ខេត្តសៀមរាប ៖ កម្លាំងការិយាល័យប្រឆាំងគ្រឿងញៀនខេត្តបានចូលរួមសហការជាមួយ កម្លាំងអធិការដ្ឋាននគរបាលក្រុងសៀមរាប និងកម្លាំងប៉ុស្តិ៍នគរបាលរដ្ឋបាលសង្កាត់ស្វាយដង្គំ បានចុះបង្ក្រាបករណីរក្សាទុក និងជួញដូរដោយខុសច្បាប់នូវសារធាតុញៀននៅលំនៅដ្ឋានក្រុមទី០៧ ភូមិស្វាយដង្គំ សង្កាត់ស្វាយដង្គំ ក្រុង-ខេត្តសៀមរាបនៅវេលាម៉ោង១០និង៣០នាទីព្រឹកថ្ងៃទី១៦ ខែមិនា ឆ្នាំ២០១៨ ឈានដល់ធ្វើការឃាត់ខ្លួនបានជនសង្ស័យចំនួន៥នាក់ និងវត្ថុតាងមួយចំនួន រួចយកមកធ្វើការសួរនាំនៅស្នងការខេត្ត ដើម្បីរៀបចំកសាងសំណុំរឿង បញ្ជូនបន្តទៅតុលាការខេត្ត ។
តាមប្រភពពីសមត្ថកិច្ចជំនាញបានប្រាប់ថា ជនសង្ស័យចំនួន០៥នាក់ទី១-ឈ្មោះ យក់ ហូលភេទប្រុស មុខរបរគ្មាន ទីលំនៅភូមិស្វាយដង្គំ សង្កាត់ស្វាយដង្គំ ក្រុងខេត្តសៀមរាប (រក្សាទុក និងជួញដូរ) (មានសារធាតុញៀនក្នុងខ្លួន) ទី ០២- ឈ្មោះ អៀង ចំរើន ហៅជ្រឹង ភេទប្រុស មុខរបរគ្មាន ទីលំនៅភូមិស្វាយដង្គំ សង្កាត់ស្វាយដង្គំ ក្រុង- ខេត្តសៀម រាប (ចាត់ចែង)(មានសារធាតុញៀនក្នុងខ្លួន) ទី០៣- ឈ្មោះ ឌិត ដានេ ហៅអូន ភេទប្រុស មុខរបរគ្មាន ទីលំនៅភូមិស្វាយដង្គំ សង្កាត់ស្វាយដង្គំ ក្រុង-ខេត្តសៀម រាប (ប្រើប្រាស់) (មានសារធាតុញៀនក្នុងខ្លួន) ទី០៤- ឈ្មោះ ខឹម ពៅ ភេទប្រុស មុខរបរគ្មាន ទីលំនៅភូមិបន្ទាយចាស់ សង្កាត់ស្លក្រាម ក្រុងខេត្តសៀមរាប (ប្រើប្រាស់) (មានសារធាតុញៀនក្នុងខ្លួន) និងទី០៥-ឈ្មោះ យ៉េន ធា ហៅសិលា ភេទប្រុស ឆ្នាំ មុខរបរគ្មាន ទីលំនៅភូមិស្វាយដង្គំ សង្កាត់ស្វាយដង្គំ ក្រុង-ខេត្តសៀម រាប (ចាត់ចែង) (មានសារធាតុញៀនក្នុងខ្លួន) ។
បន្ទាប់ពីធ្វើការឃាត់ខ្លួនជនសង្ស័យក្នុងនោះ ដកហូតបានវត្ថុតាងរួមមាន ម្សៅមេតំហ្វេតាមីនប្រភេទទឹកកកចំនួន០៩កញ្ចប់ ស្មើនឹងទម្ងន់០,៧ក្រាម (ទំងន់សុទ្ធ) ទូរស័ព្ទដៃចំនួន០៥គ្រឿង ឧបករណ៍ប្រើប្រាស់ និងសម្ភារសម្រាប់វេចខ្ចប់ថ្នាំញៀនមួយចំនួន និងដាវចំនួន២ដើម ។
បច្ចប្បន្នជនសង្ស័យ និងវត្ថុតាងត្រូវបានកម្លាំងជំនាញ រៀបចំកសាងសំណុំរឿងបញ្ចូនទៅសាលាដំបូងថ្ងៃទី១៧ ខែមិនា ឆ្នាំ២០១៨ ដើម្បីចាត់ការទៅតាមផ្លូវច្បាប់ ៕
ចែករំលែកព័តមាននេះ