ប្រទេសហ្វ៊ីលីពីន ៖ ប្រធានាធិបតីហ្វ៊ីលីពីន លោក RODRIGO DUTERTE ប្រកាសនាថ្ងៃទី១៤ មីនា ពីការដកខ្លួនថយរបស់ប្រទេសលោកពីសន្ធិសញ្ញាបង្កើតតុលាការព្រហ្មទណ្ឌអន្តរជាតិ CPI…
ប្រទេសហ្វ៊ីលីពីន ៖ ប្រធានាធិបតីហ្វ៊ីលីពីន លោក RODRIGO DUTERTE ប្រកាសនាថ្ងៃទី១៤ មីនា ពីការដកខ្លួនថយរបស់ប្រទេសលោកពីសន្ធិសញ្ញាបង្កើតតុលាការព្រហ្មទណ្ឌអន្តរជាតិ CPI ដែលប៉ុនប៉ងរករឿងលោកលើនយោបាយសម្លាប់ប្រឆាំងការរត់ពន្ធគ្រឿងញៀន ។
ក្នុងសេចក្តីប្រកាសមួយ ប្រធានាធិបតីរូបនេះអះអាងថា ខ្ញុំសូមប្រកាសថា ហ្វ៊ីលីពីនដកខ្លួនថយចេញពីលក្ខន្តិកៈក្រុងរ៉ូមដែលមានសុពលភាពភ្លាមៗ ។
តុលាការក្រុងឡាអេនេះប្រកាសកាលពីដើមខែកុម្ភៈ ថា នឹងបើកការពិនិត្យដំបូងជាដំណាក់កាលមួយមុនការស៊ើបអង្កេតលើយុទ្ធនាការប្រឆាំងគ្រឿងញៀនរបស់លោក DUTERTE ថា នយោបាយញ៉ាំងឱ្យមានការព្រួយបារម្ភក្នុងជួរសហគមន៍អន្តរជាតិ ។
ជាប់ឆ្នោតកាលពីឆ្នាំ២០១៦ លោក DUTERTE បានសន្យាលុបបំបាត់ចោលការរត់ពន្ធ
គ្រឿងញៀនរួចមកទល់ពេលនេះ ប៉ូលិសសម្លាប់ពួកអ្នករត់ពន្ធគ្រឿងញៀន និងអ្នកសេពគ្រឿងញៀនអស់ជាង៤.០០០នាក់ហើយ។
មុននេះប្រធានាធិបតីហ្វ៊ីលីពីនធ្លាប់គំរាមពីការចាប់ពួកអ្នកជំនាញការខាងសិទ្ធិមនុស្ស អ.ស.ប គ្រវាត់ឱ្យក្រពើស៊ី ៕
ចែករំលែកព័តមាននេះ