ថ្នាក់ដឹកនាំ Bacelona ថាអត់ដឹងអាលីងរឿង Neymar ចង់មកវិញ
តាមប្រភពព័ត៌មាន Marca បានឲ្យដឹងថា ខាងថ្នាក់ដឹកនាំរបស់ក្លិបអ្នកមានបុណ្យ Barcelona បានប្រាប់ជាផ្លូវការថា ខ្លួនមិនបានដឹងពីរឿង Neymar ចង់មកទ្រនុំចាស់វិញទេ ។…
តាមប្រភពព័ត៌មាន Marca បានឲ្យដឹងថា ខាងថ្នាក់ដឹកនាំរបស់ក្លិបអ្នកមានបុណ្យ Barcelona បានប្រាប់ជាផ្លូវការថា ខ្លួនមិនបានដឹងពីរឿង Neymar ចង់មកទ្រនុំចាស់វិញទេ ។ នាពេលថ្មីៗនេះមានពាក្យលើកឡើងជាច្រើនដោយកីឡាករផ្សេងៗថា Neymar កំពុងតែចង់ត្រឡប់មក Barca វិញ ។ តែរឿងនេះបានច្រានចោលថា មិនដឹងមិនឮដោយខាងថ្នាក់ដឹកនាំរបស់ក្លិប ។
អ្នកនាំពាក្យរបស់ថ្នាក់លើ Barca លោក Josep Vives បានលើកឡើងថា «ពួកយើងមិនបានដឹងថា Neymar ចង់ត្រលប់មក Barcelona វិញទេ ។ កីឡាករប្រេស៊ីលម្នាក់នេះបានចាកចេញពីក្លិបដោយខ្លួនឯង ហើយពួកយើងក៏បានជូនពរគេដែរ ។ តាំងពីការចាកចេញមក គ្មានអ្វីកើតឡើងផ្សេងពីនេះទេ ។ ពួកយើងមិនចូលរួមក្នុងការជជែកវែកញែកអ្វីទេ ព្រោះគេមិនមែនជាកីឡាកររបស់យើងទៀតឡើយ» ។
គួរបញ្ជាក់ផងដែរថា ខាងម្ចាស់ក្លិប PSG លោក Nasser Al Khelaifi បានហោះទៅប្រេស៊ីលសួរសុខទុក្ខ Neymar ដោយប្រើលេសថា ទៅទាក់ទងជាមួយនឹងដៃគូជំនួញ និងចូលរួមកម្មវិធីមនុស្សធម៌ ៕
ចែករំលែកព័តមាននេះ