រាជធានីភ្នំពេញ ៖ កម្លាំងសមត្តកិច្ចកងរាជអាវុធហត្ថរាជធានីភ្នំពេញ កាលពីថ្ងៃទី១៧ មីនា បានបង្ក្រាបក្រុមដាវសាម៉ូរៃដែលកាប់ចាក់គ្នា បណ្តាលឲ្យភាគីចាញ់ម្នាក់ស្លាប់ និងម្នាក់ចូលពេទ្យ ប្រមាណជាង៣ខែមុន ពេលនេះអ្នកឈ្នះក៏ត្រូវបានចាប់ខ្លួនបញ្ចូលគុក២នាក់វិញ។…
រាជធានីភ្នំពេញ ៖ កម្លាំងសមត្តកិច្ចកងរាជអាវុធហត្ថរាជធានីភ្នំពេញ កាលពីថ្ងៃទី១៧ មីនា បានបង្ក្រាបក្រុមដាវសាម៉ូរៃដែលកាប់ចាក់គ្នា បណ្តាលឲ្យភាគីចាញ់ម្នាក់ស្លាប់ និងម្នាក់ចូលពេទ្យ ប្រមាណជាង៣ខែមុន ពេលនេះអ្នកឈ្នះក៏ត្រូវបានចាប់ខ្លួនបញ្ចូលគុក២នាក់វិញ។ ជនសង្ស័យម្នាក់ឈ្មោះ ចាន់ វ៉ាន់ណូ ភេទប្រុស អាយុ២៥ឆ្នាំ មុខរបរជាសន្ដិសុខឯកជន ឃាត់ខ្លួននៅចំណុចមុខសាលាអន្តរជាតិផ្លេននីង តាមផ្លូវលេខ៧៥ សង្កាត់ស្រះចក ខណ្ឌដូនពេញ។ និងម្នាក់ឈ្មោះ ចាន់ វ៉ាន់ណេត ហៅម៉ាប់ ភេទប្រុស អាយុ២៦ឆ្នាំ មុខរបរបើកបររថយន្ត ត្រូវបានខ្លួននៅចំណុចផ្លូវបេតុង រោងចក្រសាំហាន់ សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ។ គឺរំលឹកថា កាលពីវេលាម៉ោង១ និង១០នាទីយប់ ឈានចូលថ្ងៃទី២៦ ខែធ្នូ ឆ្នាំ២០១៧ នៅចំណុចភូមិសែនសុខ៤ សង្កាត់ឃ្មួញ ខណ្ឌសែនសុខ។
មានករណីក្រុមក្មេងទំនើង២ក្រុម បើកការប្រយុទ្ធគ្នាយ៉ាងសាហាវឃោរឃៅ រហូតមានការស្លាប់រស់ ដែលភាគីទាំងសងខាងប្រដាប់ដោយ ដាវសាម៉ូរៃ ដំបង និងដុំថ្ម។ ឆាកប្រយុទ្ធនោះបានបណ្តាលឲ្យភាគីម្ខាងស្លាប់ម្នាក់នៅកន្លែង និងម្នាក់រងរបួលធ្ងន់ត្រូវបញ្ជូនទៅមន្ទីរពេទ្យ។ ក្រោយពេលបើកករប្រយុទ្ធគ្នា ភាគីខាងឈ្នះបានរត់ គេចខ្លួនបាត់ស្រមោល អស់រយៈពេលជាង៣ខែ បើគិតមកដល់ថ្ងៃចាប់ខ្លួននេះ។ ពេលនោះជនរងគ្រោះម្នាក់ឈ្មោះ ហេង ចិត្តា ភេទប្រុស អាយុ២៥ឆ្នាំ មុខរបរកម្មករសំណង់ ស្នាក់នៅផ្ទះលេខ៣១៩ ភូមិសែនសុខ៥ សង្កាត់ឃ្មួញ(ស្លាប់) និងម្នាក់ឈ្មោះ ប្រាក់ សុខុន ភេទប្រុស អាយុ២៥ឆ្នាំ មុខរបរបម្រើការងារនៅរដ្ឋាករទឹកស្នាក់នៅកន្លែងកើតហេតុ (របួសមាត់ដេរ១០ថ្នេរ, ម្រាមដៃឆ្វេងដេរ១០ថ្នេ និងម្រាមដៃស្តាំដេរ០៥ថ្នេរ)។
តាមចម្លើយជនសង្ស័យបានសារភាពប្រាប់ សមត្ថកិច្ចថា ឆាកប្រយុទ្ធស៊ីសាច់ហុតឈាម ដែលមានស្លាប់មានរបួសនោះ គឺជារឿងក្រុមបងតូចបងធំ ប្រចាំភូមិប៉ះទង្គិចគ្នា មិនមានរឿងអីធំដុំទេ ប៉ុន្តែដោយសារពួកគេទាំងសងខាងសុទ្ធខ្លាំងរៀងខ្លួន បានជាកើតការបងហូរឈាម។ ជនសង្ស័យ២នាក់ ដែលកម្លាំងសមត្ថកិច្ចកងរាជអាវុធហត្ថឃាត់ខ្លួន ត្រូវបានកសាងសំណុំរឿងបញ្ជូនទៅតុលាការ ដើម្បីចាត់ការតាមផ្លូវច្បាប់៕
ចែករំលែកព័តមាននេះ