ប្រទេសហ្គាណាជាប្រទេសដែលផ្គត់ផ្គង់កាកាវច្រើនជាងគេលើពិភពលោក ខណៈពេលដែលឧស្សាហកម្មប្រេងរបស់ហ្គាណានេះក៏កំពុងមានការកើនឡើងគួរឱ្យកត់សម្គាល់ទៀតនោះ ។ យោងតាមលោក Vincent Manu នាយកមូលនិធិពិភពលោកកាកាវប្រចាំប្រទេសហ្គាណាបានឱ្យដឹងថា ដំណាំនេះអាចរកចំណូលចូលរដ្ឋចន្លោះពី 25 ទៅ30ភាគរយ…
ប្រទេសហ្គាណាជាប្រទេសដែលផ្គត់ផ្គង់កាកាវច្រើនជាងគេលើពិភពលោក ខណៈពេលដែលឧស្សាហកម្មប្រេងរបស់ហ្គាណានេះក៏កំពុងមានការកើនឡើងគួរឱ្យកត់សម្គាល់ទៀតនោះ ។
យោងតាមលោក Vincent Manu នាយកមូលនិធិពិភពលោកកាកាវប្រចាំប្រទេសហ្គាណាបានឱ្យដឹងថា ដំណាំនេះអាចរកចំណូលចូលរដ្ឋចន្លោះពី 25 ទៅ30ភាគរយ នៃផលិតផលកសិកម្មក្នុងស្រុក និង 28ទៅ30 ភាគរយនៃការនាំចេញទៅក្រៅប្រទេស ។
ប៉ុន្តែឧស្សាហកម្មនេះត្រូវបានរងការគំរាមកំហែងដោយសារតែនគររូបនីយកម្មនៅក្នុងប្រទេស ។ លោកបានបន្ថែមថា « មនុស្សវ័យក្មេងមិនចាប់អារម្មណ៍ដោយសារ តែប្រាក់ចំណេញទេ»។
ការប្រែប្រួលអាកាសធាតុក៏កំពុងដើរតួនាទីមួយផងដែរ ។
ប្រធានក្រុមប្រឹក្សាកាកាវហ្គាណាបានប្រាប់រ៉យទ័រកាលពីដើមសប្តាហ៍នេះថា ផលិតកម្មកាកាវរបស់ប្រទេសហ្កាណានៅរដូវកាលនេះអាចនឹងមានចំនួន 700.000 តោនដែលធ្លាក់ចុះពីការព្យាករណ៍ទុក 850.000 តោន ដោយសារភ្លៀងធ្លាក់ខ្លាំង ។ បន្ទាប់ពីការផ្តល់យោបល់ពីការថយចុះទិន្នផលពីហ្គាណា និងកូតឌីវ័រ តម្លៃកាកាវបានកើនឡើងខ្ពស់ជាងមួយឆ្នាំក្នុងសប្តាហ៍នេះ ៕
ចែករំលែកព័តមាននេះ