កូរ៉េខាងត្បូង៖ សង្ក្រាន្ដខ្មែរនៅកូរ៉េលើកទីពីរ ក្រោមប្រធានបទ «យើងស្រលាញ់ខ្មែរដូចគ្នា» នឹងធ្វើឡើងនៅថ្ងៃអាទិត្យ ១កើត ខែពិសាខ ឆ្នាំច សំរឹទ្ធស័ក ពុទ្ធសករាជ…
កូរ៉េខាងត្បូង៖ សង្ក្រាន្ដខ្មែរនៅកូរ៉េលើកទីពីរ ក្រោមប្រធានបទ «យើងស្រលាញ់ខ្មែរដូចគ្នា» នឹងធ្វើឡើងនៅថ្ងៃអាទិត្យ ១កើត ខែពិសាខ ឆ្នាំច សំរឹទ្ធស័ក ពុទ្ធសករាជ ២៥៦១ ត្រូវនឹងថ្ងៃវិរៈវ័នបត ទី១៥ ខែមេសា ឆ្នាំ២០១៨ ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ។
ក្នុងឱកាសនោះ ក៏នឹងមានការសម្តែងជាឈុតឆាកក្បាច់គុណបុរាណខ្មែរ យុទ្ធក្រមខម សម្តែងរបាំត្រុដិ ល្បែងប្រជាប្រិយ ការបង្កើតឲ្យមានការប្រគំតន្ត្រីបុរាណ សម័យ តាំងម្ហូបអាហាររបស់ខ្មែរយើងដែលនាំពីប្រទសកម្ពុជាដោយផ្ទាល់តែម្តង ។ នេះបើយោងតាមសេចក្តីប្រកាសជូនដំណឹងរបស់ស្ថានឯកអគ្គរាជទូតកម្ពុជាប្រចាំនៅប្រទេសកូរ៉េខាងត្បូង ដើម្បីឲ្យបងប្អូនចូលរួមការងារដោយស្ម័គ្រចិត្ត និងកុំឲ្យខកខាន នៃព្រឹត្តិការណ៍មហាសង្ក្រាន្ដនេះ ។
សេចក្តីប្រកាសជូនដំណឹងមានខ្លឹមសារថា គណៈកម្មាធិការរៀបចំនៃព្រឹត្តិការណ៍ «មហាសង្ក្រាន្ដខ្មែរនៅកូរ៉េ» មានកិត្តិយសសូមជម្រាបជូនដំណឹងដល់ប្រជាពលរដ្ឋខ្មែរទាំងអស់ដែលកំពុងសិក្សា ធ្វើការ និងរស់នៅសាធារណរដ្ឋកូរ៉េ ជ្រាបថា ក្នុងគោលបំណងប្រារព្ធព្រឹត្តិការណ៍មហាសង្ក្រាន្ដខ្មែរនៅកូរ៉េ ជាលើកទីពីរ ក្រោមប្រធានបទ «យើងស្រលាញ់ខ្មែរដូចគ្នា» នៅថ្ងៃអាទិត្យ ១កើត ខែពិសាខ ឆ្នាំច សំរឹទ្ធស័ក ពុទ្ធសករាជ ២៥៦១ ត្រូវនឹងថ្ងៃវិរៈវ័នបត ទី១៥ ខែមេសា ឆ្នាំ២០១៨ ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ឲ្យបានកាន់តែអធិកអធម និងសប្បាយរីករាយ ក៏ដូចជាការបង្ហាញវប្បធម៌ ប្រពៃណី និងទំនៀមទម្លាប់ជូន ដល់ភ្ញៀវជាតិ និងអន្ដរជាតិ គណៈកម្មាធិការត្រូវការជ្រើសរើសយុវជនស្ម័គ្រចិត្តចូលរួមសម្ដែង និងរៀបចំតាមផ្នែក នៃកម្មវិធីនេះ ៕
ចែករំលែកព័តមាននេះ