ខេត្តស្ទឹងត្រែង ៖ អាជ្ញាធរខេត្តស្ទឹងត្រែងនៃប្រទេសកម្ពុជា បានបើកកិច្ចប្រជុំលើកទី៤ជាមួយអាជ្ញាខេត្តអត្តពឺ នៃប្រទសឡាវ ដើម្បីពង្រឹងកិច្ចសហប្រតិបត្តិការរវាងប្រទេសទាំងពីរក្នុងការឆ្លើយតបតាមការអញ្ជើញរបស់លោកឡេត សៃយ៉ាផន អភិបាលខេត្តអត្តពឺនៃសាធារណរដ្ឋប្រជាធិបតេយ្យប្រជាមានិត្យឡាវ ។
ក្នុងកិច្ចប្រជុំលើកទី៤ ស្តីពីកិច្ចសហប្រតិបត្តិការលើគ្រប់វិស័យ ការពារសន្តិសុខ និងរក្សាសណ្តាប់ធ្នាប់សុវត្ថិភាពសង្គម តាមតំបន់ព្រំដែន ទប់ស្កាត់និងបង្ក្រាបបទល្មើសគ្រឿងញៀនតាមព្រំដែន កិច្ចសហប្រតិបត្តការក្នុងការអនុវត្តការងារតាមតំបន់ព្រំដែន និងការចេញចូលឆ្លងដែន កិច្ចសហប្រតិបត្តការលើវិស័យសេដ្ឋកិច្ច សង្គមកិច្ច វិស័យកសិកម្ម ព្រៃឈើ នេសាទ បរិស្ថាន ឧតុនិយម វិស័យពាណិជ្ជកម្ម និងការសហការលើវិស័យវប្បធម៌ សង្គមកិច្ចក្នុងយន្តការទំនាក់ទំនងរវាងខេត្តទាំងពីរ ។
លោកដួង ពៅ អភិបាលរងនៃគណៈខេត្ត និងជាប្រធានក្រុមលេខា បានអានសេចក្ដីព្រាងកំណត់ហេតុកិច្ចប្រជុំលើកទី៤ ដោយបានលើកឡើងថា ដើម្បីឱ្យកិច្ចសហប្រតិបត្តិការរវាងខេត្តទាំងពីរ (ស្ទឹងត្រែង-អត្តពឺ) ឱ្យបានកាន់តែល្អប្រសើរ ភាគីទាំងពីរបានឯកភាពបន្តប្រតិបត្តិការតាមខ្លឹមសារ រួមមានកិច្ចសហប្រតិបត្តិការសន្តិសុខសណ្តាប់ធ្នាប់ ក៏ដូចជាការត្រួតពិនិត្យទប់ស្កាត់ និងបង្ក្រាបរាល់បទល្មើស តាមបណ្តោយព្រំដែន រួមមានការជួញដូរមនុស្ស ជួញដូរគ្រឿងញៀន អាវុធជាតិផ្ទុះ ក្រដាសប្រាក់ខុសច្បាប់ លួចកាប់ ដឹកជញ្ជូន ជួញដូ ឈើខុសច្បាប់ និងកិច្ចសហប្រតិបត្តិការ ទៅលើវិស័យសេដ្ឋកិច្ច និងសង្គមកិច្ច ដែលផ្តោតទៅលើវិស័យកសិកម្ម ព្រៃឈើ នេសាទ និងការបំរែបំរួលអាកាសធាតុ វិស័យកសិកកម្ម ឧស្សាហកម្មនិងពាណិជ្ជកម្មវិស័យគមនាគម និងដឹកជញ្ជូន វិស័យព័ត៌មាន វប្បធម៌ និងទេសចរណ៍ វិស័យអប់រំយុវកីឡា និងវិស័យសុខាភិបាល ដោយធ្វើការផ្លាស់ប្តូរព័ត៌មាន សភាពការសន្តិសុខរបៀបរៀបរយផ្នែកសង្គម តាមបណ្តោយព្រំដែននៃខេត្តទាំងពីរ ឱ្យទទួលជ្រាបជាប្រចាំ និងឆ្លើយតបតាមលទ្ធភាពរបស់ខ្លួន ឱ្យបានសមស្របទៅតាមផ្លូវច្បាប់។
ចែករំលែកព័តមាននេះ