រាជធានីភ្នំពេញ ៖ លោកអ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈកាលពីថ្ងៃទី១៩ ខែមីនា ២០១៨ បានចេញសេចក្តីជូនដំណឹងដល់ម្ចាស់ក្រុមហ៊ុនសហគ្រាសរោងចក្រទាំងអស់អនុញ្ញាតឲ្យកម្មករ-កម្មការិនី និយោជិតរបស់ខ្លួន…
រាជធានីភ្នំពេញ ៖ លោកអ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈកាលពីថ្ងៃទី១៩ ខែមីនា ២០១៨ បានចេញសេចក្តីជូនដំណឹងដល់ម្ចាស់ក្រុមហ៊ុនសហគ្រាសរោងចក្រទាំងអស់អនុញ្ញាតឲ្យកម្មករ-កម្មការិនី និយោជិតរបស់ខ្លួន បានឈប់សម្រាកដោយមានប្រាក់ឈ្មួល នាឱកាសបុណ្យចូលឆ្នាំខ្មែរ ក្នុងរយៈពេលបួនថ្ងៃពីថ្ងៃទី១៤ , ១៥ , ១៦ និង១៧ ខែមេសា ។
លោករដ្ឋមន្ត្រីបានបញ្ជាក់ក្នុងសេចក្តីជួនដំណឹងដដែលថា ចាំបាច់បំផុតដែលសហគ្រាសគ្រឹះស្ថានមិនអាចបញ្ឈប់សកម្មភាពរបស់ខ្លួនពេលបុណ្យចូលឆ្នាំខាងមុខម្ចាស់ និងនាយកសហគ្រាសគ្រឹះស្ថានត្រូវសម្របសម្រួលជាមួយកម្មករ-និយោជិតឲ្យមានការស្ម័គ្រចិត្តព្រមទាំងមានការបែងចែកពេលវេលា និងថ្ងៃឈប់សម្រាកបុណ្យឲ្យបានសមស្រប ។
លោកអ៊ិត សំហេងបញ្ជាក់ថា ៖ «កម្មករដែលធ្វើការនៅថ្ងៃបុណ្យចូលឆ្នាំនេះមានសិទ្ធិទទួលបានប្រាក់បំណាច់បន្ថែម ដែលមានចំនួនស្មើនឹងប្រាក់ឈ្នួលថ្ងៃធ្វើការធម្មតា» ។ ក្នុងលទ្ធភាព ម្ចាស់ ឬនាយសហគ្រាស គ្រឹះស្ថាន គួរចាត់តាំងឲ្យមានការលេងល្បែងកម្សាន្ត នៅតាមសហគ្រាស គ្រឹះស្ថាន ដើម្បីចូលរួមអបអរសាទរពិធីបុណ្យចូលឆ្នាំ ដើម្បីលើទឹកចិត្តដល់បងប្អូនកម្មករនិយោជិតដែលបានបំពេញការងារកន្លងមក ៕
ចែករំលែកព័តមាននេះ