អតីតប្រធានាធិបតី1រូបទៀតជាប់សង្ស័យពុករលួយ
ប្រទេសកូរ៉េខាងត្បូង ៖ អតីតប្រធានាធិបតីកូរ៉េខាងត្បូង លោក LEE MYUNG BAK កាលពីថ្ងៃទី១៤ មីនា ត្រូវបានអយ្យការកោះហៅមកសាកសួរលើការចោទប្រកាន់ពីរឿងពុករលួយ…
ប្រទេសកូរ៉េខាងត្បូង ៖ អតីតប្រធានាធិបតីកូរ៉េខាងត្បូង លោក LEE MYUNG BAK កាលពីថ្ងៃទី១៤ មីនា ត្រូវបានអយ្យការកោះហៅមកសាកសួរលើការចោទប្រកាន់ពីរឿងពុករលួយ…
ប្រទេសកូរ៉េខាងត្បូង ៖ អតីតប្រធានាធិបតីកូរ៉េខាងត្បូង លោក LEE MYUNG BAK កាលពីថ្ងៃទី១៤ មីនា ត្រូវបានអយ្យការកោះហៅមកសាកសួរលើការចោទប្រកាន់ពីរឿងពុករលួយ ។ លោកជាអតីតប្រមុខរដ្ឋចុងក្រោយគេ ដែលនៅរស់ត្រូវឡើងតុលាការ ។
អយ្យការបានសម្រេចកាលពីថ្ងៃទី៦ មីនា កោះហៅអតីតប្រធានាធិបតីអភិរក្សនិយមអាយុ៧៦ឆ្នាំ ជាប់សង្ស័យថា ទទួលប្រាក់សំណូកជាច្រើនលានអឺរ៉ូ ។ ការសម្រេចនេះមានន័យថា អតីតប្រធានាធិបតីកូរ៉េខាងត្បូង៤រូប ហើយត្រូវតាមដានស៊ើបអង្កេត ឬត្រូវកាត់ទោសដោយតុលាការ ។
ពេលទៅដល់ទីស្នាក់ការអយ្យការក្រុងសេអ៊ូល លោក LEE MYUNG BAK ថ្លែងថា ខ្ញុំតឹងចិត្តខ្លាំងណាស់ ។ ខ្ញុំមានការខកចិត្តទាំងស្រុងដែលធ្វើឱ្យប្រជាជនមានការព្រួយបារម្ភ ។ លោក LEE ដែលដឹកនាំកូរ៉េខាងត្បូងរវាងឆ្នាំ២០០៨ និង២០១៣ កាលពីពេលមុននេះធ្លាប់បានឱ្យដឹងថា លោកចាត់ទុកការស៊ើបអង្កេតនេះថាជាការសងសឹកខាងនយោបាយមួយ ។
នាថ្ងៃទី១៤ មីនា លោក LEE អះអាងថា នេះនឹងជាលើកចុងក្រោយក្នុងប្រវត្តិសាស្ត្រដែលអតីតប្រមុខរដ្ឋមួយរូបត្រូវអយ្យការកោះហៅ ។ ក្នុងឋានៈជាអតីតប្រធានាធិបតី ខ្ញុំមានពាក្យពេចន៍ច្រើននិយាយពីរឿងនេះ ក៏ប៉ុន្តែខ្ញុំនឹងធ្វើការថ្លឹងថ្លែងចំពោះពាក្យពេចន៍ខ្ញុំ ។
នៅកូរ៉េខាងត្បូងបណ្តាប្រធានាធិបតីតែងមានបញ្ហាខាងតុលាការរហូតដល់ជាប់គុកក្រោយពេលអាណត្តិត្រូវបញ្ចប់ ហើយជារឿយៗក្រោយការផ្លាស់ប្តូរនយោបាយមួយ ។
លោកស្រី PARK GEUN HYE ដែលឡើងបន្តតំណែងពីលោក LEE បច្ចុប្បន្នកំពុងជាប់ឃុំឃាំងរង់ចាំសាលក្រមកាត់ទោសលោកស្រី ដែលគេទាមទារឱ្យដាក់គុកលោកស្រី៣០ឆ្នាំ ដោយសាររឿងអាស្រូវពុករលួយដែលនាំឱ្យលោកស្រីធ្លាក់ពីតំណែង ។ អតីតប្រធានាធិបតី លោក ROH MOO HYUN បានធ្វើអត្តឃាតដោយលោតទម្លាក់ខ្លួនពីទីខ្ពស់មួយ ក្រោយពីលោកស្តាប់ការចោទប្រកាន់ពីរឿងពុករលួយក្នុងឆ្នាំ២០០៩ ៕
ចែករំលែកព័តមាននេះ