ខេត្តកំពង់ចាម ៖ មន្ត្រីរដ្ឋបាលខេត្តកំពង់ចាមបានអះអាងថា ដើមត្នោត គឺជារុក្ខជាតិម្យ៉ាងដែលជាផ្នែកមួយសម្រាប់សម្គាល់អត្តសញ្ញាណជាតិផងដែរ ។ ក្នុងគោលដៅអភិរក្សដើមត្នោតនេះ ឲ្យបានស្ថិតស្ថេរគង់វង្ស និងការអភិវឌ្ឍន៏នៅតំបន់បឹងវាម ដែលជាបឹងប្រវត្តិសាស្ត្រ…
ខេត្តកំពង់ចាម ៖ មន្ត្រីរដ្ឋបាលខេត្តកំពង់ចាមបានអះអាងថា ដើមត្នោត គឺជារុក្ខជាតិម្យ៉ាងដែលជាផ្នែកមួយសម្រាប់សម្គាល់អត្តសញ្ញាណជាតិផងដែរ ។ ក្នុងគោលដៅអភិរក្សដើមត្នោតនេះ ឲ្យបានស្ថិតស្ថេរគង់វង្ស និងការអភិវឌ្ឍន៏នៅតំបន់បឹងវាម ដែលជាបឹងប្រវត្តិសាស្ត្រ (ទាក់ទងប្រវត្តិហ្លួង ព្រះ ស្តេច កន) ឲ្យប្រែក្លាយជាតំបន់ទេសចរណ៍ ធម្មជាតិ ប្រវត្តិសាស្ត្រផងនោះ ។
លោក គួច ចំរើន អភិបាលខេត្តកំពង់ចាម បានដឹកនាំ គណៈអភិបាល មន្ត្រីរាជការក្រោមឱវាទខេត្តកំពង់ចាម កងកម្លាំងប្រដាប់អាវុធ ព្រះសង្ឃ សិស្សានុសិស្ស និងប្រជាពល រដ្ឋយ៉ាងច្រើនកុះករ នាព្រឹកថ្ងៃទី១៨ ខែមីនា ឆ្នាំ២០១៨ ស្ថិតនៅបានធ្វើពិធីដាំគ្រាប់ត្នោតចំនួន ៥២៥២ដើម នៅតំបន់បឹងរាម ស្ថិតក្នុងឃុំ បារាយណ៍ ស្រុកស្រីសន្ធរ ។
លោក គួច ចំរើន អភិបាលខេត្តកំពង់ចាម មានប្រសាសន៍ថា នាថ្ងៃទី១៨ ខែមិនា កាលពី៤៨ឆ្នាំមុន មានអ្នកនយោបាយមួយក្រុម ដែលបានឃុបឃិតជាមួយបរទេស និងផ្តើមគំនិតធ្វើរដ្ឋប្រហារ ផ្តួលរំលំរបបសង្គមរាស្ត្រនិយម ហើយនោះ គឺជាដំណើរការផ្លាស់ប្តូរលើកដំបូងក្នុងកម្ពុជា ដែលខ្មែរគ្នា ឯង បានទទួលការគាំទ្រពីបរទេស ហើយជាពេលវេលាដែលនាំភ្នក់ភ្លើងសង្គ្រាមចូលមកកម្ពុជា ។
លោកបន្តថា ដោយឡែកគ្រាប់បែកបេ៥២ របស់កងទ័ពសហរដ្ឋ អាមេរិកត្រូវបាន ទម្លាក់មកលើទឹកដី កម្ពុជា ដើម្បីសម្លាប់ប្រជាជនកម្ពុជា នេះជាហេតុផលដែលយើងដាក់ដាំគ្រាប់ត្នោតចំនួន៥២៥២ នៃរំលឹកឡើង វិញនៃសោកនាដកម្មមកលើប្រជាជនកម្ពុជា ៕
ចែករំលែកព័តមាននេះ