ខេត្តកំពត ៖ មានហេតុការគ្រោះថ្នាក់ចរាចរមួយបានកើតឡើងកាលពីវេលាម៉ោង៤និង៥៥នាទីល្ងាច ថ្ងៃទី១៨ ខែមីនា ឆ្នាំ២០១៨ លើផ្លូវជាតិលេខ៣៣ កំពត-កំពង់ត្រាច ត្រង់ចំណុចភូមិកំពង់ត្នោត ឃុំកូនសត្វ ស្រុកទឹកឈូ ខេត្តកំពត ។
ក្នុងហេតុការកើតឡើងខាងលើបង្កឡើងដោយរថយន្តពណ៌សមួយគ្រឿង ពាក់ផ្លាកលេខ រដ្ឋ ២-០៣០០ បើកស្របទិសគ្នាក្នុងទិសដៅពីកើតទៅលិចបុកម៉ូតូម៉ាកសេ១២៥ ពណ៌ខ្មៅ ស៊េរីឆ្នាំ២០១៨ បណ្តាលឲ្យអ្នកបើកបរ និងអ្នករួមដំណើរទាំងបីនាក់ជិះលើម៉ូតូស្លាប់ម្នាក់ និងរបួសធ្ងន់២នាក់ ។ រថយន្តបង្កខាងលើបើកបរដោយឈ្មោះ យ៉ន យ៉ា ភេទប្រុស អាយុ៣៥ឆ្នាំ មានទីលំនៅភូមិចារ ឃុំក្រវ៉ា ស្រុកបារ៉ាយ ខេត្តកំពង់ធំ ត្រូវបានឃាត់ខ្លួននាំមកកាន់អធិការនគរបាលស្រុកទឹកឈូក្រោយពីកើតហេតុ ។
សមត្ថកិច្ចនគរបាលចរាចរខេត្តបានឲ្យដឹងថា មុនពេលកើតហេតុម៉ូតូម៉ាកសេ១២៥បើកបរមកពីទិសខាងកើតដោយមានជិះគ្នាបីនាក់ទាំងអ្នកបើកបរម៉ូតូបើកពីមុខលុះមកដល់ចំណុចកើតហេតុក៏ស្រាប់តែរថយន្តរ៉េចង្កូតបុកម៉ូតូពីក្រោយពេញទំហឹងបណ្តាលឲ្យអ្នកជិះទាំង៣នាក់ខ្ទាតចេញពីម៉ូតូមកលើចិញ្ចើមផ្លូវស្លាប់ម្នាក់ភ្លាមៗនៅកន្លែងកើតហេតុ និង២នាក់ទៀតបានរងរបួសធ្ងន់ ៕
ចែករំលែកព័តមាននេះ