រថយន្តឡើងជែងមិនផុតបុកម៉ូតូរងរបួសធ្ងន់៣នាក់
- សៀមរាប
ខេត្តសៀមរាប ៖ រថយន្ត Lexus RX៣៣០ ពណ៌ស ពាក់ផ្លាកលេខ ភ្នំពេញ ២AA-៦៦០៧ បានបើកបញ្ច្រាសទិស…
ខេត្តសៀមរាប ៖ រថយន្ត Lexus RX៣៣០ ពណ៌ស ពាក់ផ្លាកលេខ ភ្នំពេញ ២AA-៦៦០៧ បានបើកបញ្ច្រាសទិស…
ខេត្តសៀមរាប ៖ រថយន្ត Lexus RX៣៣០ ពណ៌ស ពាក់ផ្លាកលេខ ភ្នំពេញ ២AA-៦៦០៧ បានបើកបញ្ច្រាសទិស បម្រុងឡើងវ៉ាជែងរថយន្តផ្សេងទៀត ប៉ុន្តែវ៉ាមិនផុតក៏យកបង្កូតមកវិញរួចបុកម៉ូតូម៉ាកហុងដាឌ្រីម C១០០ ពណ៌ក្រហម ស៊េរីឆ្នាំ២០០០ គ្មានផ្លាកលេខ ពេញទំហឹង បណ្ដាលឱ្យរបួសធ្ងន់ទាំង៣នាក់បញ្ជូនទៅមន្ទីរពេទ្យបង្អែកខេត្តសៀមរាប ដើម្បីជួយសង្គ្រោះ ខណៈពេលនោះត្រូវបានសមត្ថកិច្ចឃាត់បានទាំងមនុស្ស និងរថយន្ត រួចយកមកកាន់អធិការដ្ឋាននគរបាលស្រុក រង់ចាំដោះស្រាយទៅតាមផ្លូវច្បាប់ ។
ហេតុការណ៍គ្រោះថ្នាក់ចរាចរនោះបានកើតឡើងនៅវេលាម៉ោង១១និង១០នាទីព្រឹក ថ្ងៃទី១៤ ខែមីនា ឆ្នាំ២០១៧ ស្ថិតនៅតាមដងផ្លូវជាតិលេខ៦ ត្រង់ចំណុចចន្លោះបង្គោលគីឡូម៉ែត្រលេខ ៣៥៦-៣៥៧ ក្នុងភូមិគំរូ ឃុំស្រណាល ស្រុកក្រឡាញ់ ខេត្តសៀមរាប ។
លោកវរសេនីយ៍ឯក ជី បេងជន អធិការនគរបាលស្រុកក្រឡាញ់ បានប្រាប់ឱ្យដឹងថា ដោយមានពលរដ្ឋរាយការណ៍មកថា មានករណីគ្រោះថ្នាក់ចរាចរ រថយន្តបង្កម៉ាក Lexus RX៣៣០ ពណ៌ស ពាក់ផ្លាកលេខ ភ្នំពេញ ២AA-៦៦០៧ បានបុកជាមួយម៉ូតូម៉ាកហុងដាឌ្រីម C១០០ ពណ៌ក្រហម ស៊េរីឆ្នាំ២០០០ គ្មានផ្លាកលេខ បណ្ដាលឱ្យខាងម៉ូតូរងរបួសធ្ងន់ទាំង៣នាក់ ។
លោកបានបន្តថា ក្រោយពេលកើតហេតុ លោកបានបញ្ជាកម្លាំងនគរបាលជំនាញចរាចរណ៍ នៃអធិការដ្ឋាននគរបាល ចុះទៅពិនិត្យ និងវាស់វែងរវាងរថយន្ត និងម៉ូតូ យកមកកាន់អធិការដ្ឋាននគរបាលស្រុក រង់ចាំដោះស្រាយទៅតាមផ្លូវច្បាប់ ។ បច្ចុប្បន្ន ជនបង្ក និងវត្ថុតាង មានរថយន្ត និងម៉ូតូ ត្រូវបានសមត្ថកិច្ចជំនាញនាំយកមកកាន់អធិការដ្ឋាននគរបាលស្រុកក្រឡាញ់ ដើម្បីរង់ចាំធ្វើការដោះស្រាយទៅតាមនីតិវិធី ៕
ចែករំលែកព័តមាននេះ