ប្រទេសថៃ ៖ ខណៈជិតដល់ការសន្យាពីការបោះឆ្នោតនាដើមឆ្នាំ២០១៩ សេដ្ឋីវ័យក្មេងថៃមួយរូបកាលពីថ្ងៃទី១៥ មីនា បានផ្គើនរបបយោធាដែលកាន់អំណាចដោយប្រកាសពីការបង្កើតគណបក្សនយោបាយមួយរបស់ខ្លួន ។ សេដ្ឋីវ័យក្មេងរូបនេះ លោក THANATHORN…
ប្រទេសថៃ ៖ ខណៈជិតដល់ការសន្យាពីការបោះឆ្នោតនាដើមឆ្នាំ២០១៩ សេដ្ឋីវ័យក្មេងថៃមួយរូបកាលពីថ្ងៃទី១៥ មីនា បានផ្គើនរបបយោធាដែលកាន់អំណាចដោយប្រកាសពីការបង្កើតគណបក្សនយោបាយមួយរបស់ខ្លួន ។
សេដ្ឋីវ័យក្មេងរូបនេះ លោក THANATHORN JAUNGROONGUANGKIT ដែលហក់ចូលនយោបាយក្នុងវ័យ៣៩ឆ្នាំរហូតមកទល់ពេលនេះជាអ្នកគ្រប់គ្រងក្រុមហ៊ុនគ្រួសារមួយគឺក្រុមហ៊ុន THAI SUMMIT ។ លោកអះអាងប្រាប់ AFP ថា អ្វីដែលខ្ញុំមើលឃើញគឺសង្គមមួយស្ថិតនៅមាត់ជ្រៅនៃការរលំរលាយ ។ លោកលើកពីការធ្វើរដ្ឋប្រហារផ្ទួនៗ ពីវិសមភាពសង្គមយ៉ាងជ្រៅ និងការខ្វះឯករាជ្យភាពរបស់តុលាការ ។
លោកបន្តថា វាមានលទ្ធភាពខ្ពស់ដែលខ្ញុំអាចជាប់គុក ។ ក៏ប៉ុន្តែនោះជាគ្រោះថ្នាក់មួយដែលខ្ញុំត្រៀមទទួល ។
ចាប់តាំងពីរដ្ឋប្រហារយោធាខែឧសភា ឆ្នាំ២០១៤ ប្រឆាំងរដ្ឋាភិបាលស៊ីវិលចុងក្រោយ
មក អ្នកនយោបាយថៃសំខាន់ៗជាច្រើនរូបត្រូវតុលាការកាត់ទោស ក្នុងនោះរួមមានលោកស្រីយីងឡាក់ ស៊ីណាវ៉ាត្រា ជានាយករដ្ឋមន្ត្រីនៃរដ្ឋាភិបាលត្រូវគេផ្តួលរំលំ ។ លោកស្រីពេលនេះរស់នៅភៀសខ្លួនឯប្រទេសអង់គ្លេស ដើម្បីគេចពីការជាប់ទោសដែលត្រូវបរិហារថា កាត់ទោសប្រឆាំងលោកស្រីដោយសារហេតុផលនយោបាយ ។
បងប្រុសលោកស្រីក៏ជានាយករដ្ឋមន្ត្រីដែរ ជ្រើសរើសយកការរស់នៅនិរទេស ដើម្បីគេចពីការដាក់ទោសលោកពីបទពុករលួយជាការចោទប្រកាន់ដែលលោកថា ព្រោះរឿងនយោបាយ ។
មានឈ្មោះថា គណបក្ស «FUTURE FORWARD» ការលេចឈ្មោះគណបក្សរបស់លោក THANATORN ត្រូវបានគេធ្វើអត្ថាធិប្បាយយ៉ាងច្រើននៅថៃ ហើយចុះផ្សាយក្នុងកាសែតនានាចាប់តាំងពីច្រើនថ្ងៃមកហើយ ។
ខណៈដែលគណបក្សប្រឆាំងប្រពៃណីទាំងឡាយ ពិសេសគណបក្សភឿថៃរបស់ត្រកូលស៊ីណាវ៉ាត្រា ហាក់ពុំមានសកម្មភាព ព្រោះមនុស្សសំខាន់ៗនិរទេសខ្លួនទៅក្រៅ គណបក្សថ្មីនេះនាំឱ្យមានក្តីសង្ឃឹមថ្មីពីការវិលទៅរកលទ្ធិប្រជាធិបតេយ្យជាថ្មីនៅថៃ ៕
ចែករំលែកព័តមាននេះ