ខេត្តសៀមរាប ៖ ចោរជំនាញកាច់សោ.កម៉ូតូមកពីខេត្តកណ្ដាលចូលមកសៀមរាបលួចកាច់សោ.កម៉ូតូ នៅក្នុងផ្សារសាមគ្គី ហ៊ុយ គាំង ទាំងព្រលឹម ក្នុងក្រុងសៀមរាប ត្រូវបានសន្តិសុខផ្សារចាប់ប្រគល់ឱ្យសមត្ថកិច្ចមូលដ្ឋាន ខណៈបម្រុងជិះចេញ…
ខេត្តសៀមរាប ៖ ចោរជំនាញកាច់សោ.កម៉ូតូមកពីខេត្តកណ្ដាលចូលមកសៀមរាបលួចកាច់សោ.កម៉ូតូ នៅក្នុងផ្សារសាមគ្គី ហ៊ុយ គាំង ទាំងព្រលឹម ក្នុងក្រុងសៀមរាប ត្រូវបានសន្តិសុខផ្សារចាប់ប្រគល់ឱ្យសមត្ថកិច្ចមូលដ្ឋាន ខណៈបម្រុងជិះចេញ បង្កឱ្យមានការភ្ញាក់ផ្អើលដល់អាជីវករ និងប្រជាពលរដ្ឋ នាំគ្នាស្វាគមន៍ម្នាក់១ដៃ១ជើង បានសមត្ថកិច្ចទៅដល់ជួយទាន់ពេលវេលា កុំអីអស់ជីវិរ រួចយកមកធ្វើការសួរនាំនៅប៉ុស្តិ៍នគរបាលសង្កាត់ស្លក្រាម ដើម្បីស្រាវជ្រាវរកបក្ខពួកបន្ត យកមកផ្តន្ទាទោសទៅតាមផ្លូវច្បាប់ ។
ហេតុការឃាត់ខ្លួនជនសង្ស័យនោះបានធ្វើឡើងនៅវេលាម៉ោង០៥និង៣០នាទីព្រឹក ថ្ងៃទី១៥ ខែមីនា ឆ្នាំ២០១៨ ស្ថិតនៅក្នុងផ្សារសាមគ្គី ហ៊ុយ គាំង ក្នុងភូមិបន្ទាយចាស់ សង្កាត់ស្លក្រាម ក្រុងសៀមរាប ខេត្តសៀមរាប ។ បើតាមប្រភពពីមន្ត្រីប៉ុស្តិ៍សង្កាត់ស្លក្រាម បានប្រាប់ថា បន្ទាប់ពីមានព័ត៌មានពីប្រជាពលរដ្ឋនៅក្នុងផ្សារសាមគ្គី ហ៊ុយ គាំង ទូរស័ព្ទមកប្រាប់ថា មានចោរលួចកាច់សោ.កម៉ូតូ ដែលត្រូវបានសន្តិសុខផ្សារចាប់បាននោះ ខណៈពេលនោះកម្លាំងជំនាញក៏បានចុះទៅដល់កន្លែងកើតហេតុ រួចយកជនសង្ស័យមកកាន់ប៉ុស្តិ៍នគរបាលសង្កាត់ស្លក្រាម ដើម្បីសួរនាំ និងស្រាវជ្រាវបន្ត ស្វែងរកបក្ខពួកជនសង្ស័យ យកមកផ្តន្ទាទោសទៅតាមផ្លូវច្បាប់ ។
ប្រភពបានបន្តថា ជនសង្ស័យដែលសន្តិសុខចាប់ប្រគល់ឱ្យសមត្ថកិច្ចនោះមានឈ្មោះ ចាន់ សំណាង ភេទប្រុស អាយុ៣០ឆ្នាំ មុខរបរជាងសំណង់ មានស្រុកកំណើតនៅភូមិពុកប្ញស្សី ឃុំពុកប្ញស្សី ស្រុកខ្សាច់កណ្ដាល ខេត្តកណ្ដាល ។ ម៉ូតូដែលចោលកាច់.កម៉ាកHONDA DREAM ពណ៌ស្មៅ ស៊េរីឆ្នាំ២០១៧ ពាក់ផ្លាកលេខ សៀមរាប ១Y-០៦៧៥ ត្រូវបានម្ចាស់ជិះមកទិញបន្លែនៅផ្សារសាមគ្គី ហ៊ុយ គាំង នៅវេលាម៉ោង០៥ភ្លឺ ថ្ងៃទី១៥ ខែមីនា ឆ្នាំ២០១៨ រួចបានផ្ញើនៅហ្នឹងសន្តិសុខផ្សារ ។
ប្រភពបានបញ្ជាក់ថា ក្រោយសួរនាំរួចមក ជនសង្ស័យបានសារភាពនៅចំពោះមុខសមត្ថកិច្ចមូលដ្ឋានថា រូបគេពិតជាបានលួចកាច់សោ.កម៉ូតូរបស់ជនរងគ្រោះពិតមែន នេះជាលើកទី១ទេ ។ ហើយរូបគេបានជិះរថយន្តក្រុងពីភ្នំពេញមកសៀមរាប ក្នុងតម្លៃ៤០,០០០រៀលទាំងយប់ មកដល់សៀមរាប នៅម៉ោង០៥ភ្លឺ រួចចុះជិះម៉ូតូឌុបមកក្នុងផ្សារសាមគ្គី ខណៈពេលនោះរូបគេ បានឃើញម៉ូតូហុងដាពណ៌ខ្មៅ១គ្រឿង ដោយគ្មានឃើញម្ចាស់ ក៏យកកូនសោដែកកែច្នៃចំនួន២ និងកូនសោរលេខ៨ ចំនួន១ មកបម្រុងកាច់.កម៉ូតូយក ប៉ុន្តែត្រូវបានសន្តិសុខផ្សារនោះចាប់ដៃ ហើយស្រែក ទើបប្រជាពលរដ្ឋ និងអាជីវករនាំគ្នាមកវាយរូបគេ ។ ដោយបានសមត្ថកិច្ចមកទាន់ កុំអីស្លាប់បាត់ទៅហើយ ។ រួចសមត្ថកិច្ចនាំមកកាន់ប៉ុស្តិ៍នគរបាលសង្កាត់ស្លក្រាមភ្លាមៗផងដែរ ។
ប្រភពបានបន្តថា ក្រោយពីធ្វើការឃាត់ខ្លួន ក្នុងនោះកម្លាំងជំនាញបានដកហូតវត្ថុតាងរួមមាន ម៉ូតូហុងដា ពណ៌ខ្មៅ របស់ជនរងគ្រោះចំនួន១គ្រឿង និងកូនសោដែកកែច្នៃ ចំនួន២ និងកូនសោលេខ៨ ចំនួន១ ។ បច្ចុប្បន្នជនសង្ស័យ និងវត្ថុតាង ត្រូវបានសមត្ថកិច្ចនគរបាលប៉ុស្តិ៍សង្កាត់ស្លក្រាម កំពុងរៀបចំកសាងសំណុំរឿង បញ្ជូនទៅកាន់ការិយាល័យជំនាញនៃស្នងការដ្ឋាននគរបាលខេត្តសៀមរាប ដើម្បីចាត់ការបន្ត និងស្រាវជ្រាវ ស្វែងរកបក្សពួកជនសង្ស័យ បន្ថែមទៀត ដើម្បីយកមកផ្តន្ទាទោសទៅតាមផ្លូវច្បាប់ រួចបញ្ជូនបន្តទៅតុលាការចាត់ការទៅតាមនីតិវិធី ។ ចំណែកម៉ូតូជនរងគ្រោះត្រូវបានសមត្ថកិច្ចធ្វើការប្រគល់ឱ្យវិញហើយ ៕
ចែករំលែកព័តមាននេះ