ម្ចាស់ក្លិបមាស សុខគ្រី ទម្លាយរឿងកីឡាករម្នាក់ញៀនថ្នាំ
- ភ្នំពេញ
រាជធានីភ្នំពេញ ៖ នៅលើបណ្ដាញសង្គមហ្វេសប៊ុករបស់លោក គ្រឿល វុទ្ធី ដែលត្រូវគេស្គាល់ថា ជាគ្រូបង្វឹក និងជាកូនប្រុសបង្កើតរបស់ម្ចាស់ក្លិប មាស សុខគ្រី…
រាជធានីភ្នំពេញ ៖ នៅលើបណ្ដាញសង្គមហ្វេសប៊ុករបស់លោក គ្រឿល វុទ្ធី ដែលត្រូវគេស្គាល់ថា ជាគ្រូបង្វឹក និងជាកូនប្រុសបង្កើតរបស់ម្ចាស់ក្លិប មាស សុខគ្រី…
រាជធានីភ្នំពេញ ៖ នៅលើបណ្ដាញសង្គមហ្វេសប៊ុករបស់លោក គ្រឿល វុទ្ធី ដែលត្រូវគេស្គាល់ថា ជាគ្រូបង្វឹក និងជាកូនប្រុសបង្កើតរបស់ម្ចាស់ក្លិប មាស សុខគ្រី បានបង្ហោះស្ទើររៀងរាល់ថ្ងៃជុំវិញរឿងរ៉ាវរបស់កីឡាករម្នាក់ដែលលោកប្រកាសថា បានញៀនគ្រឿងញៀន ហើយធ្វើរឿងថោកទាបជាច្រើននៅក្នុងក្លិប ។ ជាមួយគ្នានេះ លោកប្រកាសមិនទទួលស្គាល់ទង្វើរបស់កីឡាកររូបនេះនៅខាងក្រៅនោះទេ ដោយអះអាងថា កីឡាករនេះត្រូវបានក្លិបរបស់លោក បណ្ដេញចេញ និងឈប់ទទួលស្គាល់ច្រើនសប្ដាហ៍
មកហើយ។
លោក គ្រឿល វុទ្ធី បានសរសេរនៅលើហ្វេសប៊ុកថា កីឡាករប្រដាល់ឈ្មោះ កែវ គឹម
ឌៀន ក្រោយពីបានហ្វឹកហាត់ និងស្នាក់នៅក្នុងក្លិបរបស់ខ្លួនអស់រយៈពេលយ៉ាងយូរ ក៏បានឡើងរេញ ហើយមានការគាំទ្រគួរសមនាពេលកន្លងមក ។ ប៉ុន្តែក្រោយពីមានសមត្ថភាពបានតែបន្តិច គេក៏បែកគំនិតលេងថ្នាំរហូតញៀនញ៉ាមមិនស្ដាប់បង្គាប់លោក មាស សុខគ្រី ជាម្ចាស់ក្លិប និងលោកជាគ្រូបង្វឹក ទើបឈានដល់បណ្ដេញចេញ ។
លោកថា កីឡាកររូបនេះ បានដើរបង្ខូចឈ្មោះក្លិប និងបានធ្វើរឿងមិនល្អជាច្រើន ទើបលោកឈានដល់ការបង្ហោះកាត់កាលមិនទទួលស្គាល់ជាកូនសិស្ស និងបានសរសេរពាក្យថាថោកទាប និងរមិលគុណសំដៅទៅលើកីឡាកររូបនេះ ។ លោកក៏បានប្រកាសថានឹងមានវិធានការតតាំងជាមួយកីឡាករឈ្មោះ កែវ គឹមឌៀន នេះក្នុងពេលខាងមុខនោះផង ប្រសិនបើបុគ្គលរូបនេះនៅតែបន្តលាបពណ៌ក្លិប និងធ្វើរឿងមិនល្អជាច្រើនទៀតធ្វើឱ្យក្លិបរងការអាម៉ាស់ ។
ទោះបីយ៉ាងណា លោកបដិសេធទម្លាយទាំងស្រុងពីទង្វើររបស់កីឡាកររូបនេះ ដោយលោកប្រកាសត្រឹមថា គេញៀនថ្នាំ និងធ្វើរឿងពាលាជាច្រើនដែលលោកមិនអាចទទួល
យកបាន ។ ពាក់ព័ន្ធនឹងការបង្ហោះរបស់លោក គ្រឿល វុទ្ធី នេះ នៅមិនទាន់មានប្រតិកម្ម ណាមួយពីកីឡាករ កែវ គឹមឌៀន និងក្រុមគ្រួសារនៅឡើយទេ៕
ចែករំលែកព័តមាននេះ