ខេត្តកំពង់ឆ្នាំង ៖ កម្មករសំណង់ម្នាក់ត្រូវបានចរន្តអគ្គិសនីមានតម្លាំងរាប់ពាន់វ៉ាត់ឆក់បណ្តាយឱ្យធ្លាក់ពីលើដំបូលផ្ទះរងរបួសធ្ងន់ហើយត្រូវបានដឹកទៅសង្គ្រោះនៅមន្ទីរពេទ្យខេត្តកំពង់ឆ្នាំងជាបន្ទាន់ ហេតុការនេះបានឡើងនៅវេលាម៉ោង៩និង៣០នាទីព្រឹក ថ្ងៃទី២០ ខែមីនា ឆ្នាំ២០១៨ នៅភូមិកណ្ដាល សង្កាត់កំពង់ឆ្នាំង ក្រុងកំពង់ឆ្នាំង…
ខេត្តកំពង់ឆ្នាំង ៖ កម្មករសំណង់ម្នាក់ត្រូវបានចរន្តអគ្គិសនីមានតម្លាំងរាប់ពាន់វ៉ាត់ឆក់បណ្តាយឱ្យធ្លាក់ពីលើដំបូលផ្ទះរងរបួសធ្ងន់ហើយត្រូវបានដឹកទៅសង្គ្រោះនៅមន្ទីរពេទ្យខេត្តកំពង់ឆ្នាំងជាបន្ទាន់ ហេតុការនេះបានឡើងនៅវេលាម៉ោង៩និង៣០នាទីព្រឹក ថ្ងៃទី២០ ខែមីនា ឆ្នាំ២០១៨ នៅភូមិកណ្ដាល សង្កាត់កំពង់ឆ្នាំង ក្រុងកំពង់ឆ្នាំង ។
សមត្ថកិច្ចមូលដ្ឋានបានឲ្យដឹងថា បុរសរងគ្រោះមានឈ្មោះ ស្រ៊ុន វាសនា អាយុ២៧ ឆ្នាំជាកម្មករសំណង់ មានទីលំនៅភូមិឡទឹកត្រី សង្កាត់កំពង់ឆ្នាំង ក្រុងកំពង់ឆ្នាំង ។ មុនពេលកើតហេតុជនរងគ្រោះត្រូវបានម្ចាស់ផ្ទះប្រើឡើងធ្វើដំបូល ប៉ុន្តែមិនដឹងគាត់ធ្វើខុសបច្ចេកទេស ឬយកអ្វីទៅប៉ះនឹងខ្សែកាបខ្សែភ្លើងដែលមានបណ្តាលឱ្យឆក់ធ្លាក់មកលើដំបូលផ្ទះរួចក៏ធ្លាក់ពីសំយ៉ាបផ្ទះទៀតទើបធ្លាកដល់ដី ។ ក្រោយពេលកើតហេតុជនរងគ្រោះត្រូវបានដឹកទៅសង្គ្រោះនៅឯមន្ទីរពេទ្យជាបន្ទាន់នៅមន្ទីរពេទ្យខេត្ត ។
ក្រុមគ្រូពេទ្យប្រាប់ថា ជនរងគ្រោះមានសភាពធ្ងន់ធ្ងរដោយរលាកពេញខ្លួន និងទម្ងន់ធ្លាក់មកដីផងដែលពេលនេះកំពុងស្ថិតក្នុងការសង្គ្រោះជាបន្ទាន់ ៕
ចែករំលែកព័តមាននេះ