តាមប្រភពព័ត៌មាន The Sun ដែលចុះផ្យាយព័ត៌មានស្តីពីលទ្ធផលនៃការសិក្សាស្រាវជ្រាវ បានឲ្យដឹងថា អ្នកជក់បារីអេឡិចត្រូនិក ប្រឈមនឹងកើតជំងឺរលាកសួតជាអ្នកមិនជក់។ គេរកឃើញថា ផ្សែងដែលចេញមកពីការជក់ធ្វើឲ្យបាក់តេរីដែលបង្កជំងឺរលាកសួត អាចតោងស្អិតជាប់នឹងផ្លូវដង្ហើមជាងធម្មតា។…
តាមប្រភពព័ត៌មាន The Sun ដែលចុះផ្យាយព័ត៌មានស្តីពីលទ្ធផលនៃការសិក្សាស្រាវជ្រាវ បានឲ្យដឹងថា អ្នកជក់បារីអេឡិចត្រូនិក ប្រឈមនឹងកើតជំងឺរលាកសួតជាអ្នកមិនជក់។ គេរកឃើញថា ផ្សែងដែលចេញមកពីការជក់ធ្វើឲ្យបាក់តេរីដែលបង្កជំងឺរលាកសួត អាចតោងស្អិតជាប់នឹងផ្លូវដង្ហើមជាងធម្មតា។
ការសិក្សារបស់សាកលវិទ្យាល័យ Queen Mary ទីក្រុងឡុងដ៍ បានធ្វើតេស្តទៅលើកោសិកា សត្វកណ្តុរ និងមនុស្ស ដោយលទ្ធផលបានបង្ហាញឲ្យឃើញថា ផ្សែងនោះពិតជាអាចធ្វើឲ្យយើងងាយនឹងកើតជំងឺរលាកសួតពិតមែន។
អ្នកដឹកនាំការសិក្សាស្រាវជ្រាវខាងលើ សាស្ត្រាចារ្យខាងផ្នែកផ្លូវដង្ហើមកុមារ Jonathan Grigg បានមានប្រសាសន៍ថា៖ «បាក់តេរីបង្ករោគលើសួត អាចមាននៅផ្លូវដង្ហើមរបស់យើងជាធម្មតា តែមិនបង្កជំងឺឡើយ។ តែនៅក្នុងករណីខ្លះ វាអាចជ្រៀតចូលក្នុងចន្លោះកោសិកាផ្លូវដង្ហើម ហើយបង្កទៅជាជំងឺសួត ឬក៏អាចចូលតាមឈាមថែមទៀតផង។
គេអង្កេតមើលទៅលើម៉ូលេគុលបង្កើតឡើងដោយកោសិកាផ្លូវដង្ហើម ដែលមានឈ្មោះថា Platelet-activating factor receptor (PAFR)។ មិនថា ផ្សែងមកពីបារីធម្មតា ឬបារីអេឡិចត្រូនិកឡើយ សុទ្ធតែធ្វើឲ្យសារធាតុនេះកើនឡើងច្រើនជាងបីដងទាំងអស់។ នៅពេលសារធាតុនេះកើនឡើង បាក់តេរីក៏អាចមកតោងជាប់កាន់តែច្រើនផងដែរ។
ដូចនេះហើយវាធ្វើឲ្យយើងងាយកើតជំងឺរលាកសួត ដោយសារតែការជក់បារីធម្មតា ឬបារីអេឡិចត្រូនិក៕
ចែករំលែកព័តមាននេះ