រាជធានីភ្នំពេញ ៖ តារាបង្ហាញម៉ូដ និងសម្តែងកញ្ញាទឹម វត្តី បានបង្ហាញស្នាមខ្មៅធំមួយនៅលើខ្នង វាជាភាពអៀនខ្មាសរបស់នាងដែលតែងតែលាក់បាំងរហូតមក និងធ្វើឲ្យនាងមានបញ្ហានៅក្នុងចិត្ត ។ ស្នាមខ្មៅពីកំណើតនោះត្រូវទឹម…
រាជធានីភ្នំពេញ ៖ តារាបង្ហាញម៉ូដ និងសម្តែងកញ្ញាទឹម វត្តី បានបង្ហាញស្នាមខ្មៅធំមួយនៅលើខ្នង វាជាភាពអៀនខ្មាសរបស់នាងដែលតែងតែលាក់បាំងរហូតមក និងធ្វើឲ្យនាងមានបញ្ហានៅក្នុងចិត្ត ។
ស្នាមខ្មៅពីកំណើតនោះត្រូវទឹម វតី ថតបង្ហាញជាសាធារណៈតាមហ្វេសប៊ុក ជាមួយនឹងការបង្ហាញសារមិនសប្បាយចិត្ត ព្រោះវានាំឲ្យនាងគ្មានឱកាសពាក់អាវវាលបង្ហាញសាច់ ដូចជាបងស្រីរបស់នាងទឹម រដ្ឋា នោះឡើយ ។
កញ្ញាទឹម វត្តី បញ្ជាក់ថា «មានមនុស្សមិនតិចទេដែលតែងតែលើកទឹកចិត្តខ្ញុំចំពោះរឿងស្នាមដៅមួយនេះ ។ គេប្រាប់ខ្ញុំថា ខ្ញុំពិតជាមានសំណាងណាស់ ខ្ញុំឡូយណាស់ ខ្ញុំប្លែកណាស់ ដែលមានស្នាមមួយនេះ ដែរអ្នកទាំងអស់គ្នាមិនអាចមានដូចខ្ញុំ ព្រោះខ្លះគ្នាសំណាងអាក្រក់ណាស់ ព្រោះតែដៅនេះទៅកើតចំលើមុខគ្នាមួយចំហៀង ឯអ្នកខ្លះទៀតក៏ពេញផ្ទៃមុខតែម្ដងក៏មាន ។ តែខ្ញុំក៏បាននិយាយតបទៅពួកគេវិញថា បើសិនជាអាចខ្ញុំសុំមិនមានវាចុះ តែខ្ញុំដឹងថាវាមិនអាច ហើយពេលខ្លះខ្ញុំសឹងតែភ្លេចទៅហើយថានៅលើខ្នងរបស់ខ្ញុំមានវា ព្រោះតែពាក់អាវជិតៗរហូត ។ ប៉ុន្តែទោះបីមានការលើកទឹកចិត្តពីពួកគាត់មកលើរូបខ្ញុំច្រើនប៉ុនណាក៏ដោយ ក៏ខ្ញុំនៅតែមិនមានភាពក្លាហានសម្រាប់បញ្ចេញវានៅខាងក្រៅជាសាធារណៈដែរ សរុបទៅគឺខ្ញុំនៅតែមិនអាចយកឈ្នះវាបាន ព្រោះតែស្នាមដៅមួយនេះជាចំណុចខ្សោយដ៏ធំបំផុតសម្រាប់ជីវិតខ្ញុំ តែនេះក៏ជាលើកទីមួយហើយដែរខ្ញុំអាចបញ្ចេញវានៅលើទំព័រហ្វ៊សប៊ុកបែបនេះ ហើយក៏ជាជំហាននៃការយកឈ្នះវាលើកទីមួយរបស់ខ្ញុំដែរ ។
តើអ្នកទាំងអស់គ្នាដឹងទេថាខ្ញុំគិតយូរប៉ុនណាទើបហ៊ានសម្រេចចិត្តថានឹងផុសរូបមួយនេះ គឺជិតមួយឆ្នាំឯណោះ ផុសហើយលុប ផុសហើយលុបរហូត តើអ្នកទាំងអស់គ្នាមានយោបល់យ៉ាងម៉េចដែរ ? »។
បន្ទាប់ពីទឹម វត្តី បានបង្ហោះរូបភាពមួយនេះមកក៏មានអ្នកសិល្បៈ និងមិត្តភក្តិរបស់នាងមួយចំនួននាំគ្នាលើកទឹកចិត្តដល់រូបនាងកុំឲ្យពិបាកចិត្តចំពោះបញ្ហានេះ ព្រោះវាជាធម្មជាតិ ហើយវាក៏ជាការនាំសំណាងដល់រូបនាងផងដែរ ។
ជាការកត់សម្គាល់មួយរយៈវែងចុងក្រោយនេះ ទឹម វត្តី ហាក់ស្ងប់ស្ងាត់ពីវិស័យសិល្បៈ ដែលខុសប្លែកពីបងស្រីរបស់នាងទឹម រដ្ឋា មានការងារសិល្បៈជាបន្តបន្ទាប់ ។ វតីត្រូវគេដឹងថា គឺជាអ្នកដឹកនាំក្រុមបង្ហាញម៉ូដជាមួយបងស្រីរបស់នាង ។ កន្លងមកក្រុមរបស់នាងតែងតែចូលរួមសម្តែងក្នុងកម្មវិធី ផ្សេងៗ ៕
ចែករំលែកព័តមាននេះ