ការថែរក្សាបេះដូងឱ្យមានសុខភាពល្អគឺជាកិច្ចការដែលយើងត្រូវធ្វើ និងយកចិត្តទុកដាក់ច្រើនជាងការហាត់ប្រាណជាប្រចាំទៅទៀត ។ អ្នកចាំបាច់ត្រូវយកចិត្តទុកដាក់លើរបបអាហារ និងបែបបទនៃការរស់នៅដែលប្រកបដោយសុខភាព ។
ការថែរក្សាបេះដូងឱ្យមានសុខភាពល្អគឺជាកិច្ចការដែលយើងត្រូវធ្វើ និងយកចិត្តទុកដាក់ច្រើនជាងការហាត់ប្រាណជាប្រចាំទៅទៀត ។ អ្នកចាំបាច់ត្រូវយកចិត្តទុកដាក់លើរបបអាហារ និងបែបបទនៃការរស់នៅដែលប្រកបដោយសុខភាព ។
ខាងក្រោមនេះជាបែបបទងាយៗ១០ចំណុចដែលលោកអ្នកអាចសាកល្បងដើម្បីជំរុញបេះដូងឱ្យមានសុខភាពល្អ ៖
១- ចូរទទួលទានអាហារដែលមានសារធាតុសរសៃយ៉ាងហោចណាស់២៥ក្រាមក្នុង១ថ្ងៃ ។ ការសិក្សាជាច្រើនសុទ្ធតែបានភ្ជាប់របបអាហារទទួលទានដែលសំបូរដោយសារធាតុសរសៃទៅនឹងលទ្ធភាពក្នុងការកាត់បន្ថយហានិភ័យពីជំងឺបេះដូង ។ ពពួកអាហារដែលសំបូរដោយសារធាតុសរសៃមាននៅក្នុងស្រូវអូត(oats) ពពួកសណ្តែក និងពពួកផ្លែក្រូចដូចជាក្រូចពោធិ៍សាត់ជាដើម ។
២- ទទួលទានផ្លែឈើ និងបន្លែគ្រប់ពណ៌ឱ្យបានច្រើន ។ បន្លែ និងផ្លែឈើផ្ទុកទៅដោយសមាសធាតុផ្តល់តម្លៃសុខភាពមួយឈ្មោះថា Flavonoids ។ សមាសធាតុនេះដើរតួជាអ្នកប្រឆាំងអុកស៊ីដកម្ម ជាអ្នកកាត់បន្ថយអត្រាប្រឈមនឹងការរលាក និងព្រមទាំងជួយទប់ស្កាត់ជំងឺបេះដូង ។
៣- កាត់បន្ថយការប្រើប្រាស់សូដ្យូមនៅក្នុងអាហារប្រចាំថ្ងៃ ។ ការប្រើអំបិលច្រើនពេកក្នុងអាហារមិនផ្តល់ផលល្អដល់បេះដូងឡើយ ។ យោងតាមអ្នកឯកទេស ជាទូទៅយើងគួរកម្រិតបរិមាណអំបិលដែលប្រើប្រាស់រាល់ថ្ងៃគឺមិនឱ្យច្រើនជាង១ស្លាបព្រាកាហ្វេទេ(សម្រាប់មនុស្សម្នាក់) ។
៤- ព្យាយាមទទួលទានសូកូឡាខ្មៅឱ្យបានខ្លះៗ ។ សូកូឡាសុទ្ធពណ៌ខ្មៅ(មិនលាយទឹកដោះគោ)ផ្ទុកដោយសារធាតុគីមីកើតពីធម្មជាតិ (Catechins)យ៉ាងច្រើនលើសលប់។ Catechins គឺជាសមាសធាតុប្រឆាំងអុកស៊ីដកម្មដែលជួយឱ្យបេះដូងមានសុខភាពល្អ ។ ដូច្នេះអ្នកអាចទទួលទានវាត្រឹម២៨,៣៥ក្រាមក្នុង១ថ្ងៃ ។
៥- ឧស្សាហ៍វាស់មើលទំហំចង្កេះ ។ខ្លាញ់នៅបរិវេណក្បាលពោះគឺជាសញ្ញានៃកំណើនអត្រារងគ្រោះដោយជំងឺបេះដូង ។ ការសិក្សាស្រាវជ្រាវជាច្រើនបានបង្ហាញថា រាល់ការលើសទំហំចង្កេះប្រហែល ៥,០៨សង្ទីម៉ែត្របណ្តាលមកពីខ្លាញ់ បង្កើនអត្រាកើតជំងឺបេះដូងដល់២០ភាគរយ ។
៦- ត្រូវតែស្វែងយល់ពីរោគសញ្ញាជំងឺគាំងបេះដូង ។ បណ្តាស្ត្រីពិតជាធ្លាប់ជួបប្រទះនូវការឈឺចាប់ពីដើមទ្រូងរហូតដល់ដៃ ស្មា ខ្នងនិងធ្មេញ ដកដង្ហើមផុតៗ ស្បែកត្រជាក់មានបែកញើសស្អិតៗ…ទាំងអស់នេះសុទ្ធតែទាក់ទងនឹងបេះដូង ។ សូមប្រញាប់ពិគ្រោះជាមួយវេជ្ជបណ្ឌិតជាបន្ទាន់ប្រសិនជាជួបអាការទាំងអស់នេះ ។
៧- ចូរទទួលទានខ្លាញ់ល្អ ឬអាហារមានខ្លាញ់តិច ។ ខ្លាញ់អាក្រក់ កូឡេស្តេរ៉ូលអាក្រក់រួមនិងខ្លាញ់កក ឬប៊័រសុទ្ធតែជាភ្នាក់ងារជួយជំរុញឱ្យកើតជំងឺបេះដូង ។ កាត់បន្ថយការទទួលទានខ្លាញ់ទាំងអស់នេះ ហើយបង្កើនការទទួលទានអាហារដូចជា បន្លែ ផ្លែឈើ ពពួកសណ្តែក និងគ្រាប់ធញ្ញជាតិ ។
៨- ថែរក្សាមាត់ធ្មេញឱ្យបានស្អាតជានិច្ចដោយការទៅជួបជាមួយទន្តពេទ្យឱ្យបានទៀងទាត់ ។ សុខភាពមាត់ធ្មេញគឺអាចបញ្ជាក់បានពីសុខភាពរបស់បេះដូង ។ ការសិក្សាស្រាវជ្រាវមួយរបស់តៃវ៉ាន់លើមនុស្សជាង១០ម៉ឺននាក់បានបង្ហាញថា អ្នកដែលដុសសំអាតធ្មេញបានស្អាតល្អអាចកាត់បន្ថយអត្រាគ្រោះថ្នាក់ដោយជំងឺគាំងបេះដូងបាន២៤ភាគរយ ខណៈជំងឺដាច់សរសៃឈាមក្នុងខួរក្បាលបាន១៣ភាគរយធៀបទៅនឹងអ្នកមិនដែលសំអាតធ្មេញឱ្យបានស្អាតត្រឹមត្រូវ ។
៩- ចូរបង្កើនការទទួលទានត្រី ។ ការទទួលទានត្រីសំបូរដោយអាស៊ីដខ្លាញ់អូមេហ្គា៣ដងឬ២ដងក្នុងមួយសប្តាហ៍អាចជួយកាត់បន្ថយហានិភ័យពីជំងឺបេះដូងបាន ។
១០- ត្រូវរក្សារាងកាយឱ្យមានសកម្មភាពយ៉ាងហោចណាស់ក្នុង១ថ្ងៃ១៥នាទីឡើងទៅដោយការហាត់ប្រាណ ។ ការហាត់ប្រាណមានដូចជា ដើរ រត់ ហែលទឹក ជិះកង់…សុទ្ធតែផ្តល់អត្ថប្រយោជន៍ដល់បេះដូង ។ ប្រសិនជាអស់លោកអ្នកគ្មានពេលគ្រប់គ្រាន់ហាត់ឱ្យគ្រប់ចំនួនកំណត់មួយថ្ងៃ ៣០នាទីនោះ ហាត់ប្រាណដោយប្រើពេលត្រឹម១០នាទីដាច់ៗពីគ្នា៣លើកក្នុងមួយថ្ងៃក៏បាន៕
ចែករំលែកព័តមាននេះ