រាជធានីភ្នំពេញ ៖ លោករក្សា ដែលគេស្គាល់ថា ជាតួសម្តែងយូរមកហើយនោះបានធ្លាក់ខ្លួនឈឺខ្លាំងមួយរយៈមុន គឺជំងឺរលាកស្រោមខួរ រហូតចុះស្គម និងជ្រុះសក់ពិបាកមើល។ ដោយការយកចិត្តទុកដាក់ព្យាបាលក៏បានធូរបន្តិច តែបែរជាឳពុកធ្លាក់ខ្លួនឈឺចូលព្យាបាលនៅមន្ទីរពេទ្យទៀត…
រាជធានីភ្នំពេញ ៖ លោករក្សា ដែលគេស្គាល់ថា ជាតួសម្តែងយូរមកហើយនោះបានធ្លាក់ខ្លួនឈឺខ្លាំងមួយរយៈមុន គឺជំងឺរលាកស្រោមខួរ រហូតចុះស្គម និងជ្រុះសក់ពិបាកមើល។ ដោយការយកចិត្តទុកដាក់ព្យាបាលក៏បានធូរបន្តិច តែបែរជាឳពុកធ្លាក់ខ្លួនឈឺចូលព្យាបាលនៅមន្ទីរពេទ្យទៀត ។
លោករក្សា បើទោះជាមិនទាន់ជាពីជំងឺ មិនទាន់រឹងមាំខ្លួនឯង តែងតែឆ្លៀតចេញទៅសម្តែង ដើម្បីយកប្រាក់ព្យាបាលខ្លួនផង លោកឪពុកផង ដោយមិនដឹងទៅពឹងអ្នកណា បើស្ថានភាពមកដល់សភាពតឹងតែងបំផុតបែបនេះ ។
លោករក្សា និយាយទាំងដកដង្ហើមធំថា «ពិបាកណាស់ក្នុងខ្លួនណាស់រាល់ថ្ងៃនេះ ខ្លួនឯងក៏ឈឺស្ទើរស្លាប់ស្ទើររស់ ។ លុះពេលគ្រាន់បានស្បើយខ្លះ បែរធ្លាក់ដល់វគ្គលោកឪពុកឈឺទៀត មិនដឹងជានិយាយបែបណានោះទេ ។ ចេញពីថតមកមើលលោកប៉ា កំដរគាត់នៅពេទ្យ ទោះជាហត់នឿយមានតែទ្រាំ ហើយមិនដឹងជាកម្មពៀរអ្វីបានជាខ្ញុំជួបតែភាពស្មុគស្មាញបែបនេះ ។
ពីមុនខ្ញុំមិនមានសាច់ឈាមបែបហ្នឹងឡើយ គឺធាត់ ប៉ុន្តែឈឺជំងឺរលាកស្រោមខួរ ប្តូរលឿនណាស់ ស្គមស្គាំងជ្រុះសក់ ប៉ុន្តែបានព្យាបាលធូរស្បើយខ្លះ ។ យ៉ាងណាក្តីខ្ញុំនៅបន្តព្យាបាលខ្លួនទៀត មិនទាន់ជាទាំងស្រុងឡើយ ហើយត្រូវរត់ធ្វើការផង ដើម្បីយកប្រាក់ជួយគ្រួសារ ។ មានតែខំ បើមិនដូចនេះទេ គឺខ្វះលទ្ធភាព ស្របពេលការចំណាយឲ្យពេទ្យក៏ច្រើន»៕
ចែករំលែកព័តមាននេះ