រាជធានីភ្នំពេញ ៖ កិច្ចប្រជុំកំពូលពិសេសអាស៊ាន – អូស្ត្រាលីឆ្នាំ២០១៨នេះ មានគោលបំណងពង្រឹងការរួមចំណែករបស់អាស៊ាន និងអូស្ត្រាលីក្នុងកាការពារលើកកំពស់សន្តិសុខ និងវិបុលភាពតំបន់ព្រមទាំង ដើម្បីឆ្លុះបញ្ចាំងពីការប្តេជ្ញាចិត្តពង្រឹងភាពជាដៃគូយុទ្ធសាស្ត្ររវាងអាស៊ាន-អូស្ត្រាលីឲ្យកាន់តែស៊ីជម្រៅ តាមរយៈបន្តកិច្ចសហប្រតិបត្តិការក្នុងវិស័យសន្តិសុខនយោបាយសេដ្ឋកិច្ច…
រាជធានីភ្នំពេញ ៖ កិច្ចប្រជុំកំពូលពិសេសអាស៊ាន – អូស្ត្រាលីឆ្នាំ២០១៨នេះ មានគោលបំណងពង្រឹងការរួមចំណែករបស់អាស៊ាន និងអូស្ត្រាលីក្នុងកាការពារលើកកំពស់សន្តិសុខ និងវិបុលភាពតំបន់ព្រមទាំង ដើម្បីឆ្លុះបញ្ចាំងពីការប្តេជ្ញាចិត្តពង្រឹងភាពជាដៃគូយុទ្ធសាស្ត្ររវាងអាស៊ាន-អូស្ត្រាលីឲ្យកាន់តែស៊ីជម្រៅ តាមរយៈបន្តកិច្ចសហប្រតិបត្តិការក្នុងវិស័យសន្តិសុខនយោបាយសេដ្ឋកិច្ច និងការតភ្ជាប់សម្រាប់រយៈពេលប៉ុន្មានឆ្នាំខាងមុខទៀត ។
ទំនាក់ទំនងអាស៊ាន- អូស្ត្រាលីបានចាប់ផ្តើមក្នុងភាពជាដៃគូសន្ទនាដំបូងបង្អស់នៅឆ្នាំ១៩៧៤ ដោយមានសារសំខាន់យ៉ាងខ្លាំង សម្រាប់ពង្រឹងសន្តិសុខ និងវិបុលភាពក្នុងតំបន់ ។ ដោយមើលឃើញពីសារសំខាន់នៃភាពចាំបាច់ក្នុងការថែរក្សាផលប្រយោជន៍ស្នូលផ្នែកសេដ្ឋកិច្ចសន្តិសុខ និងការដោះស្រាយបញ្ហាប្រឈមរួមគ្នា ទំនាក់ទំនងភាពជាដៃគូសន្ទនាអាស៊ាន-អូស្ត្រាលីបានឯកភាពឈានទៅដល់ជាដៃគូយុទ្ធសាស្ត្រនៅក្នុងឆ្នាំ២០១៤ ។ នៅឆ្នាំ២០១៥ អាស៊ាន- អូស្ត្រាលីបានឯកភាពគ្នាក្នុងការរៀបចំ ឲ្យមានកិច្ចប្រជុំកំពូលអាស៊ាន-អូស្ត្រាលីរៀងរាល់២ឆ្នាំម្តង ។
ក្នុងនោះនៅឆ្នាំ២០១៦ បានចេញសេចក្តីថ្លែងការណ៍រួមស្តីពីកិច្ចប្រជុំកំពូលអាស៊ាន -អូស្ត្រាលីជារៀងរាល់២ឆ្នាំម្តង ។ ចាប់តាំងពីបានក្លាយជាដៃគូសន្ទនាអស់រយៈពេល៤៤ឆ្នាំមក នេះគឺជាលើកទី១ហើយ ដែលអូស្ត្រាលីបានធ្វើជាម្ចាស់ផ្ទះក្នុងការរៀបចំកិច្ចប្រជុំកំពូលអាស៊ាន- អូស្ត្រាលីនៅលើទឹកដីរបស់ខ្លួន ៕
ចែករំលែកព័តមាននេះ