេស្កូ) បានចុះបញ្ជីទីតាំងនោះនៅឆ្នាំ ១៩៨៣ ៕
ចែករំលែកព័តមាននេះ