Countinho មហាមិត្ត Neymar ថាចាំទទួលជានិច្ចបើចង់មកវិញ
តាមប្រភពព័ត៌មាន Soccer Laduma បានឲ្យដឹងថា កីឡាករខ្សែបម្រើរបស់ក្លិបអ្នកមានបុណ្យ Philippe Coutinho បានសម្តែងបើកដៃឲ្យ Neymar ប្រសិនបើគេចង់វិលរកក្លិបចាស់…
តាមប្រភពព័ត៌មាន Soccer Laduma បានឲ្យដឹងថា កីឡាករខ្សែបម្រើរបស់ក្លិបអ្នកមានបុណ្យ Philippe Coutinho បានសម្តែងបើកដៃឲ្យ Neymar ប្រសិនបើគេចង់វិលរកក្លិបចាស់ ។
តាមពាក្យចចាមអារាមបានឲ្យដឹងថា Neymar ដែលជាអតីតកីឡាកររបស់ Barcelona មិនសូវជាពេញចិត្តនឹងក្លិបថ្មី PSG ហើយចង់ត្រឡប់មករកក្លិបចាស់វិញ ។ ក្រោយពីឮដំណឹងនេះកីឡាករជាច្រើនដូចជា Ivan Rakitic ក៏បានសម្តែងការស្វាគមន៍ដល់ការចង់ត្រឡប់មកវិញដែរ ។
សម្រាប់ Coutinho ក៏ដូច Rakitic ដែររូបគេបាននិយាយថា «ខ្ញុំមានអារម្មណ៍ដូច Rakitic ។ Neymar ជាកីឡាករអស្ចារ្យ ហើយខ្ញុំពិតជាមានកិត្តិយសណាស់ពេលបានលេងជាមួយកីឡាករបែបនេះ ។ ប្រសិនបើគេចង់ត្រឡប់មកវិញ ពួកយើងនឹងបើកទ្វារចាំទទួល» ។
គួរបញ្ជាក់ផងដែរថា បើទោះបីជាមានដំណឹងថា Neymar ចង់ត្រឡប់រកក្លិបចាស់ក៏រូបគេបានរកគ្រាប់បាល់ជូនក្លិបថ្មីបានយ៉ាងល្អផងដែរ ។ ពោលគឺអាចរកគ្រាប់បាន២៩គ្រាប់ក្នុងការប្រកួត៣០ប្រកួត ។ ម្យ៉ាងទៀតខាងថ្នាក់លើរបស់ Barca ក៏បានប្រកែកមិនដឹងឮរឿងចង់បកក្រោយនេះដែរ ៕
ចែករំលែកព័តមាននេះ