ខេត្តកំពង់ធំ ៖ លោកវីល្លៀមហែត ឯកអគ្គរដ្ឋទូតអាមេរិក និងភរិយាព្រមទាំងកូនប្រុស នៅយប់ថ្ងៃទី១៧ ខែមិនា ឆ្នាំ២០១៨ បានអញ្ជើញចូលរួមក្នុងពិធីប្រគុំតន្ត្រី និងប្រកាសអាល់ប៊ុមរបស់ក្រុមលោក ឃឹង ឃន នៅក្រុងស្ទឹងសែន ខេត្តកំពង់ធំ ដែលមានអ្នកចូលទស្សនប្រមាណ៣០០នាក់ នៅបរិវេណស្តាតចាស់ក្នុងក្រុងស្ទឹងសែន ។
លោកឯកអគ្គរដ្ឋទូតបានថ្លែងក្នុងពេលអញ្ជើញចូលរួមពិធីប្រាប់អ្នកសារព័ត៌មានថា លោកសង្ឃឹមថា តាមរយៈការប្រគុំដន្ត្រីនេះ ពលរដ្ឋនៃប្រទេសទាំងពីរអាមេរិក និងកម្ពុជាកាន់តែមានទំនាក់ទងគ្នាល្អ បន្ថែមទៀតតាមរយៈបទចម្រៀងដែលនិពន្ធដោយលោកឃឹង ឃន ដោយមានការឧត្ថម្ភ ថវិកាដោយស្ថាន ទូត អាមេរិកប្រចាំនៅកម្ពុជា ។ លោកឯកអគ្គរដ្ឋទូតថ្លែងថា«ពលរដ្ឋអាមេរិកចូលចិត្តចម្រៀង ហើយពលរដ្ឋកម្ពុជាក៏ដូចគ្នាដែរ» ។ លោកថា បទចម្រៀងទាំងនោះបាននិយាយពីទិដ្ខភាពនៃប្រទេសអាមេរិកដ៏ស្រស់ស្អាតដូចជា រដ្ឋ ផ្លរីដា ជាដើម ។ ការប្រគុំតន្ត្រីនៅខេត្តកំពង់ធំជាងលើកទី១របស់លោកឃឹង ឃន ហើយ ដែលក្រុមនេះ ធ្លាប់សំដែងនៅភ្នំពេញម្តងដែរ ។ លោកបានលើកឡើងថា លោកមានការសប្បាយចិត្តដែលបានចូលរួមការប្រជុំតន្ត្រីសម្ពោធអាល់ប៊ុមចម្រៀងថ្មីរបស់លោកយឹង យន មានឈ្មោះថា«ជាប់ស្នេហ៍នៅអាមេរិក» ។ នេះជាលើកទី២ ហើយលើកទី១បានធ្វើឡើងនៅភ្នំពេញ កាលពីខែធ្នូ២០១៧ មានមនុស្សចូលរួមទស្សនាជាច្រើន ។ លោកថា« ខ្ញុំដឹងថា មានសិស្សដែលរៀនក្នុងកម្មវិធីអាហារូបករណ៍ខ្នាតតូច ផ្នែកភាសាអង់គ្លេសរបស់យើង មានវត្តមានក្នុងចំណោមទស្សនជនយប់នេះ» ។
លោកបានលើកឡើងថា លោកយឹង យន មានស្រុកកំណើតនៅខេត្តកំពង់ធំ ។ គាត់ជាជនគំរូម្នាក់នៅខេត្តកំពង់ធំ ហើយជាមនុស្សដែលអ្នកទាំងអស់គ្នាគួរមានមោទនភាពចំពោះគាត់ ។ អាល់ប៊ុមចម្រៀងនេះ បានផលិតយូរមកហើយ លោក យឹង យនបានទៅសហរដ្ឋអាមេរិកតាមកម្មវិធីខាងលើ កាលពីឆ្នាំ២០១៣ ។ តាំងពីពេលនោះមកគាត់បាននិពន្ធចម្រៀងស្តីពីដំណើររបស់គាត់នៅទីនោះ ។ លោកបានលើកឡើងថា អាស់ប៊ុមចម្រៀងថ្មីរបស់គាត់ មានចម្រៀងដើមចំនួន១១បទ ស្តីពីរដ្ឋនានានាក្នុងសហរដ្ឋអាមេរិក និងស្តីពីអ្វីដែលជាលក្ខណៈពិសេសនៃរដ្ឋនីមួយៗ ។ លោកថា៖« អ្នកមិនដឹងទេថា តែការប្រគុំតន្ត្រីយប់នេះក៏មានលក្ខណៈជាការអប់រំផងដែរ វាបានផ្តល់ការយល់ដឹងខ្លះ ដល់អ្នកស្តីពីសហរដ្ឋអាមេរិក ។ ខ្ញុំក៏នឹងដឹងផងដែរ ពីវប្បធម៌ដ៏ល្អរបស់អ្នក តាមរយៈរបាំ និងចម្រៀងចាប៉ីតាមប្រពៃណីរបស់ខ្មែរ» ។ ចំណែកលោក ឃឹង ឃនវិញ បានថ្លែងប្រាប់អ្នកសារព័ត៌ថា លោកបានចំណាយពេលប្រមាណ៤ឆ្នាំ សិក្សាស្រាវជ្រាវនៅអាមេរិក និពន្ធបទចម្រៀង និងច្រៀងចំរៀងដោយខ្លួនលោក បន្ទាប់ពីលោកបានសិក្សានៅអាមេរិក ក្រោមការឧត្តម្ភពីក្រសួងការបរទេសអាមេរិក ដោយលោកបានទទួលជ័យលាភី (Onebeat) ។
លោកបានលើកឡើងថា ក្រុមរបស់លោកមានផ្នែកចម្រៀងស័យ ចាប៉ីដងវែង កំប្លែងបានរួមគ្នាសំដែងនៅយប់ថ្ងៃទី១៧ ខែមិនា ឆ្នាំ២០១៨ នៅក្រុងស្ទឹងសែនខេត្តកំពង់ធំ មានសរុបប្រមាណ៣០នាក់ ។ ការសំដែងរបស់ក្រុមតន្ត្រីលោក មានក្រុមអ្នកចម្រៀងសម័យ របាំ(សំដែងជាក្រុម ចាប៉ីដងវែង និងក្រុមកំប្លែងសំដែងជូនទស្សនជន ។ លោកបានលើកឡើងថាការប្រគុំតន្ត្រីនេះ គម្រោងចំណាយប្រមាណ១ម៉ឺនដុល្លារអាមេរិក និងការថតជាស៊ីឌីចំណាយប្រមាណ១ម៉ឺនផ្សេងទៀត ។ ក្នុងការប្រគុំតន្ត្រីនៅលើទឹកដីកំណើតនោះ អ្នកចូលរួមទស្សនាត្រូវបានផ្តល់ជាអាល់ប៊ុមCDម្នាក់មួយ ដែលមានបទច្រៀងចំនួន១១បទ ទើបចេញថ្មីដោយមិនគិតថ្លៃផង ។
លោកយឹង យនបានលើកឡើងថា ក្រោមអំណោយថវិកានេះ លោកធ្វើការប្រគុំតន្ត្រី ដើម្បីផ្តល់ព័ត៌មានដល់សិស្ស និស្សិតដែលបានទទួលអាហារូបករណ៍ខ្នាតខូតផ្នែកភាសាអង់គ្លេសពីស្ថានទូតអាមេរិកនៅកំពង់ធំ ដើម្បីប្រាប់ពីបទពិសោធន៍របស់លោក ក្នុងការចូលរួមក្នុងកម្មវិធីOnebeat ក្នុងសហរដ្ឋអាមេរិក ។ លោកបានលើកឡើងថា រូបលោក និងក្រុមតន្ត្រី សំដែងបទចំនួន១១ នៅក្នុងអាល់ប៊ុមថ្មីរបស់លោក នៅស្តាតចាស់ក្រុងស្ទឹងសែន ចាប់ពីម៉ោង៧យប់ថ្ងៃទី១៧ ខែមិនា ។
លោកថា៖ ការតន្ត្រីនេះបើកឱកាសឲ្យសាធារណជនចូលរួមទស្សនាដោយមិនគិតថ្លៃ ដែលមានការសំដែងរបាំប្រពៃណីខ្មែរ ការច្រៀងចំរើងចាប៉ីដងវែង ការសំដែងឆាកកប្លែង ។ គួរបញ្ជាក់ថា យោងតាមសេចក្តីប្រកាសព័ត៌មាន របស់ស្ថានទូតអាមេរិកប្រចាំនៅភ្នំពេញបានបញ្ជាក់ថា លោកឃឹង ឃន គឺជាសិល្បករអ្នកសរសេរបទចម្រៀង អ្នកច្រៀង និងជាតន្ត្រីករខ្មែរ ម្នាក់ ដែលមានទេពកោសល្យ ។ លោកបានធ្វើការងារផ្នែកតន្ត្រី និងសិល្បអស់រយៈពេល១៩ឆ្នាំមកហើយ ។ ស្ថានទូតបានអះអាងថា លោកត្រូវបានជ្រើសឲ្យចូលរួមក្នុងកម្មវិធី(Onebeat) ដែលកម្មវិធីផ្លាស់ប្តូរមួយផ្នែកដូរតន្ត្រីរបស់ក្រសួងការបរទេសសហរដ្ឋអាមេរិក ។ ការចូលរួមក្នុងកម្មវិធីនេះ បានជំរុញឲ្យលោកពិពន្ធបទបម្រៀងនៅក្នុងអាល់ប៊ុមថ្មីរបស់លោក ៕
ចែករំលែកព័តមាននេះ