មានព័ត៌មានថា លោកត្រាំចង់ដកហូតតំណែងទីប្រឹក្សាសន្តិសុខជាតិ
សហរដ្ឋអាមេរិក ៖ កាសែតវ៉ាស៊ីនតោនប៉ុស្តិ៍អះអាងនាថ្ងៃទី១៥ មីនា ថា ប្រធានាធិបតីអាមេរិក លោកដូណាល់ ត្រាំ គ្រោងសម្រេចដកហូតតំណែងទីប្រឹក្សាសន្តិសុខជាតិ លោក…
សហរដ្ឋអាមេរិក ៖ កាសែតវ៉ាស៊ីនតោនប៉ុស្តិ៍អះអាងនាថ្ងៃទី១៥ មីនា ថា ប្រធានាធិបតីអាមេរិក លោកដូណាល់ ត្រាំ គ្រោងសម្រេចដកហូតតំណែងទីប្រឹក្សាសន្តិសុខជាតិ លោក…
សហរដ្ឋអាមេរិក ៖ កាសែតវ៉ាស៊ីនតោនប៉ុស្តិ៍អះអាងនាថ្ងៃទី១៥ មីនា ថា ប្រធានាធិបតីអាមេរិក លោកដូណាល់ ត្រាំ គ្រោងសម្រេចដកហូតតំណែងទីប្រឹក្សាសន្តិសុខជាតិ លោក MCMASTER ទៀតហើយ ។
កាសែតនោះបន្តថា ប្រធានាធិបតីគ្រោងផាត់ចោលបណ្តាអ្នកទទួលខុសត្រូវជាន់ខ្ពស់ឯទៀតៗ ក្រោយការដកតំណែងគួរឱ្យភ្ញាក់ផ្អើលពីប្រមុខការទូតរបស់លោកកាលពីថ្ងៃទី១៣ មីនា ។
មានពាក្យចចាមអារ៉ាមនានាពីលទ្ធភាពនៃការដកតំណែងឧត្តមសេនីយ៍ MCMASTER ចាប់តាំងពីច្រើនសប្តាហ៍មកហើយក្នុងបណ្តាសារព័ត៌មានអាេមរិក ។ ក៏ប៉ុន្តែលើកនេះលោកត្រាំ ពិតជាសម្រេចដកឧត្តមសេនីយ៍រូបនេះចេញ ហើយកំពុងពិភាក្សាយ៉ាងសកម្មពីការរកមនុស្សមកជំនួស ។ កាសែតវ៉ាស៊ីនតោនប៉ុស្តិ៍អះអាងពីរឿងនេះដោយផ្អែកលើប្រភពច្បាស់ការណ៍៥ ។ កាសែតនេះសរសេរទៀតថា លោកត្រាំ ចង់ដកតំណែងលោក MCMASTER តែលោកត្រូវការពេលវេលាមុនធ្វើ ព្រោះពុំចង់ឱ្យមានការអាម៉ាស់សម្រាប់ឧត្តមសេនីយ៍ផ្កាយ៣រូបនេះ ព្រមទាំងទុកពេលរកអ្នកបន្តវេនរឹងមាំម្នាក់ ។
ពេលសួរពីព័ត៌មាននេះរបស់កាសែតវ៉ាស៊ីនតោនប៉ុស្តិ៍ អ្នកនាំពាក្យសេតវិមានលោកស្រី SARAH SANDERS ថ្លែងថា ពុំមានការផ្លាស់ប្តូរក្នុងក្រុមប្រឹក្សាសន្តិសុខជាតិ NSC ឡើយ ក៏ប៉ុន្តែលោកស្រីលើកពីលទ្ធភាពដែលអាចមាននាពេលខាងមុខ ៕
ចែករំលែកព័តមាននេះ