រាជធានីភ្នំពេញ ៖ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានបញ្ជាក់នៅព្រឹកថ្ងៃទី១៤ ខែមីនា ឆ្នាំ២០១៨នេះថា រឿងអតីតមេដឹកនាំអតីតគណបក្សសង្គ្រោះជាតិលោក…
រាជធានីភ្នំពេញ ៖ ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន បានបញ្ជាក់នៅព្រឹកថ្ងៃទី១៤ ខែមីនា ឆ្នាំ២០១៨នេះថា រឿងអតីតមេដឹកនាំអតីតគណបក្សសង្គ្រោះជាតិលោក សម រង្ស៊ី ដែលថ្មីៗក៏បានទទួលស្គាល់ថា ព្រមកាត់ដី៤ខេត្តឱ្យទៅវៀតណាម បើសិនបក្សប្រឆាំងឈ្នះឆ្នោតនោះ មិនមែនជារឿងតូចតាចទេ ។
សម្តេចតេជោ ហ៊ុន សែន នាយករដ្ឋមន្ត្រីថ្លែងនៅឯពិធីសម្ពោធដាក់ឲ្យប្រើប្រាស់ជាផ្លូវការនូវស្ពានឆ្លងទន្លេទៅកោះប៉ែន ស្ថិតនៅក្នុងភូមិកំពង់ត្រុំ ឃុំកោះមិត្ត ស្រុកកំពង់សៀម ខេត្តកំពង់ចាម ព្រឹកថ្ងៃទី១៤ ខែមីនា នេះថា៖ «ឥឡូវរកឃើញហើយ ទៅចុះហត្ថលេខាកាត់ដីឱ្យគេ ៤ ខេត្ត […] ចោទ ហ៊ុន សែន ថា កាត់ដីឱ្យវៀតណាម ឥឡូវរកឃើញចេញមុខមកហើយ សន្យាបើគេឈ្នះ [ឆ្នោត] គេកាត់ដី ៤ ខេត្តឱ្យវៀតណាម» ។
សម្តេចតេជោ បញ្ជាក់ថា៖ «រឿងនេះមិនតូចទេ ក្រសួងមហាផ្ទៃកំពុងស្រាវជ្រាវរឿងនេះ»។
សម្តេចបញ្ជាក់ថា ខ្លួនសម្តេចផ្ទាល់សូម្បីតែដីមួយតឹក មួយផឹង ជាមួយថៃ និងវៀតណាមនៅចរចាជានិច្ចមិនឱ្យទឹកដីខ្មែរបានទៅប្រទេសណាមួយនោះទេ ។ សម្តេចក៏បានដាក់ផ្លែឱ្យអតីតគណបក្សប្រឆាំងដែលតែងតែចោទសម្តេថា «ក្បត់ជាតិខ្លួនឯងរហូត» ក៏ប៉ុន្លែកន្លងមក អតីតមេកប្សប្រឆាំងដែលកំពុងជាប់ឃុំឃាំងនៅពន្ធនាគារ ធ្លាប់និយាយថា រូបគេ គឺត្រូវបានបរទេសឱ្យធ្វើនេះ ឬធ្វើនោះ តែបែរមកជេរថ្នាក់ដឹកនាំរាជរដ្ឋាភិបាលថាសុទ្ធតែអាយ៉ងបរទេស ក្នុងពេលដែលខ្លួនឯងធ្វើតាមបរទេសទាំងអស់។
សម្តេចក៏បានបញ្ជាក់ជាថ្មីថា សម្តេចនឹងបន្តឈរឈ្មោះជានាយករដ្ឋមន្ត្រីដឹកនាំប្រទេសយ៉ាងហោចក៏១០ឆ្នាំទៀតដែរ ព្រោះសម្តេចនៅមានសុខភាព និងកម្លាំងនៅមាំ ៕
ចែករំលែកព័តមាននេះ