អ្នកចិញ្ចឹមឆ្មាគ្រប់គ្នាអាចនឹងដឹងហើយនូវទង្វើមួយនេះរបស់ឆ្មា។ វាចូលចិត្តពាំសត្វចាប សត្វកណ្តុរ ឬសត្វល្អិតតូចៗផ្សេងៗទៀតមកឲ្យអ្នកមើល។ អ្នកអាចនឹងគិតថា វាចង់អួតអ្នកហើយ។ តែតាមការរកឃើញរបស់អ្នកសិក្សាស្រាវជ្រាវបានឲ្យដឹងថា នេះជាសភាវគតិរបស់វាតាំងពីជីដូនជីតាកុងម៉ាវាមកម្ល៉េះ។ តាំងពីរាប់ពាន់ឆ្នាំមុន (មុនពេលឆ្មាក្លាយជាសត្វចិញ្ចឹម)…
អ្នកចិញ្ចឹមឆ្មាគ្រប់គ្នាអាចនឹងដឹងហើយនូវទង្វើមួយនេះរបស់ឆ្មា។ វាចូលចិត្តពាំសត្វចាប សត្វកណ្តុរ ឬសត្វល្អិតតូចៗផ្សេងៗទៀតមកឲ្យអ្នកមើល។ អ្នកអាចនឹងគិតថា វាចង់អួតអ្នកហើយ។ តែតាមការរកឃើញរបស់អ្នកសិក្សាស្រាវជ្រាវបានឲ្យដឹងថា នេះជាសភាវគតិរបស់វាតាំងពីជីដូនជីតាកុងម៉ាវាមកម្ល៉េះ។
តាំងពីរាប់ពាន់ឆ្នាំមុន (មុនពេលឆ្មាក្លាយជាសត្វចិញ្ចឹម) សត្វឆ្មា គឺជាសត្វដែលរស់នៅក្នុងព្រៃ ហើយចាប់សត្វផ្សេងៗជាអាហារ។ នេះបើតាមប្រភពព័ត៌មាន Metro។ វាធ្វើបែបនេះ គឺដើម្បីបង្រៀនកូនរបស់វាឲ្យចេះរកចំណីដូចវាដែរ។ ដំបូងឡើយ គឺវាយកសត្វដែលងាប់ហើយមកឲ្យកូនវា ដើម្បីឲ្យកូនវាចេះដឹងពីរបៀបស៊ី។ ដល់ពេលកូនវាចេះស៊ីហើយ លើកក្រោយវានឹងពាំសត្វដែលនៅរស់មកឲ្យកូនវាចេះរបៀបសម្លាប់។
មកដល់ពេលនេះ វានៅតែបន្តធ្វើដូចនេះ។ អីចឹងមានន័យថា ប្រសិនបើវាពាំសត្វទាំងរស់មកឲ្យអ្នក គឺមានន័យថា វាគិតថាអ្នកចេះសម្លាប់សត្វហើយ។ ប្រសិនបើសត្វដែលវាពាំមកនោះងាប់ហើយ វាគិតថា អ្នកជាកូនតូចៗរបស់វា ដែលមិនទាន់ចេះសម្លាប់សត្វដោយខ្លួនឯង។
ហេតុផលមួយទៀត ដែលមកជាមួយដែរនោះ គឺថា សត្វឆ្មាធ្វើបែបនេះ ដើម្បីចង់បង្អួតម្ចាស់។ មានឆ្មាខ្លះទៀត ហេតុតែម្ចាស់មិនឲ្យចេញទៅក្រៅផ្ទះ វាសុខចិត្តពាំស្រោមជើង ស្រោមដៃរបស់ម្ចាស់ មកឲ្យម្ចាស់មើលទៀតផង។ គិតៗទៅសត្វឆ្មាជាសត្វគិតដល់ម្ចាស់មែនទែន (គិតថា ម្ចាស់ជាកូនវា)៕
ចែករំលែកព័តមាននេះ