អាមេរិក ៖ តាមប្រភពព័ត៌មាន Metro បានឲ្យដឹងថា កូនក្រមុំម្នាក់ត្រូវបានប៉ូលិសចាប់ខ្លួន ដោយសារតែបង្កគ្រោះថ្នាក់ចរាចរណ៍ក្រោមឥទ្ធិពលគ្រឿងស្រវឹង។ កូនក្រមុំក្នុងសម្លៀកបំពាក់ថ្ងៃរៀបការឈ្មោះ Amber Young…
អាមេរិក ៖ តាមប្រភពព័ត៌មាន Metro បានឲ្យដឹងថា កូនក្រមុំម្នាក់ត្រូវបានប៉ូលិសចាប់ខ្លួន ដោយសារតែបង្កគ្រោះថ្នាក់ចរាចរណ៍ក្រោមឥទ្ធិពលគ្រឿងស្រវឹង។
កូនក្រមុំក្នុងសម្លៀកបំពាក់ថ្ងៃរៀបការឈ្មោះ Amber Young អាយុ៣២ឆ្នាំ ត្រូវបានប៉ូលិសវៃខ្នោះញាត់ឡាន ក្រោយពេលបង្កគ្រោះថ្នាក់ចរាចរណ៍បុករថយន្តបីតគ្នា កាលពីថ្ងៃទី១២ នៅវេលាម៉ោង១០និង៣០នាទី ឯ Marana រដ្ឋ Arizona អាមេរិក។
អ្នកនាំពាក្យរបស់ប៉ូលិស Chriswell Scott បានប្រាប់ថា មានមនុស្សម្នាក់រងរបួសស្រាលក្នុងគ្រោះថ្នាក់ខាងលើ។ គេបានយកនាងទៅមើលឈាម ហើយដោះលែងដោយមិនបាច់ចូលពន្ធនាគារ។
នេះពិតជាស៊យណាស់ ដែលរឿងនេះបានកើតឡើងនៅថ្ងៃរៀបការ។ គេក៏ឆ្ងល់ដែរថា ហេតុអ្វីបានជាកូនក្រមុំបើកឡានតែម្នាក់ឯងទៅពិធីមង្គលបែបនេះ៕
ចែករំលែកព័តមាននេះ