ប្រទេសរុស្ស៊ី ៖ ប្រធានាធិបតីរុស្ស៊ី លោកវ្ល៉ាឌីមៀរ ពូទីន កាលពីថ្ងៃទី១៤ មីនា បានចុះទៅឃោសនាបោះឆ្នោតនៅតំបន់គ្រីមេ ខណៈសល់ពេល៤ថ្ងៃទៀតដល់ខួបលើកទី៤នៃការបញ្ចូលតំបន់នេះទៅក្នុងដែនដីរុស្ស៊ី ដោយលោកចាត់ទុកព្រឹត្តិការណ៍នោះជាគំរូនៃលទ្ធិប្រជាធិបតេយ្យពិតប្រាកដមួយ…
ប្រទេសរុស្ស៊ី ៖ ប្រធានាធិបតីរុស្ស៊ី លោកវ្ល៉ាឌីមៀរ ពូទីន កាលពីថ្ងៃទី១៤ មីនា បានចុះទៅឃោសនាបោះឆ្នោតនៅតំបន់គ្រីមេ ខណៈសល់ពេល៤ថ្ងៃទៀតដល់ខួបលើកទី៤នៃការបញ្ចូលតំបន់នេះទៅក្នុងដែនដីរុស្ស៊ី ដោយលោកចាត់ទុកព្រឹត្តិការណ៍នោះជាគំរូនៃលទ្ធិប្រជាធិបតេយ្យពិតប្រាកដមួយ ព្រមទាំងជាការស្តារឡើងវិញនៃយុត្តិធម៌ប្រវត្តិសាស្ត្រ ។
ក្នុងសុន្ទរកថាមួយមុខបណ្តាអ្នកគាំទ្រលោកដែលប្រមូលផ្តុំគ្នានៅទីក្រុងសេបាស្តូប៉ូល តំបន់គ្រីមេ ពេលមានការប្រគំតន្ត្រីមួយជួយទ្រទ្រង់លោក ប្រមុខរដ្ឋរុស្ស៊ីថ្លែងថា តាមរយៈការសម្រេចរបស់លោកអ្នក លោកអ្នកស្តារឡើងវិញយុត្តិធម៌ប្រវត្តិសាស្ត្រដែលត្រូវកាត់ផ្តាច់នាសម័យកាលសូវៀត ។ សម័យកាលសូវៀត តំបន់គ្រីមេត្រូវកាត់ទៅឱ្យអ៊ុយក្រែន ។
ការបោះឆ្នោតប្រធានាធិបតីរុស្ស៊ី នាថ្ងៃទី១៨ មីនា ធ្វើឡើងចំថ្ងៃដែលរុស្ស៊ីនឹងប្រារព្ធធ្វើខួបលើកទី៤ នៃការបញ្ចូលតំបន់គ្រីមេក្នុងដែនដីរុស្ស៊ីវិញ ក្រោយការសម្រេចកាលពីខែមីនា ឆ្នាំ២០១៤ តាមរយៈការបោះប្រជាមតិមួយ ។
លោកពូទីន អះអាងថា តាមរយៈការសម្រេចរបស់លោកអ្នកនេះ លោកអ្នកបង្ហាញប្រាប់ពិភពលោកទាំងមូលនូវអ្វីដែលជាការពិតមួយ រួចពុំមែនជាលទ្ធិប្រជាធិបតេយ្យក្លែងក្លាយឡើយ ។ លោកអ្នកមកចូលរួមក្នុងការបោះប្រជាមតិ លោកអ្នកបានធ្វើការសម្រេច ហើយបោះឆ្នោតដើម្បីអនាគតលោកអ្នក និងអនាគតកូនចៅលោកអ្នក ។
ក្នុងសេចក្តីប្រកាសមួយសហរដ្ឋអាមេរិក បញ្ចេញប្រតិកម្មដោយអះអាងជាថ្មីថា គ្រីមេជារបស់អ៊ុយក្រែន និងថា ទណ្ឌកម្មអាមេរិកនឹងនៅជាធរមានដរាបណារុស្ស៊ីពុំប្រគល់ដែនដីនេះដល់អ៊ុយក្រែនវិញទេ ៕
ចែករំលែកព័តមាននេះ