ខេត្តកំពងស្ពឺ ៖ ផ្ទះឈើចំនួន០២ខ្នង គ្រឿងសិប្បកម្មមួយចំនួនត្រូវបានអគ្គិភ័យលេបត្របាក់ទាំងស្រុង ។ ហេតុការណ៍គ្រោះអគ្គិភ័យនេះ ត្រូវបានសមត្ថកិច្ចអន្តរាគមន៍ទប់ស្កាត់មិនឆ្លងរាលដាលដល់ផ្ទះអ្នកជិតខាងដោយប្រើប្រាស់ទឹកអស់ចំនួន០៣រថយន្ត ។ គ្រោះអគ្គិភ័យនេះកើតឡើងកាលពីវេលាម៉ោង២និង៥៩នាទីទៀបភ្លឺថ្ងៃទី១៤ ខែមិនា ឆ្នាំ២០១៨ នៅចំណុចភូមិផ្សារត្រពាំងក្រឡឹង ឃុំគីរីវន្ត ស្រុកភ្នំស្រួច ខេត្តកំពង់ស្ពឺ ។
ប្រភពពីសមត្ថកិច្ចបានឲ្យដឹងថា ម្ចាស់រោងសិប្បកម្មកែឆ្នៃឈើដែលឆាបឆេះមានឈ្មោះ ទីវ ទ្រី ភេទប្រុស អាយុ៥២ឆ្នាំ រស់នៅភូមិកើតហេតុខាងលើ ។
ប្រភពបន្តថា មិនមានអ្នកណាដឹងថា បណ្តាលមកពីបញ្ហាអ្វីឲ្យពិតប្រាកដនោះទេ ទើបបានភ្លើងឆាបឆេះបែបនេះ ។ ពេលកើតហេតុម្ចាស់បានរាយការមកសមត្ថកិច្ច ដើម្បីសុំការអន្តរាគមន៍យករថយន្តបាញ់ទឹកទៅពន្លត់ ក្នុងការពន្លត់នេះដែរ សមត្ថកិច្ចប្រើប្រាស់អស់ទឹកចំនួន០៣រថយន្ត ទើបគ្រប់គ្រងស្ថានការណ៍បាន ដោយភ្លើងមិនឆ្លងរាលដាលទៅផ្ទះអ្នកដ៏ទៃ ។ ហេតុការណ៍នេះដែរ ផ្ទះតៀមចំនួន០២ខ្នង ធ្វើពីឈើប្រក់ក្បឿង ឆេះអស់ទាំងស្រុង និងសម្ភារដែលនៅក្នុងផ្ទះមានទ្វារ ដែលធ្វើពីឈើ ឆេះខូចខាតអស់មួយចំនួនធំ ។
នៅព្រឹកថ្ងៃដដែលសមត្ថកិច្ចចុះស្រាវជ្រាវទើបដឹងថា មូលហេតុនៃការឆាបឆេះនេះ បណ្តាលមកពីផ្ទុះទុស្សេ ខ្សែភ្លើង ។
ទោះជាបែបនេះក្តី ក៏ប្រជាពលរដ្ឋរស់នៅក្បែរកន្លែងកើតហេតុព្រមទាំងម្ចាស់បានថ្លែងអំណរគុណ យ៉ាងខ្លាំងចំពោះកងកម្លាំងនគរបាលស្រុកក៏ដូចជា លោកអភិបាលស្រុកដែលបានយកចិតទុកដាក់អន្តរាគមន៍យ៉ាងសស្រាក់សស្រាំក្នុងហេតុការណ៍អគ្គិភ័យនេះ ៕
ចែករំលែកព័តមាននេះ