រាជធានីភ្នំពេញ ៖ បុរសវ័យ៣១ឆ្នាំ ជាជនជាតិកូរ៉េម្នាក់ត្រូវបានកម្លាំងនគរបាលប៉ុស្តិ៍ជ័យជំនះចាប់ឃាត់ខ្លួន ពេលដែលរូបគេមានអាការបែកថ្នាំ ហើយធ្វើសកម្មភាពវាយទៅលើបុរសជនជាតិអូស្ត្រាលីម្នាក់បែកមុខបែកមាត់ហូរឈាមកក្លាក់ និងស្ត្រីជនជាតិខ្មែរជាប្រពន្ធម្នាក់រងរបួសស្រាលផងដែរនោះ ។ ករណីនេះដែរបានកើតឡើងកាលពីវេលាម៉ោង១១និង៣០នាទីព្រឹកថ្ងៃទី១៩ ខែមីនា…
រាជធានីភ្នំពេញ ៖ បុរសវ័យ៣១ឆ្នាំ ជាជនជាតិកូរ៉េម្នាក់ត្រូវបានកម្លាំងនគរបាលប៉ុស្តិ៍ជ័យជំនះចាប់ឃាត់ខ្លួន ពេលដែលរូបគេមានអាការបែកថ្នាំ ហើយធ្វើសកម្មភាពវាយទៅលើបុរសជនជាតិអូស្ត្រាលីម្នាក់បែកមុខបែកមាត់ហូរឈាមកក្លាក់ និងស្ត្រីជនជាតិខ្មែរជាប្រពន្ធម្នាក់រងរបួសស្រាលផងដែរនោះ ។ ករណីនេះដែរបានកើតឡើងកាលពីវេលាម៉ោង១១និង៣០នាទីព្រឹកថ្ងៃទី១៩ ខែមីនា ឆ្នាំ២០១៨ នៅចំណុចខាងក្រោយព្រះបរមរាជវាំង ផ្លូវលេខ១៩ ក្នុងសង្កាត់ជ័យជំនះ ខណ្ឌដូនពេញ ។
តាមប្រភពព័ត៌មានពីនគរបាលបានប្រាប់ឱ្យដឹងថា បុរសជាជនដៃដល់មានឈ្មោះ LEE JIN WOO ជនជាតិកូរ៉េខាងត្បូង អាយុ៣១ឆ្នាំ មុខរបរអ្នកទេសចរ ។
មុនពេលកើតហេតុបុរសជាជនជាតិអូស្ត្រលី អាយុ៥៦ឆ្នាំ រួមជាមួយនឹងស្ត្រីជាប្រពន្ធជនជាតិខ្មែរ អ្នកទាំង២នាក់ បាននាំគ្នាដើរ និងកំពុងតែឈរនៅចំណុចខាងលើក៏ស្រាប់ តែត្រូវបានបុរសជនជាតិកូរ៉េម្នាក់ខាងលើដើរមកដល់ដែរ ។ ពេលនោះបុរសជនជាតិកូរ៉េម្នាក់នោះក៏បានធ្វើសកម្មភាពវាយទៅលើបុរសជនជាតិអូស្ត្រាលីជាប្តី បណ្តាលឲ្យបែកមុខបែកមាត់ហូរឈាមកក្លាក់ពេញមុខរងរបួសធ្ងន់ និងស្ត្រីជនជាតិខ្មែរជាប្រពន្ធរងរបួសស្រាលផងដែរ ។ តាមប្រភពដដែលបានប្រាប់បន្តទៀតថា ភ្លាមនោះកម្លាំងមានសមត្ថកិច្ចមូលដ្ឋានក៏បានចុះអន្តរាគមន៍ដល់កន្លែងកើតហេតុ ដោយចាប់ឃាត់ខ្លួនបានបុរសជនដៃដល់ ជាជនជាតិកូរ៉េម្នាក់ខាងលើ និងតម្រូវឲ្យបុរសជាជនជាតិអូស្ត្រាលី ជាប្តី និងស្ត្រីជនជាតិខ្មែរជាប្រពន្ធទៅធ្វើការដាក់ពាក្យបណ្តឹងផងដែរ ។
មុនពេលកើតហេតុនេះដែរ បុរសជាជនជាតិកូរ៉េខាងលើក៏បានធ្វើសកម្មភាពដេញវាយបុរស និងស្ត្រីជាជនបរទេសចំនួន២នាក់ម្តង រួចមកហើយ តែពួកគេបានបន្តដំណើរទៅទៀតបាត់ ដោយសារតែរូបគេមានអាការបែកថ្នាំយ៉ាងខ្លាំង ទើបធ្វើសកម្មភាពបែបបនេះ ។
ក្រោយពេលកើតហេតុ បុរសជនជាតិអូស្ត្រាលីជាប្តី និងស្ត្រីជនជាតិខ្មែរជាប្រពន្ធបាននាំគ្នាទៅដាក់ពាក្យបណ្តឹងនៅនរគរបាលប៉ុស្តិ៍ជ័យជំនះ ចំណែកឯបុរសជនជាតិកូរ៉េដៃដល់ខាងលើត្រូវបានកម្លាំងមានសមត្ថកិច្ចកសាងសំណុំរឿងបញ្ជូនទៅកាន់អធិការដ្ឋានខណ្ឌដូនពេញ ដើម្បីចាត់ការទៅតាមនីតិវិធីច្បាប់ជាបន្តទៅទៀត ៕
ចែករំលែកព័តមាននេះ