ប្រភេទថ្នាំដែលជួយការពារជំងឺមហារីកបង្កពីសារធាតុវិទ្យុសកម្មត្រូវបានក្រុមហ៊ុនNukepills.comបញ្ជូនទៅកាន់មន្ទីរពេទ្យទីក្រុងកូត្យូ។ ចំនួនថ្នាំ Potassium iodide សរុបមានប្រហែល៥០.០០០គ្រាប់ និងត្រូវចែកចាយតាមរយៈក្រុមគ្រូពេទ្យសង្គ្រោះ Tokushukai។
គ្រាប់ថ្នាំទាំងអស់ នឹងបានដល់ដៃមនុស្សដែលទទួលរងផលប៉ះពាល់នៃវិបត្តិនុយក្លេអ៊ែរ។ នេះបើតាមសម្តីរបស់លោក Troy Jones ប្រធានក្រុម ហ៊ុន Nukepills.com។ ការខិតខំប្រឹងប្រែង របស់លោកវេជ្ជបណ្ឌិត Han ក្រុមគ្រូពេទ្យសង្គ្រោះ Tokushukai ដែលពោរពេញដោយសមត្ថភាព បានរួមគ្នាធ្វើការដើម្បីធានាដល់សុខភាព និងជីវិតមនុស្សដែលត្រូវការថ្នាំនោះ។
ជំងឺមហារីកក្រពេញទីរ៉ូអ៊ីត គឺជាជំងឺដ៏គ្រោះថ្នាក់ពេលមនុស្សទទួលរងសារធាតុវិទ្យុសកម្មក្នុងកម្រិតខ្ពស់ ដូចជាពេលមានឧបទ្ទវហេតុរ៉េអាក់ទ័រនុយក្លេអ៊ែរ។ FDA បានរកឃើញថ្នាំប៉ូតាស្យូម iodide ក្នុងឆ្នាំ១៩៨២ ហើយយើងអាចទទួលទានវាបានដោយគ្មានវេជ្ជបញ្ជា។
ថ្នាំនោះនឹងជួយទប់ស្កាត់ក្រពេញទីរ៉ូអ៊ីតកុំឲ្យមានបញ្ហាដែលបង្កឡើងដោយ Radioiodine។ គ្រាប់ថ្នាំនេះគ្រាន់តែការពារក្រពេញទីរ៉ូអ៊ីត តែមិនអាចការពារបញ្ហាផ្សេងៗដែលបង្កឡើងដោយសារធាតុពុលនៃវិទ្យុសកម្មបានទេ។ WHO មិនយល់ស្របឲ្យមនុស្សធំអាយុលើសពី៤០ឆ្នាំទទួលទានថ្នាំនេះឡើយ។
ការទទួលទានថ្នាំគ្រប់ដុសដែលធានាសុវត្ថិភាពពេលអ្នកទទួលទានថ្នាំនេះ គឺក្មេងទើបនឹងកើតរហូតអាយុ១ឆ្នាំ ទទួលទានកន្លះគ្រាប់សម្រាប់ថ្នាំទម្ងន់៦៥មិល្លីក្រាម ចំណែកមនុស្សចាប់ពីអាយុ១ឆ្នាំឡើងដល់ពេញវ័យទទួលទាន១គ្រាប់រាល់ថ្ងៃ សម្រាប់ថ្នាំទម្ងន់១៣០មិល្លីក្រាម។ ការទទួលទានក្នុងកម្រិតតិចតែអាចការពារសារធាតុវិទ្យុសកម្មiodideបាន។ មនុស្សចាប់ពីអាយុ១៨ឆ្នាំឡើងទៅ ទទួលទានមួយគ្រាប់រាល់ថ្ងៃសម្រាប់ថ្នាំទម្ងន់១៣០មិល្លីក្រាម ។ មនុស្សអាយុចាប់ពី៣ឆ្នាំដល់១៨ឆ្នាំ ទទួលទានកន្លះគ្រាប់រាល់ថ្ងៃសម្រាប់ថ្នាំទម្ងន់៦៥មិល្លីក្រាម ចំណែកក្មេងអាយុ១ខែដល់៣ឆ្នាំទទួលថ្នាំ១ភាគ៤រាល់ថ្ងៃ សម្រាប់ថ្នាំទម្ងន់៣២មិល្លីក្រាម។ ដោយឡែកក្មេងដែលទើបនឹងកើតរហូតដល់អាយុ៣ខែ ត្រូវទទួលទាន១ភាគ៨សម្រាប់គ្រាប់ថ្នាំទម្ងន់១៦មិល្លីក្រាម ៕
ចែករំលែកព័តមាននេះ