ខេត្តកំពង់ឆ្នាំង ៖ រថយន្តកាមរីបាឡែន ដឹកឈើប្រណីតប្រភេទក្រញូងខុសច្បាប់១គ្រឿងត្រូវបានសមត្ថកិច្ចកងរាជ អាវុធហត្ថខេត្ត ធ្វើការស្ទាក់ចាប់បាននៅវេលាម៉ោង៩ និង៣០នាទីយប់ ថ្ងៃទី១២ ខែមីនា ឆ្នាំ២០១៨…
ខេត្តកំពង់ឆ្នាំង ៖ រថយន្តកាមរីបាឡែន ដឹកឈើប្រណីតប្រភេទក្រញូងខុសច្បាប់១គ្រឿងត្រូវបានសមត្ថកិច្ចកងរាជ អាវុធហត្ថខេត្ត ធ្វើការស្ទាក់ចាប់បាននៅវេលាម៉ោង៩ និង៣០នាទីយប់ ថ្ងៃទី១២ ខែមីនា ឆ្នាំ២០១៨ នៅចំណុចភូមិស្រងាំទេ ឃុំប្រស្នឹប ស្រុករលាប្អៀរ ខណៈដែលរថយន្តខាងលើបើកគេចពីសមត្ថកិច្ច រត់ចុះពីថ្នល់ជាតិលេខ៥ ក៏ត្រូវសមត្ថកិច្ចចាប់បាន។
សមត្ថកិច្ចកងរាជអាវុធហត្ថខេត្ត បានឲ្យដឹងថា រថយន្តល្មើសខាងលើ ម៉ាកកាមរីបាឡែន ពណ៌ខ្មៅ ពាក់ស្លាកលេខ 2J-7394 បើកបរដោយជនពុំស្គាល់មុខព្រោះពេលស្ទាក់ជាប់ បានរត់គេចខ្លួនបាត់។ នៅព្រឹកថ្ងៃទី១៣ ខែមីនា សមត្ថកិច្ចកងរាជអាវុធហត្ថបានរើឈើនោះចេញដើម្បីរាប់ និងថ្លឹងទម្ងន់ ឃើញមានឈើគ្រញូងចំនួន៧២៨ដុំ ស្មើនឹង១.១៨៦ម៉ែត្រគូប។ បច្ចុប្បន្នវត្ថុតាងទាំងអស់បានប្រគល់ជូនខណ្ឌ រដ្ឋបាលព្រៃឈើខេត្ត ដើម្បីចាត់ការបន្តតាមនីតិវិធីច្បាប់។
គួរបញ្ជាក់ថា យប់ថ្ងៃតែមួយរថយន្តល្មើសច្បាប់ដឹកឈើ ប្រណីតត្រូវបានសមត្ថកិច្ចស្ទាក់ចាប់ដែលក្នុងនោះចាប់បានមុខសាលាខេត្ត១គ្រឿង ក្នុងពេលកើតគ្រោះថ្នាក់ចរាចរណ៍ និង១គ្រឿងទៀតគឺរថយន្តខាងលើ។ នេះបញ្ជាក់ថា រថយន្តដឹកឈើប្រណីតកំពុងដំណើរការយ៉ាងគគ្រឹកគគ្រេង នៅពេលយប់ តាមផ្លូវជាតិលេខ៥ ដែលធ្វើឲ្យសមត្ថកិច្ចរវល់ដេញបង្ក្រាបដូចជំនាន់ពីប៉ុន្មានឆ្នាំមុន ដែលដេញចាប់តែអ្នកមិនបង់លុយ ហើយអ្នកបង់លុយបើកយ៉ាងរំភើយតែស្អែកជួបគ្នាគិតលុយកុំភ្លេចវ៉ើយ…៕
ចែករំលែកព័តមាននេះ