ខេត្តកំពង់ធំ ៖ ហេតុការណ៍បុរសវ័យចំណាស់មួយក្រុមបបួលគ្នាផឹកស្រាសក្លែមក្ដឹបអម្ពិល ដល់ស្រវឹងរៀងខ្លួនក្លែមសម្ដីឡើងកម្ដៅរៀងខ្លួន ទាញកាំបិតកាប់ក្បាល២កាំបិតចំក្បាល នឹងដៃឆ្វេង១កាំបិត បណ្ដាលឱ្យរងរបួសធ្ងន់ កាលពីវេម៉ោង២១នឹង១០នាទីយប់ ថ្ងៃទី១៤ ខែមីនា…
ខេត្តកំពង់ធំ ៖ ហេតុការណ៍បុរសវ័យចំណាស់មួយក្រុមបបួលគ្នាផឹកស្រាសក្លែមក្ដឹបអម្ពិល ដល់ស្រវឹងរៀងខ្លួនក្លែមសម្ដីឡើងកម្ដៅរៀងខ្លួន ទាញកាំបិតកាប់ក្បាល២កាំបិតចំក្បាល នឹងដៃឆ្វេង១កាំបិត បណ្ដាលឱ្យរងរបួសធ្ងន់ កាលពីវេម៉ោង២១នឹង១០នាទីយប់ ថ្ងៃទី១៤ ខែមីនា ឆ្នាំ២០១៨ ស្ថិតនៅចំណុចភូមិទឹកម្លាង ឃុំសណ្ដាន់ ស្រុកសណ្ដាន់ ខេត្តកំពង់ធំ ។
លោកអនុសេនីយ៍ត្រី ស្វាយ សុភា នាយផ្នែកព្រហ្មទណ្ឌ នៃអធិការនគរបាលស្រុកសណ្ដាន់បានឲ្យដឹងថា ជនសង្ស័យឈ្មោះ ម៉ិញ ណាន ហៅ ក្រាញ់ ភេទប្រុស អាយុ៥៤ឆ្នាំ ទីលំនៅភូមិឃុំកើតហេតុខាងលើ បានយកកាំបិតខ្វែវកាប់ទៅលើជនរងឈ្មោះ ជួន ទិត្យ ភេទប្រុស អាយុ៥២ឆ្នាំ ទីលនៅភូមិឃុំកើតជាមួយគ្នា បណ្ដាលឲ្យរងរបួសធ្ងន់ ។
យោងតាមប្រភពព័ត៌មានពីកន្លែងកើតហេតុ បានឱ្យដឹងថា មុនពេលកើតហេតុ បុរសវ័យចំណាស់មួយក្រុមនាំគ្នាផឹកស៊ីយ៉ាងសប្បាយរីករាយ តាំងពីព្រលឹមទល់ព្រលប់ ហើយមិត្តភក្តិមួយចំនួនបានទៅផ្ទះអស់នៅតែជនសង្ស័យដៃដល់ និងជនរងគ្រោះតែពីរនាក់ ផឹកស៊ីបន្តលុះស្រវឹងជោកជាំរៀងខ្លួន ជនទាំងពីបានលេងសម្ដីឌឺដងដាក់គ្នា ជនដៃដល់ទ្រាំមិនបាន ក៏ទាញកាំបិតកាប់ក្បាលជនរងគ្រោះតែម្តង ។ បច្ចុប្បន្នជនសង្ស័យត្រូវបានកម្លាំងសមត្ថកិច្ចចាប់ឃាត់ខ្លួនកសាងសំណុំរឿង និងបញ្ជួនខ្លួនជនសង្ស័យទៅកាន់ស្នងការនគរបាលខេត្តកំពង់ធំ ដើម្បីចាត់ការបន្តទៅតាមនីតិវិធី ។ ចំណែកជនរងគ្រោះបងប្អូនដឹកយកទៅសង្គ្រោះបន្ទាន់នៅមន្ទីពេទ្យ ៕
ចែករំលែកព័តមាននេះ