រាជធានីភ្នំពេញ ៖ ក្រោយពេលទទួលពាក្យបណ្តឹងរបស់ប្រជាពលរដ្ឋដែលរងគ្រោះដោយអំពើលួចឆក់គាស់ផ្ទះ កាច់.កម៉ូតូ កម្លាំងសមត្ថកិច្ចកងរាជអាវុធហត្ថខណ្ឌទួលគោកដោយបានសហការជាមួយការិយាល័យជំនាញព្រហ្មទណ្ឌនៃទីបញ្ជាការកងរាអាវុធហត្ថរាជធានីភ្នំពេញ និងមានការសម្របសម្រួលពីលោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ ព្រមទាំងបានសហការពីគណៈបញ្ជាការខណ្ឌទួលគោក…
រាជធានីភ្នំពេញ ៖ ក្រោយពេលទទួលពាក្យបណ្តឹងរបស់ប្រជាពលរដ្ឋដែលរងគ្រោះដោយអំពើលួចឆក់គាស់ផ្ទះ កាច់.កម៉ូតូ កម្លាំងសមត្ថកិច្ចកងរាជអាវុធហត្ថខណ្ឌទួលគោកដោយបានសហការជាមួយការិយាល័យជំនាញព្រហ្មទណ្ឌនៃទីបញ្ជាការកងរាអាវុធហត្ថរាជធានីភ្នំពេញ និងមានការសម្របសម្រួលពីលោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ ព្រមទាំងបានសហការពីគណៈបញ្ជាការខណ្ឌទួលគោក ដឹកនាំដោយលោក ប៉ាង លីដា អភិបាលខណ្ឌស្តីទី លោកចៅសង្កាត់ទឹកល្អក់ទី១ និងលោកមេភូមិ១៦ បានចុះឆែកឆេរតំបន់ផ្លូវរថភ្លើង សង្កាត់ទឹកល្អក់១ ខណ្ឌទួលគោក រាជធានីភ្នំពេញ រហូតឈានដល់ធ្វើការឃាត់ខ្លួនជនសង្ស័យ០២នាក់ទី១ឈ្មោះ នីន វីរៈ ភេទប្រុស អាយុ២០ឆ្នាំ មុខរបរមិនពិតប្រាកដ ស្នាក់នៅផ្ទះជួល ភូមិ១៦ ផ្លូវរថភ្លើង សង្កាត់ទឹកល្អក់១ ខណ្ឌទួលគោក និងម្នាក់ទៀតឈ្មោះ ខៀវ ដួងច័ន្ទតារា ភេទប្រុស អាយុ២៤ឆ្នាំ មុខរបរមិនពិតប្រាកដ ស្នាក់ផ្ទះជួលផ្លូវរថភ្លើង ភូមិ១៦ សង្កាត់ទឹកល្អក់១ ខណ្ឌទួលគោក រាជធានីភ្នំពេញ ។
ក្រោយពីឃាត់ខ្លួនជនសង្ស័យ២នាក់នេះហើយកម្លាំងជំនាញបានបន្តស្រាវជ្រាវឃាត់ខ្លួនជនសង្ស័យ៣នាក់ផ្សេងទៀតជាបន្តបន្ទាប់ក្នុងថ្ងៃទី១៤ ខែមីនា ឆ្នាំ២០១៨ ដែលក្នុងនោះមានទី១-ឈ្មោះ ជ័យ សារឿន ភេទប្រុស អាយុ៤១ឆ្នាំ មុខរបររត់កង់បី ស្នាក់នៅផ្ទះលេខ១៤៤D1ផ្លូវរថភ្លើង សង្កាត់ទឹកល្អក់១ ខណ្ឌទួលគោក រាជធានីភ្នំពេញ, ទី២-ឈ្មោះ ចាន់ ស៊ីថា ភេទប្រុស អាយុ៣១ឆ្នាំ មុខរបរធ្វើសំណង់ ស្នាក់នៅផ្ទះជួល ភូមិឈូកវ៉ា សង្កាត់គោករកា ខណ្ឌព្រែកព្នៅ រាជធានីភ្នំពេញ និងទី៣-ឈ្មោះ អ៊ុង សំរេច ភេទប្រុស អាយុ២៦ឆ្នាំ មុខរបរកម្មកររោងចក្រ ស្នាក់នៅបន្ទប់ជួល សង្កាត់ភ្នំពេញថ្មី ខណ្ឌសែនសុខ រាជធានីភ្នំពញ ។
ក្រោយពេលឃាត់ខ្លួនជនសង្ស័យទាំង៥នាក់បានសារភាពនៅចំពោះមុខសមត្ថកិច្ចថា ទី១-ឈ្មោះ នួន វីរៈ ធ្លាប់កាច់.កម៉ូតូជិត២០លើកមកហើយក្នុងភូមិសាស្ត្ររាជធានីភ្នំពេញ និងលួចយកទ្រព្យសម្បត្តិអ្នកដ៏ទៃចំនួន០៣លើកក្នុងភូមិសាស្ត្រ ខណ្ឌទួលគោក, ទី២-ឈ្មោះ អ៊ុង សំរេច ជាចោរឆក់ផង លួចផង គាស់ផ្ទះផង ក្នុងភូមិសាស្ត្ររាជធានីភ្នំពេញ ដោយរូបគេជាមួយបក្ខពួកតែងតែជិះម៉ូតូចេញឆក់ជារៀងរាល់ថ្ងៃ តែបើកន្លែងណាស្ងាត់ពួកគេនឹងចូលគាស់ផ្ទះបើកន្លែងណាប្រហែសពួកគេចូលលួច, ទី៣-ឈ្មោះ ខៀវ ដួងច័ន្ទតារា ជាបក្ខពួកជាមួយក្រុមចោរឆក់ លួច កាច់.កម៉ូតូ គាស់ផ្ទះ និងជាអ្នកដោះគ្រឿងម៉ូតូដែលលួចបាន, ទី៤-ឈ្មោះ ចាន់ ស៊ីថា ជាចោរលួចម៉ូតូផងលក់បានលុយតែងយកទៅជក់គ្រឿងញៀនផង និងទី៥-ឈ្មោះ ជ័យ សារឿន ជាអ្នកទទួលផលចោរកម្ម ដោយបានទិញម៉ូតូចោរក្នុងតម្លៃថោកៗ ។ ជនសង្ស័យ និងវត្ថុតាងត្រូវបានកម្លាំងសមត្ថកិច្ចកងរាជអាវុធហត្ថរាជធានីភ្នំពេញកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញចាត់ការតាមនីតិវិធី ៕
ចែករំលែកព័តមាននេះ