រាជធានីភ្នំពេញ ៖ ជាការសោកស្តាយជាទីបំផុត សម្រាប់បេក្ខនារីឆ្នើម រមែងតែឈ្នះការបោះឆ្នោតរាល់អាទិត្យ កញ្ញាគង់ កែវមរកត តែបែរជាជួបភាពស្មានមិនដល់ ដោយត្រូវចាកចេញពីកម្មវិធី Cambodia…
រាជធានីភ្នំពេញ ៖ ជាការសោកស្តាយជាទីបំផុត សម្រាប់បេក្ខនារីឆ្នើម រមែងតែឈ្នះការបោះឆ្នោតរាល់អាទិត្យ កញ្ញាគង់ កែវមរកត តែបែរជាជួបភាពស្មានមិនដល់ ដោយត្រូវចាកចេញពីកម្មវិធី Cambodia Idol ត្រឹមវគ្គផ្សាយផ្ទាល់អាទិត្យទី៦ កាលពីយប់ថ្ងៃទី១៦ មីនា ។ ការបរាជ័យនេះ បានបង្កឱ្យមិត្តអ្នកស្រឡាញ់ទឹកដមសំឡេង គង់ កែវមរកត មានការភ្ញាក់ផ្អើលយ៉ាងខ្លាំង ហើយបានជូនជាកម្លាំងចិត្ត ឱ្យនាងចេះតស៊ូបន្តទៀត ដើម្បីមាគ៌ាសិល្បៈ ។ បទចម្រៀង «សំឡេងឃ្មោះការ» ដែលជាមរតកដើម ច្រៀងដោយលោកស្រី ប៉ែន រ៉ន ជាបទតឹង ហើយត្រូវប្រើបច្ចេកទេសខ្លាំងណាស់ ក្នុងការលើកដាក់សំឡេងបូក ទាំងការដាក់មនោសញ្ចេតនា តាមបទចម្រៀង ។
បេក្ខនារីគង់ កែវមរកត ត្រូវបានរៀបចំដាក់ចម្រៀងមួយបទនេះ ដើម្បីប្រជែងសមត្ថភាព ។ នាងបានប្រឹងប្រែងយកអស់ពីកម្លាំងចិត្ត បើទោះជាមានការលំបាក ។ ចុងបញ្ចប់ការសម្តែងនាង នៅតែបានការលើកសរសើរពីគណៈកម្មាការទាំង៤រូប ធ្វើបានល្អ ។ ក្នុងសប្តាហ៍ទី៦នេះ បេក្ខជនទាំង៧រូប ដែលនៅសល់ត្រូវលើកយកបទមរតកដើមមកច្រៀង ដែលបទសម័យមុននេះ មិនមែនចេះតែច្រៀងនោះទេ ស្របរពេលដែលយុវវ័យសម័យនេះ និយមបទបែកស្លុយច្រើនផងនោះ ។
កញ្ញា គង់ កែវមរកត ដែលថ្លែងទាំងទឹកភ្នែក ក្រោយពីត្រូវប្រកាសថាធ្លាក់ កញ្ញាសប្បាយចិត្តយ៉ាងណាស់ដែលកញ្ញាបានឈានដល់មកវគ្គ Live Show ក្នុងសប្ដាហ៍ទី៦ ដែលការបង្ហាញខ្លួននោះ គឺកញ្ញាមិនធ្លាប់រំពឹងពីមុនទាល់តែសោះ ដោយសារតែកញ្ញាគ្រាន់តែជាអ្នករត់តុមួយរួបមុនពេលចូលប្រលង ។ កញ្ញានិយាយថា អ្វីដែលនាងរំភើបចិត្តបំផុត គឺបានអ្នកស្រីឌី សាវ៉េត អនុញ្ញាតិឱ្យខ្ចីសំលៀកបំពាក់ឡើងឆាក ដោយនាងបញ្ជាក់ថា វិញ្ញសារតម្រូវអោយនាង និងបេក្ខជនទាំងអស់តុបតែងខ្លួនក្នុងសម័យសង្គមរាស្ត្រនិយម បើគ្មានអ្នកគ្រូ ឌី សាវ៉េត ផ្ដល់សំលៀកបំពាក់អោយខ្ចីទេ គឺប្រាកដជា មិនអាចអោយនាងមានសំលៀកបំពាក់ឡើងឆាកនោះទេ ដោយសារតែនាងមិនមែន ជាបេក្ខនារីមានលុយសម្រាប់ទិញដូរសំលៀកបំពាក់ ដើម្បីតម្រូវអោយត្រូវនឹងកម្មវិធី។
កញ្ញាបានបង្ហូរទឹកភ្នែកអរគុណ ដល់តារាជើងចាស់រូបនេះ បើទោះជានាងបានគ្រងឈុតសំលៀកបំពាក់របស់អ្នកស្រីឌី សាវ៉េត ហើយក៏ត្រូវបានធ្លាក់ពីកម្មវិធីទាំំងសោកស្ដាយ ។
https://www.youtube.com/watch?v=xbhSHlgcLCc
ចែករំលែកព័តមាននេះ